IPLમાં સોમવારે દિલ્હી કેપિટલ્સે પંજાબ કિંગ્સને 3 વિકેટે હરાવ્યું. ધર્મશાલાના HPCA સ્ટેડિયમમાં ટીમે 211 રનનો ટાર્ગેટ હાંસલ કરીને IPL ઇતિહાસનો પોતાનો બીજો સૌથી મોટો રનચેઝ પૂરો કર્યો. મેચમાં ઝડપી બોલરોએ કુલ 39 ઓવર નાખી. આ IPL ઇતિહાસમાં બીજા સૌથી વધુ છે. જ્યારે દિલ્હીના કેપ્ટન અક્ષર પટેલે ચોગ્ગો ફટકારીને ફિફ્ટી પૂરી કરી. દિલ્હી-પંજાબ મેચના ટોપ રેકોર્ડ્સ અને મોમેન્ટ્સ… પંજાબ 9મી વખત 200+ ટાર્ગેટ ડિફેન્ડ કરી શકી નહીં પંજાબ IPL ઇતિહાસમાં સૌથી વધુ વખત 200+ સ્કોર ડિફેન્ડ કરતા હારનારી ટીમ બની ગઈ છે. દિલ્હી સામેની હાર સાથે ટીમે 9મી વખત 200+ ટાર્ગેટ બચાવવામાં નિષ્ફળતા ભોગવી. આ યાદીમાં રોયલ ચેલેન્જર્સ બેંગલુરુ 7 હાર સાથે બીજા નંબર પર છે. પંજાબે IPL 2026 માં સાતમી વખત વિરોધી ટીમને 200+ રન બનાવવા દીધા. ટીમ હવે એક સિઝનમાં સૌથી વધુ 200+ સ્કોર આપનારી ટીમોની યાદીમાં સામેલ થઈ ગઈ છે. આ યાદીમાં હૈદરાબાદ, રાજસ્થાન અને લખનઉ પણ 7-7 વખત 200+ સ્કોર આપી ચૂક્યા છે. દિલ્હીએ IPLનો બીજો સૌથી મોટો રનચેઝ કર્યો દિલ્હીએ IPL ઇતિહાસનો પોતાનો બીજો સૌથી મોટો સફળ રનચેઝ પૂરો કર્યો. આ પહેલા ટીમે આ જ સિઝનમાં જયપુરમાં રાજસ્થાન સામે 226 રનનો ટાર્ગેટ ચેઝ કર્યો હતો. દિલ્હીએ ધર્મશાલામાં 211 રનનો લક્ષ્ય હાંસલ કરીને ઇતિહાસ રચ્યો. IPLમાં ધર્મશાલાના મેદાન પર પહેલીવાર કોઈ ટીમે 200+ રન ચેઝ કર્યો. આ પહેલા અહીં સૌથી મોટો સફળ રનચેઝ ચેન્નાઈએ 2010 માં પંજાબ સામે 193 રનનો કર્યો હતો. મેચમાં પેસર્સે 39 ઓવર ફેંક્યા પંજાબ અને દિલ્હી વચ્ચે ઝડપી બોલરોએ કુલ 39 ઓવર ફેંક્યા. આ IPL ઇતિહાસમાં કોઈ મેચમાં પેસર્સ દ્વારા નાખવામાં આવેલા બીજા સૌથી વધુ ઓવર છે. આ યાદીમાં ટોચ પર 2008માં બેંગલુરુમાં રમાયેલી RCB અને CSKની મેચ છે, જ્યાં ઝડપી બોલરોએ 39.4 ઓવર નાખ્યા હતા. પંજાબે આ સિઝનમાં 7મી વખત 200+ સ્કોર બનાવ્યો પંજાબે IPL 2026માં સાતમી વખત 200+ સ્કોર બનાવ્યો. ટીમે દિલ્હી કેપિટલ્સ સામે 200 રનનો આંકડો પાર કરીને આ સિઝનમાં સૌથી વધુ 200+ સ્કોર બનાવનારી ટીમોની યાદીમાં બીજું સ્થાન મેળવ્યું. IPL ઇતિહાસમાં એક સિઝનમાં સૌથી વધુ 200+ સ્કોર બનાવવાનો રેકોર્ડ ગુજરાત અને પંજાબના નામે છે. બંને ટીમોએ 2025માં 8-8 વખત આ પરાક્રમ કર્યું હતું. જ્યારે હૈદરાબાદે આ જ સિઝનમાં 8 વખત 200+ સ્કોર બનાવ્યા છે. પંજાબે પોતાની કોઈપણ IPL ઇનિંગની પ્રથમ ઓવરમાં સૌથી વધુ રન બનાવ્યા પંજાબે પ્રથમ ઓવરમાં 22 રન બનાવ્યા. આ IPL ઇતિહાસમાં ટીમનો કોઈપણ ઇનિંગ્સની પ્રથમ ઓવરમાં સૌથી મોટો સ્કોર છે. આ પહેલા ટીમે આ જ સિઝનમાં વાનખેડેમાં મુંબઈ સામે પ્રથમ ઓવરમાં 21 રન બનાવ્યા હતા. જ્યારે દિલ્હીએ ઇનિંગ્સની પ્રથમ ઓવરમાં બીજા સૌથી વધુ રન ખર્ચ કર્યા. આ પહેલા ટીમે 2024માં કોલકાતા સામે ઇડન ગાર્ડન્સમાં 23 રન આપ્યા હતા. પ્રિયાંશે બીજી વખત IPL મેચના પ્રથમ બોલ પર સિક્સર ફટકારી પંજાબના ઓપનર પ્રિયાંશ આર્યાએ મિચેલ સ્ટાર્કની પહેલી બોલ પર સિક્સર ફટકારી. તેઓ IPL ઇતિહાસમાં બીજી વાર મેચની પહેલી બોલ પર સિક્સર ફટકારનાર પહેલા બેટર બની ગયા. આ પહેલા તેમણે 2025માં મુલ્લાંપુરમાં ચેન્નઈ સુપર કિંગ્સ સામે ખલીલ અહેમદની પહેલી બોલ પર સિક્સર ફટકારી હતી. IPLમાં મેચની પહેલી બોલ પર સિક્સર ફટકારનાર બેટરોની યાદીમાં નમન ઓઝા, વિરાટ કોહલી, ફિલ સોલ્ટ અને યશસ્વી જયસ્વાલ પણ સામેલ છે. ટુર્નામેન્ટમાં ઇનિંગ્સની પહેલી બોલ પર સૌથી વધુ વાર સિક્સર ફટકારવાનો રેકોર્ડ યશસ્વી જયસ્વાલના નામે છે. તેમણે 4 વાર આ કારનામું કર્યું છે. પંજાબ કિંગ્સના પ્રિયાંશ આર્યા 3 વાર પહેલી બોલ પર સિક્સર ફટકારી ચૂક્યા છે. તેઓ આ યાદીમાં બીજા સ્થાને પહોંચી ગયા છે. પ્રિયાંશે પાવરપ્લેમાં ત્રીજી વખત 50+ રન બનાવ્યા પ્રિયાંશે IPLમાં ત્રીજી વખત પાવરપ્લેમાં 50+ રન બનાવ્યા. તે આવું કરનાર ભારતીય બેટરોની યાદીમાં બીજા સ્થાને પહોંચી ગયો છે. આ મામલે વૈભવ સૂર્યવંશી 4 વખત સાથે ટોપ પર છે. જ્યારે કેએલ રાહુલ, રિદ્ધિમાન સાહા અને યશસ્વી જયસ્વાલે 2-2 વખત પાવરપ્લેમાં 50+ રન બનાવ્યા છે. ટોપ-8 મોમેન્ટ્સ વાંચો… નબીના ડાઇવિંગ કેચથી પ્રભસિમરન આઉટ 7મી ઓવરમાં પ્રભસિમરન સિંહ આઉટ થયો. મુકેશ કુમારે તેને શોર્ટ બોલ પર ફસાવ્યો. પ્રભસિમરન પુલ શોટ રમવા ગયો, પરંતુ બોલ બેટના ઉપરના ભાગે વાગીને ડીપ બેકવર્ડ સ્ક્વેર લેગ તરફ ગયો. અહીં આકિબ નબીએ ડાઇવ લગાવીને શાનદાર કેચ પકડ્યો. પ્રભસિમરન 15 બોલમાં 18 રન બનાવીને પેવેલિયન પરત ફર્યો. માધવ તિવારીને પ્રથમ IPL વિકેટ દિલ્હીના માધવ તિવારીએ IPLમાં પોતાની પ્રથમ વિકેટ લીધી. 9મી ઓવરમાં તેણે પ્રિયાંશને આઉટ કર્યો. ઓફ સ્ટમ્પની બહાર ગુડ લેન્થ બોલ પર પ્રિયાંશ મોટો શોટ રમવા ગયો, પરંતુ બોલ બેટની બહારની કિનારી લઈને ડીપ પોઈન્ટ પર ગયો. ત્યાં સાહિલ પરખે સરળ કેચ પકડ્યો. પ્રિયાંશ 33 બોલમાં 56 રન બનાવીને આઉટ થયો. તેની ઇનિંગ્સમાં 2 ચોગ્ગા અને 6 છગ્ગા શામેલ હતા. શ્રેયસે સિક્સર ફટકારીને ફિફ્ટી પૂરી કરી 18મી ઓવરમાં પંજાબના કેપ્ટન શ્રેયસ ઐયરે છગ્ગા સાથે અડધી સદી પૂરી કરી. માધવ તિવારીના શોર્ટ અને વાઈડ બોલ પર તેણે ડીપ એક્સ્ટ્રા