વુમન્સ T20 વર્લ્ડ કપ 2026માં ભારતીય ટીમનો મુકાબલો નેધરલેન્ડ્સ સામે થશે. આ મેચ હેડિંગ્લે (લીડ્સ)ના મેદાન પર સાંજે 7 વાગ્યાથી રમાશે. ભારતે ગત મેચમાં પાકિસ્તાનને હરાવીને જીત સાથે ટુર્નામેન્ટની શરૂઆત કરી હતી. જ્યારે નેધરલેન્ડ્સને તેની પહેલી મેચમાં બાંગ્લાદેશ સામે હારનો સામનો કરવો પડ્યો હતો. ટુર્નામેન્ટમાં આજે કુલ 3 મુકાબલા રમાશે. પ્રથમ મેચ ઓસ્ટ્રેલિયા અને બાંગ્લાદેશ, બીજી મેચ ભારત અને નેધરલેન્ડ્સ અને ત્રીજી મેચ સાઉથ આફ્રિકા અને પાકિસ્તાન વચ્ચે રમાશે. T20 ઇન્ટરનેશનલમાં ભારત-નેધરલેન્ડ્સ પ્રથમ વખત ટકરાશે ભારત અને નેધરલેન્ડ્સની આ પ્રથમ ટક્કર હશે. બંને ટીમ પહેલીવાર T20 ઇન્ટરનેશનલ ક્રિકેટમાં આમને-સામને આવી છે. બંને ટીમના ટૉપ પ્લેયર્સ સ્મૃતિ પાસેથી સારી ઇનિંગ્સની અપેક્ષા, દીપ્તિ હાઇએસ્ટ વિકેટ ટેકર ભારતીય ટીમ માટે T20માં સ્મૃતિ મંધાના સૌથી સફળ બેટર રહી છે. તેણે 167 મેચમાં 124.92ની સ્ટ્રાઈક રેટથી 4401 રન બનાવ્યા છે. આ દરમિયાન 112 રન તેનો શ્રેષ્ઠ સ્કોર છે. બોલિંગમાં દીપ્તિ શર્મા ભારતની ટૉપ વિકેટ ટેકર છે. તેણે 145 મેચમાં 6.29ની ઈકોનોમીથી 166 વિકેટ ઝડપી છે. તેનું શ્રેષ્ઠ બોલિંગ પ્રદર્શન 10 રન આપીને 5 વિકેટ છે, જે તેણે છેલ્લી મેચમાં પાકિસ્તાન સામે મેળવ્યો હતો. બેટર સ્ટેર કાલિસથી નેધરલેન્ડ્સને અપેક્ષાઓ નેધરલેન્ડ્સ માટે સ્ટેર કાલિસ ટીમની મુખ્ય બેટર છે. તેણે T20માં 65 મેચમાં 104.43ની સ્ટ્રાઈક રેટથી 1953 રન બનાવ્યા છે. આ દરમિયાન અણનમ 126 રન તેની શ્રેષ્ઠ ઇનિંગ રહી છે. તો, બોલિંગમાં આઇરિસ ઝ્વીલિંગે સૌથી વધુ વિકેટ ઝડપી છે. તેણે 94 મેચમાં 5.21ની ઇકોનોમીથી 101 વિકેટ લીધી છે. તેનું શ્રેષ્ઠ બોલિંગ ફિગર 6 રન આપીને 3 વિકેટ રહ્યું છે. પીચની સ્થિતિ અને હવામાનનો મિજાજ હેડિંગ્લેની પીચ પર શરૂઆતી ઓવરોમાં ઝડપી બોલરોને સારો સ્વિંગ અને બાઉન્સ મળશે. મેચ આગળ વધતાં તે ધીમી પડી શકે છે, જેનાથી સ્પિનરોને મદદ મળશે. અહીં ટાર્ગેટને ચેઝ કરવો મુશ્કેલ હોય છે, તેથી ટૉસ જીતનારી ટીમ પહેલા બેટિંગ કરવાનું પસંદ કરશે. મેચ દરમિયાન તાપમાન 18°C થી 21°C ની વચ્ચે રહેશે અને હળવા વાદળો છવાયેલા રહેશે. મેચ દરમિયાન 25 ટકા સુધી વરસાદનો અંદાજ છે. બન્ને ટીમની સંભવિત પ્લેઇંગ-11 ભારત (IND): સ્મૃતિ મંધાના, શેફાલી વર્મા, જેમિમાહ રોડ્રિગ્સ, હરમનપ્રીત કૌર (કેપ્ટન), ભારતી ફુલમાળી, રિચા ઘોષ (વિકેટકીપર), દીપ્તિ શર્મા, અરુંધતિ રેડ્ડી, શ્રેયંકા પાટીલ, શ્રી ચરણી, ક્રાંતિ ગૌડ. નેધરલેન્ડ્સ (NED): સ્ટેર કાલિસ, સાન્યા ખુરાના, ફેબે મોલ્કેનબોઅર, બેબેટ ડી લીડે (કેપ્ટન અને વિકેટકીપર), રોબિન રિક્સ, આઇરિસ ઝ્વીલિંગ, હીથર સીજર્સ, ફ્રેડરિક ઓવરડિજ્ક, કેરોલિન ડી લાંગે, સિલ્વર સીજર્સ, ઇસાબેલ વોનિંગ. ઓસ્ટ્રેલિયા vs બાંગ્લાદેશ બાંગ્લાદેશ ક્યારેય ઓસ્ટ્રેલિયાને હરાવી શક્યું નથી T20 ઇન્ટરનેશનલ ક્રિકેટમાં ઓસ્ટ્રેલિયા અને બાંગ્લાદેશની ટીમ અત્યાર સુધી 5 વખત આમને-સામને આવી ચૂકી છે. આ તમામ 5 મેચોમાં ઓસ્ટ્રેલિયન ટીમે જીત મેળવી છે. બાંગ્લાદેશને પ્રથમ જીતની રાહ છે. બંને ટીમના ટોચના ખેલાડીઓ બેથ મૂની સૌથી સફળ બેટર, મેગન શૂટ સૌથી વધુ વિકેટ લેનાર ઓસ્ટ્રેલિયા માટે T20માં બેથ મૂનીએ સૌથી વધુ રન બનાવ્યા છે. તેણે 119 મેચમાં 125.37ના સ્ટ્રાઈક રેટથી 3552 રન બનાવ્યા છે, જેમાં અણનમ 117* રન તેનો શ્રેષ્ઠ સ્કોર છે. જ્યારે બોલિંગમાં મેગન શટ ઓસ્ટ્રેલિયાની ટોચની વિકેટ લેનાર છે. તેણે 125 મેચમાં 6.4ની ઇકોનોમીથી 152 વિકેટ ઝડપી છે. તેનું શ્રેષ્ઠ બોલિંગ પ્રદર્શન 15 રન આપીને 5 વિકેટ છે. કેપ્ટન નિગાર સુલ્તાના પર બાંગ્લાદેશની નજર બાંગ્લાદેશની કેપ્ટન નિગાર સુલ્તાના ટીમની સૌથી સફળ બેટર છે. તેણે T20માં 124 મેચમાં 93.38ના સ્ટ્રાઈક રેટથી 2526 રન બનાવ્યા છે. આ દરમિયાન અણનમ 113 રન તેની શ્રેષ્ઠ ઇનિંગ રહી છે. જ્યારે બોલિંગમાં નાહિદા અખ્તરે સૌથી વધુ વિકેટ લીધી છે. તેણે 103 મેચમાં 5.87ની ઇકોનોમીથી 117 વિકેટ લીધી છે. તેનું શ્રેષ્ઠ બોલિંગ ફિગર 8 રન આપીને 5 વિકેટ રહ્યું છે. બન્ને ટીમની સંભવિત પ્લેઇંગ-11 ઓસ્ટ્રેલિયા (AUS): બેથ મૂની (વિકેટકીપર), જ્યોર્જિયા વોલ, ફોબી લિચફિલ્ડ, એલિસ પેરી, એશ્લે ગાર્ડનર, જ્યોર્જિયા વેરહામ, એનાબેલ સધરલેન્ડ, નિકોલા કેરી, સોફી મોલિન્યુક્સ (કેપ્ટન), કિમ ગાર્થ, અલાના કિંગ. બાંગ્લાદેશ (BAN): દિલારા અખ્તર, ઝુએરિયા ફિરદૌસ, શર્મિન અખ્તર, નિગાર સુલતાના (કેપ્ટન અને વિકેટકીપર), શોભના મોસ્તરી, શોર્ના અખ્તર, રિતુ મોની, રાબેયા ખાન, મારુફા અખ્તર, સંજીદા અખ્તર મેઘલા, ફરિહા ત્રિસના. સાઉથ આફ્રિકા vs પાકિસ્તાન પાકિસ્તાન અને સાઉથ આફ્રિકા વચ્ચે કાંટાની ટક્કર સાઉથ આફ્રિકા અને પાકિસ્તાન વચ્ચે T20 ઇન્ટરનેશનલમાં મુકાબલો હંમેશા કાંટાનો રહ્યો છે. બંને ટીમ અત્યાર સુધી 27 વખત આમને-સામને આવી ચૂકી છે. જેમાં સાઉથ આફ્રિકાએ 15 મેચ જીતી છે, જ્યારે પાકિસ્તાને 12 મેચ પોતાના નામે કરી છે. બંને ટીમના ટૉપ પ્લેયર્સ કેપ્ટન લૌરા વોલ્વાર્ટ ટૉપ રન સ્કોરર સાઉથ આફ્રિકાની કેપ્ટન લૌરા વોલ્વાર્ટે ટીમ માટે સૌથી વધુ રન બનાવ્યા છે. તેણે T20ની 99 મેચોમાં 121.82ની સ્ટ્રાઈક રેટથી 2808 રન બનાવ્યા છે. જેમાં અણનમ 115 રન તેનો સર્વશ્રેષ્ઠ સ્કોર છે. જ્યારે બોલિંગની કમાન અનુભવી શબનમ ઈસ્માઈલના હાથમાં હશે. તેણે 114 મેચમાં 5.81ની શાનદાર ઇકોનોમીથી રન આપતા 124 વિકેટ લીધી છે. તેનું શ્રેષ્ઠ પ્રદર્શન 12 રન આપીને 5 વિકેટ છે. મુનીબા અલી પાસેથી પાકિસ્તાનને આશાઓ પાકિસ્તાન માટે મુનીબા અલી સ્ક્વોડની ટૉપ રન સ્કોરર છે. તેણે 90 મેચમાં 98.44ના સ્ટ્રાઈક રેટથી 1643 રન બનાવ્યા છે. તેનો શ્રેષ્ઠ સ્કોર 102 રન છે. બોલિંગમાં સાદિયા ઈકબાલે સૌથી વધુ વિકેટ ઝડપી છે. તેણે 60 મેચમાં 5.87ની ઇકોનોમીથી 75 વિકેટ લીધી છે. તેનો શ્રેષ્ઠ બોલિંગ ફિગર 16 રન આપીને 4 વિકેટ રહ્યો છે. બન્ને ટીમની સંભવિત પ્લેઇંગ-11 સાઉથ આફ્રિકા (SA): લૌરા વોલ્વાર્ટ (કેપ્ટન), સુને લુસ, એનેરી ડેર્કસેન, મેરિઝાને કેપ, નાદિન ડી ક્લાર્ક, ક્લો ટ્રાયોન, કાયલા રેનેકે, સિનાલો જાફ્તા (વિકેટકીપર), શબનમ ઈસ્માઈલ, નોનકુલુલેકો મ્લાબા, અયાબોંગા ખાકા. પાકિસ્તાન (PAK): મુનીબા અલી (વિકેટકીપર), ગુલ ફિરોઝા, આયેશા ઝફર, આલિયા રિયાઝ, સાયરા જબીન, નતાલિયા પરવેઝ, ફાતિમા સના (કેપ્ટન), રામીન શમીમ, નશરા સંધુ, તસ્મિયા રૂબાબ, સાદિયા ઇકબાલ.