લોકપ્રિય સિંગર અરિજીત સિંહે પ્લેબેક સિંગિંગમાંથી નિવૃત્તિ લીધી છે. તેણે મંગળવારે સોશિયલ મીડિયા દ્વારા તેની સત્તાવાર જાહેરાત કરી છે. સિંગરે સત્તાવાર ઇન્સ્ટાગ્રામ એકાઉન્ટ પર લખ્યું- નમસ્તે, આપ સૌને નવા વર્ષની હાર્દિક શુભકામનાઓ. આટલા વર્ષોથી શ્રોતાઓ તરીકે મને જે આટલો પ્રેમ આપ્યો છે, તે બદલ આપ સૌનો આભાર. મને એ જણાવતા આનંદ થાય છે કે હવેથી હું પ્લેબેક સિંગર તરીકે કોઈ નવું કામ નહીં લઉં. હું તેને અહીં જ સમાપ્ત કરી રહ્યો છું. આ એક શાનદાર સફર રહી. પ્લેબેક સિંગિંગ છોડીને અરિજીત સિંહ શું કરશે? અચાનક નથી લીધો સિંગિંગ છોડવાનો નિર્ણય અરિજીત સિંહે કહ્યું કે- આ નિર્ણય ઉતાવળમાં લેવામાં આવ્યો નથી. તેમણે લાંબા સમયથી આના પર વિચાર કર્યો અને હવે તેમને લાગે છે કે આ જ યોગ્ય સમય છે. તે પોતાના ફેન્સના પ્રેમ અને સપોર્ટ માટે હંમેશા આભારી રહેશે અને ભવિષ્યમાં નવી રીતે તેની સાથે જોડાતા રહેશે. ઘણા કારણોસર વિવાદોમાં રહ્યો છે સિંગર સલમાન ખાન સાથે વિવાદ થયો, ‘સુલતાન’ ફિલ્મમાંથી હટાવવામાં આવ્યો વર્ષ 2014ના ગિલ્ડ એવોર્ડ્સમાં સિંગર અરિજીત સિંહ ‘તુમ હી હો’ ગીત માટે એવોર્ડ લેવા પહોંચ્યા. આ સમયે સલમાન ખાન અને રિતેશ દેશમુખ સ્ટેજ પર હાજર હતા, જે સતત સિંગર સાથે મજાક કરી રહ્યા હતા. મંચ પર આવીને અરિજીતે કહ્યું, ‘તમે લોકોએ સુવડાવી દીધા.’ આના પર સલમાને કહ્યું હતું, ‘આમાં મારો કોઈ દોષ નથી, આવા ગીતો (તુમ હી હો) વાગતા રહેશે તો ઓડિયન્સ સૂઈ જ જશે.’ અરિજીત જવાબ આપ્યા વિના સ્ટેજ પરથી ઉતરી ગયા, પરંતુ તેના પછી આ જ ગીત ‘તુમ હી હો’ માટે બેસ્ટ લિરિક્સનો એવોર્ડ લેવા પહોંચેલા મિથુને અરિજીતની બેઈજ્જતીનો જવાબ આપ્યો. તેણે કહ્યું- ‘તુમ હી હો ગીતે લોકોને સુવડાવ્યા નથી, જગાડ્યા છે.’ આના પર સલમાને ફરી મજાકિયા અંદાજમાં જવાબ આપ્યો, ‘અરે તમારા સિંગર સૂતા-સૂતા આવ્યા છે.’ જવાબમાં મિથુને કહ્યું, ‘અરિજીતે ખૂબ જ ધીરજથી ગાયું છે અને આ ધીરજ મ્યુઝિક ઇન્ડસ્ટ્રીની જરૂરિયાત છે.’ પહેલા તો સલમાન મિથુનની પેન્ટ પર ચોંટેલો એક કાગળનો ટુકડો કાઢે છે અને તેની પણ મજાક ઉડાવે છે. આના પર મિથુને જવાબ આપ્યો, ‘તમે 6 કલાક બેસાડી રાખો છો, એટલે આવું થાય છે.’ તેની વાત પર સલમાન હસતા-હસતા અટકી જાય છે અને પછી ગુસ્સામાં બૂમ પાડીને કહે છે, ‘થઈ ગયું તમારું હવે નીકળો.’ આના પર મિથુને કહ્યું હતું- ‘હું ડર્યો નથી.’ બંને વચ્ચેની અણબનાવ જોઈને દરેક જણ ગંભીર થઈ ગયા હતા. અરિજીત સિંહે સલમાન ખાનની ફિલ્મ ‘સુલતાન’ માટે ગીત ગાયું હતું, પરંતુ થોડા દિવસો પછી ફિલ્મમાંથી તેમનું ગીત હટાવી દેવામાં આવ્યું. ખબર મળ્યા પછી અરિજીત સિંહે સોશિયલ મીડિયા પર પોસ્ટ કરીને સલમાન પાસે માફી માંગી અને વિનંતી કરી કે તેમનું ગીત ફિલ્મમાંથી ન હટાવવામાં આવે. જોકે, માફીની કોઈ અસર થઈ નહીં. હવે સલમાન-અરિજીત વચ્ચે સુલેહ થઈ ગઈ છે ;’બિગ બોસ 19’ના વીકેન્ડ કા વાર એપિસોડમાં કોમેડિયન રવિ ગુપ્તા હોસ્ટ તરીકે પહોંચ્યા હતા. આ દરમિયાન તેમણે સલમાનને કહ્યું કે તેમને અહીં આવવામાં ડર લાગી રહ્યો હતો કારણ કે તેમનો ચહેરો અરિજીત સિંહને ઘણો મળતો આવે છે. આના પર સલમાન હસી પડ્યા અને કહ્યું, અરિજીત અને હું ખૂબ સારા મિત્રો છીએ, તે ગેરસમજ હતી અને તે ગેરસમજ મારી તરફથી થઈ હતી. ‘ગેરૂઆ’ ગીત પર થયો વિવાદ કોલકાતા ઇન્ટરનેશનલ ફિલ્મ ફેસ્ટિવલ દરમિયાન અરિજીત સિંહે ફિલ્મ ‘દિલવાલે’નું ગીત ‘ગેરૂઆ’ ગાયું હતું. તે સમયે પશ્ચિમ બંગાળના મુખ્યમંત્રી મમતા બેનર્જી પણ હાજર હતા. તેના થોડા દિવસો પછી અરિજીત સિંહના કેટલાક કોન્સર્ટ રદ કરવામાં આવ્યા. ભાજપે આરોપ લગાવ્યો કે મમતા બેનર્જી ‘ગેરૂઆ’ રંગથી ડરી ગયા. આ પછી અરિજીતે વિવાદ પર કહ્યું હતું કે, ‘એક રંગને લઈને આટલો વિવાદ. ‘ગેરૂઆ’ રંગ સંન્યાસીઓનો હોય છે. સ્વામીજી (વિવેકાનંદ)નો છે. જો તેમણે સફેદ પહેર્યું હોત તો શું સફેદ રંગ પર પણ વિવાદ થાત?’ જોકે, બાદમાં પાર્ટી તરફથી સ્પષ્ટતા કરવામાં આવી હતી કે કોન્સર્ટ G-20 સમિટના કારણે રદ કરવામાં આવ્યા હતા, ગીત કે તેના બોલ માટે નહીં. અરિજીત સિંહના કરિયર પર એક નજર 25 એપ્રિલ 1987ના રોજ અરિજીત સિંહનો જન્મ પશ્ચિમ બંગાળના જીયા ગંજમાં થયો હતો. તેની માતા શાસ્ત્રીય ગાયિકા અને માસી તબલા વાદક હતા. બાળપણથી જ તેમને ગાયકીમાં રસ હતો. શાસ્ત્રીય સંગીત શીખ્યા પછી, અરિજીત સિંહે 18 વર્ષની ઉંમરે વર્ષ 2005 માં સિંગિંગ રિયાલિટી શો ફેમ ગુરુકુલમાં ભાગ લીધો હતો. તેઓ આ શો જીતી શક્યા ન હતા, જોકે તેમની પરફોર્મન્સથી પ્રભાવિત થઈને સંજય લીલા ભણસાલીએ તેમને ફિલ્મ ‘સાવરિયા’નું ગીત ‘યૂં શબનમી’ ઓફર કર્યું હતું. અરિજીતે આ ગીત ગાયું હતું, જોકે કેટલાક ફેરફારોને કારણે તે ગીતમાંથી ગાયકને બદલી દેવામાં આવ્યો હતો. આગળ તેણે બેકગ્રાઉન્ડ સિંગર તરીકે કામ કર્યું. ‘ગોલમાલ 3’, ‘ક્રૂક’, ‘એક્શન રિપ્લે’ જેવી ફિલ્મોમાં મ્યુઝિક કોલેબોરેશન પછી અરિજીત સિંહે ‘મર્ડર 2’ના ગીત ‘ફિર મોહબ્બત કરને ચલા હૈ’ થી પ્લેબેક સિંગર તરીકે ડેબ્યૂ કર્યું. આ ગીતની લોકપ્રિયતા પછી તેમને એજન્ટ વિનોદનું ગીત ‘રાબતા’ મળ્યું. આ ગીત પણ હિટ રહ્યું અને અરિજીતે સમય જતાં શ્રેષ્ઠ ગીતો આપીને સ્ટારડમ હાંસલ કર્યું. અરિજીત સિંહે પોતાની મ્યુઝિકલ કારકિર્દીમાં 532 હિન્દી, 144 બંગાળી અને 25 તેલુગુ સહિત અનેક ભાષાઓમાં લગભગ 700થી વધુ ગીતો ગાયા છે. તેઓ 2 નેશનલ એવોર્ડ, 8 ફિલ્મફેર સહિત કુલ 122 એવોર્ડ જીતી ચૂક્યા છે. અરિજીત સિંહને પહેલો નેશનલ એવોર્ડ વર્ષ 2018માં ‘પદ્માવત’ ફિલ્મના ગીત બિનતે દિલ માટે અને બીજો નેશનલ એવોર્ડ 2022માં ‘બ્રહ્માસ્ત્ર’ ફિલ્મના ગીત ‘કેસરિયા’ માટે મળ્યો છે. વર્ષ 2015માં અરિજીત સિંહને પદ્મશ્રીથી સન્માનિત કરવામાં આવ્યા છે. અરિજીત સિંહના બેસ્ટ ગીતો