વુમન્સ T20 વર્લ્ડ કપ 2026ની બીજી સેમિફાઈનલ આજે ઇંગ્લેન્ડ અને સાઉથ આફ્રિકા વચ્ચે લંડનના ધ ઓવલ મેદાન પર રમાશે. આ નોકઆઉટ મેચ ભારતીય સમય અનુસાર રાત્રે 11 વાગ્યાથી શરૂ થશે. આ મેચની વિજેતા ટીમ ફાઈનલમાં 6 વખતની ચેમ્પિયન ઓસ્ટ્રેલિયા સામે ટકરાશે. બંને ટીમ સેમિફાઈનલમાં ત્રીજી વખત આમને-સામને થશે. પાછલા બે મુકાબલામાં બંનેએ 1-1 મેચ જીતી હતી. આ ઉપરાંત, સાઉથ આફ્રિકા પાછલા બંને T20 વર્લ્ડ કપની ફાઈનલમાં પણ સ્થાન બનાવી ચૂકી છે. જ્યારે, ઇંગ્લેન્ડ આ વખતે ગ્રુપ સ્ટેજમાં તેની બધી મેચ જીતી છે. રેકોર્ડમાં ઇંગ્લેન્ડનું પલડું ભારે બંને ટીમો વચ્ચે અત્યાર સુધીમાં 28 મેચ રમાઈ છે. તેમાંથી ઇંગ્લેન્ડે 23 મેચમાં જીત નોંધાવી છે, જ્યારે સાઉથ આફ્રિકાની ટીમ માત્ર 4 મેચમાં જ જીત મેળવી શકી છે. એક મેચનું કોઈ પરિણામ આવી શક્યું નથી. ડેનિયલ વ્યાટ ઇંગ્લેન્ડની ટૉપ સ્કોરર આ વર્લ્ડ કપમાં ઇંગ્લેન્ડ માટે ડેનિયલ વ્યાટે સૌથી વધુ રન બનાવ્યા છે. તેણે 5 મેચમાં 153.26ના સ્ટ્રાઇક રેટથી 282 રન બનાવ્યા છે. તેનો શ્રેષ્ઠ સ્કોર અણનમ 105* રન છે. જ્યારે બોલિંગમાં સોફી એક્લેસ્ટને શાનદાર પ્રદર્શન કર્યું છે. તેણે 5 મેચમાં 5.90ની ઇકોનોમીથી રન આપતા 8 વિકેટ ઝડપી છે. તેનું શ્રેષ્ઠ પ્રદર્શન 22 રન આપીને 3 વિકેટ છે. બ્રિટ્સ અને મેરિઝાન કેપ સા. આફ્રિકાની સ્ટાર પરફોર્મર્સ સાઉથ આફ્રિકા માટે આ ટુર્નામેન્ટમાં તાઝમિન બ્રિટ્સે બેટથી શાનદાર યોગદાન આપ્યું છે. બ્રિટ્સે માત્ર 3 મેચમાં 134.88ના સ્ટ્રાઈક રેટથી 174 રન બનાવ્યા છે, જેમાં એક અણનમ 114 રનની શાનદાર ઇનિંગ પણ સામેલ છે. બોલિંગમાં અનુભવી મેરિઝાન કેપે ટીમને સતત સફળતાઓ અપાવી છે. કેપે 5 મેચમાં 5.21ની ઇકોનોમીથી 7 વિકેટ પોતાના નામે કરી છે. કેપ્ટન નેટ સાયવર-બ્રન્ટના કમબેકથી ઇંગ્લેન્ડ મજબૂત બન્યું ઇંગ્લેન્ડ માટે સૌથી મોટી રાહતની વાત કેપ્ટન નેટ સાયવર-બ્રન્ટની વાપસી છે. કાફ ઇન્જરી (પિંડલીની ઇજા)ને કારણે તે છેલ્લા 3 મેચમાંથી બહાર હતી, પરંતુ હવે તે સંપૂર્ણપણે ફિટ છે અને સેમિફાઈનલ રમશે. તેના આવવાથી ટીમમાં એ સવાલ ઊભો થયો છે કે પ્લેઇંગ-11માંથી કોને બહાર બેસાડવામાં આવે. ચેઝ કરનારી ટીમને ફાયદો ધ ઓવલની પીચ પર રન બનાવવા સરળ માનવામાં આવે છે અને બાઉન્ડ્રી સાઇઝ ચારેય બાજુ 62 મીટરની છે. જોકે, આ વર્ષે આ મેદાન પર રમાયેલી તમામ વુમન્સ T20 મચો બાદમાં બેટિંગ કરનારી ટીમે જીતી છે. આવી સ્થિતિમાં, ટૉસ જીતનારી ટીમ પહેલા બોલિંગ કરવાનો નિર્ણય લઈ શકે છે. આ મેચમાં સાઉથ આફ્રિકાની ફાસ્ટ બોલર મેરિઝાન કેપ અને શબનિમ ઇસ્માઈલ અને ઈંગ્લેન્ડના ઇન-ફોર્મ બેટર્સ વચ્ચે જોરદાર ટક્કર જોવા મળશે. બંને ટીમની સંભવિત પ્લેઇંગ-11 ઇંગ્લેન્ડ: એમી જોન્સ (વિકેટકીપર), ડેની વ્યાટ, સોફિયા ડંકલી, એલિસ કેપ્સ, હીથર નાઈટ, નેટ સાયવર-બ્રન્ટ (કેપ્ટન), ડેની ગિબ્સન, ચાર્લી ડીન, સોફી એક્લેસ્ટન, લિંસે સ્મિથ, લૌરેન બેલ. સાઉથ આફ્રિકા: લૌરા વોલ્વાર્ટ (કેપ્ટન), તાઝમિન બ્રિટ્સ, એનેરી ડર્કસન, ડેન વાન નીકેર્ક, મેરિઝાન કેપ, નદિન ડી ક્લાર્ક, ક્લો ટ્રાયન, સિનાલો જાફ્તા, શબનિમ ઈસ્માઈલ, અયાબોંગા ખાકા, નોનકુલુલેકો મ્લાબા.