ગુજરાતી ફિલ્મ ઈન્ડસ્ટ્રીમાં એક બાદ એક નવા વિષયો પર ફિલ્મો બની રહી છે. એવામાં આવનારા દિવસોમાં દર્શકો માટે વધુ બે રસપ્રદ ફિલ્મો સિનેમા પર રિલીઝ થવા જઈ રહી છે. એક તરફ જ્યાં ‘Ghost Gang vs Gattu Gang’નો હોરર-કોમેડી તડકો લગાવવા ફિલ્મ ‘હિપ હિપ હુર્રે’નું ધમાકેદાર ટ્રેલર રિલીઝ થઈ ગયું છે, તો બીજી તરફ જાણીતા ડિરેક્ટર વિજયગીરી બાવાએ માતૃત્વ અને વાત્સલ્ય પર આધારિત નવી ફિલ્મ ‘મા’ના શૂટિંગની શરૂઆત સાથે તેનો પાવરફુલ ફર્સ્ટ લૂક શેર કર્યો છે. હસતા હસતા ડરશો કે ડરતા ડરતા હસશો? બ્રોસિસ સ્ટુડિયોઝના બેનર હેઠળ બનેલી ફિલ્મ ‘હિપ હિપ હુર્રે’નું ટ્રેલર સોશિયલ મીડિયા પર ધૂમ મચાવી રહ્યું છે. આ એક Fun-Filled Family Horror Comedy ફિલ્મ છે, જે દર્શકોને રોલરકોસ્ટર રાઈડ કરાવવા માટે પૂરી રીતે તૈયાર છે. શું છે સ્ટોરી અને ખાસિયત? ફિલ્મનો મુખ્ય યુદ્ધ ‘ગોસ્ટ ગેંગ’ અને ‘ગટ્ટુ ગેંગ’ વચ્ચે છે. આ ફેમિલી એન્ટરટેઈનરમાં ભૂતોની ટોળી અને બાળકો/યુવાનોની ગટ્ટુ ગેંગ વચ્ચેની ધમાચકડી, હાસ્યની છોળો અને હોરર એલિમેન્ટ જોવા મળશે. ફિલ્મના ડિરેક્ટર નિષિધકુમાર બ્રહ્મભટ્ટ છે. સ્ટારકાસ્ટની વાત કરીએ તો સંજય ગોરડિયા, સ્મિત પંડ્યા, હેમિન ત્રિવેદી, ચેતન દહિયા, ભાવિની જાની, હીના જયકિશન, વૈભવ દેસાઈ, ભાર્ગવ પરમાર અને ચાઇલ્ડ આર્ટિસ્ટ્સની મોટી ફોજ જોવા મળશે. આ ફિલ્મ 31 જુલાઈના રોજ સિનેમાઘરોમાં રિલીઝ થવા જઈ રહી છે. વિજયગીરી બાવાની નવી ફિલ્મ ‘મા’ ’21મું ટિફિન’ અને ‘મોન્ટુ ની બિટ્ટુ’ જેવી ઉત્કૃષ્ટ ફિલ્મો આપનારા નેશનલ એવોર્ડ વિજેતા ડિરેક્ટર વિજયગીરી બાવા હવે એક અત્યંત ભાવનાત્મક વિષય પર ફિલ્મ લઈને આવી રહ્યા છે, જેનું નામ છે ‘મા’. હૃદયસ્પર્શી ફર્સ્ટ લુક ટેગલાઈન ફિલ્મના ફર્સ્ટ લુક સાથે એક ખૂબ જ સુંદર અને ભાવુક કૅપ્શન શેર કરવામાં આવ્યું છે: “જેના ધાવણનું બસ એક જ કર્મ, બાળકનો ધબકારો એ જ એનો ધર્મ…” સ્ટોરીટેલ ફિલ્મ્સ પ્રસ્તુત અને મનોજ આહીર દ્વારા નિર્મિત આ ફિલ્મનું શૂટિંગ સત્તાવાર રીતે શરૂ થઈ ગયું છે. સ્ટારકાસ્ટની વાત કરીએ તો લાલો ફેમ તુલસી એટલે કે રીવા રાચ્છ, હીના જયકિશન, આકાશ પંડ્યા જોવા સ્ક્રિન પર જોવા મળશે. માતૃત્વ અને બાળકના અતુટ બંધન પર આધારિત આ ફિલ્મનું શૂટિંગ શરૂ થતાં જ ફેન્સ અને ફિલ્મ વિવેચકોમાં ભારે ઉત્સુકતા જોવા મળી રહી છે.