કવર ઉપર સિક્સર ફટકારી. આ સાથે જ શ્રેયસે દિલ્હી કેપિટલ્સ સામે સતત ત્રીજી 50+ ઇનિંગ્સ રમી. તે IPLમાં દિલ્હી સામે સતત 3 વખત 50+ રન બનાવનારા બેટરોની યાદીમાં સામેલ થઈ ગયો. આ યાદીમાં રાહુલ દ્રવિડ અને વિરાટ કોહલી પણ 3-3 વખત આ કારનામું કરી ચૂક્યા છે. શ્રેયસ ઐયરનો વન-હેન્ડેડ સિક્સ જોઈને પ્રીતિ ઝિન્ટા ઝૂમી ઉઠી શ્રેયસ અય્યરે પોતાની ઇનિંગ દરમિયાન ઘણા શાનદાર શોટ ફટકાર્યા, પરંતુ સૌથી વધુ ચર્ચા તેમના એક હાથે ફટકારેલા છગ્ગાની થઈ રહી છે. આ આખો નજારો પંજાબની ઇનિંગની 12મી ઓવરમાં જોવા મળ્યો, જ્યારે દિલ્હી કેપિટલ્સના ફાસ્ટ બોલર લુંગી એન્ગિડી બોલિંગ કરી રહ્યા હતા.એન્ગિડીએ ફુલ લેન્થ પર થોડી ધીમી બોલ નાખી હતી, અય્યર શોટ રમવામાં ખૂબ ઉતાવળ કરી બેઠા અને બેટમાંથી તેમનો એક હાથ પણ છૂટી ગયો. જોકે નસીબ તેમનો સાથ આપી ગયું અને બોલ બેટના બરાબર વચ્ચે લાગીને સીધો મિડ-ઓફ ઉપરથી છગ્ગા માટે જતો રહ્યો. આ શોટ જોઈને સ્ટેન્ડ્સમાં બેઠેલી પંજાબ કિંગ્સની સહ-માલિક પ્રીતિ ઝિન્ટા ખુશીથી ઝૂમી ઉઠી. તેમણે ઊભા થઈને તાળીઓ પાડી અને તેમના ચહેરા પરની સ્મિત કેમેરામાં કેદ થઈ ગઈ. ત્યાં લુંગી એન્ગિડીનું રિએક્શન પણ જોવા જેવું હતું. શેડગેએ સ્ટાર્કની હેટ્રિક બોલ પર સિક્સર ફટકારી મિચેલ સ્ટાર્કે 19મી ઓવરના પહેલા બે બોલ પર માર્કસ સ્ટોઈનિસ અને શશાંક સિંહને આઉટ કરીને હેટ્રિકની તક બનાવી. પરંતુ સૂર્યાંશ શેડગેએ દબાણમાં શાનદાર જવાબ આપ્યો. તેણે હેટ્રિક બોલ પર લાંબી સિક્સર ફટકારી. ત્યારબાદ આગલા બોલ પર ચોગ્ગો અને ઓવરના છેલ્લા બોલ પર પણ છગ્ગો ફટકાર્યો. સ્ટાર્કની આ ઓવરમાં 2 વિકેટ જરૂર આવી, પરંતુ પંજાબે 16 રન પણ ભેગા કર્યા. અર્શદીપે સ્ટબ્સનો સરળ કેચ છોડ્યો પંજાબ કિંગ્સની ખરાબ ફિલ્ડિંગ ચાલુ રહી. 7મી ઓવરમાં બેન ડ્વારશુઈસની બોલ પર ટ્રિસ્ટન સ્ટબ્સ મોટો શોટ રમવા ગયો, પરંતુ બોલ યોગ્ય રીતે ટાઈમ ન થયો અને લોંગ-ઓન તરફ હવામાં ગયો. ત્યાં અર્શદીપ સિંહ પાસે આસાન તક હતી, પરંતુ તેણે બંને હાથ લગાવ્યા હોવા છતાં કેચ છોડી દીધો. કોનોલીના ડાયરેક્ટ હિટથી સ્ટબ્સ આઉટ દિલ્હી કેપિટલ્સની ખરાબ રનિંગના કારણે એક વધુ વિકેટ પડી ગઈ. 9મી ઓવરમાં ટ્રિસ્ટન સ્ટબ્સ રન લેવા માટે આગળ નીકળી ચૂક્યા હતા, પરંતુ અક્ષર પટેલે તેમને પાછા મોકલી દીધા. ત્યારે જ કૂપર કોનોલીએ બોલ ઉઠાવીને નોન-સ્ટ્રાઈકર એન્ડ પર સીધો થ્રો માર્યો. અક્ષરે ચોગ્ગાથી પૂરી કરી ફિફ્ટી 14મી ઓવરમાં દિલ્હીના કેપ્ટન અક્ષર પટેલે ચોગ્ગો લગાવીને અડધી સદી પૂરી કરી. માર્કસ સ્ટોઈનિસના ફુલ લેન્થ બોલને તેમણે લોંગ ઓનની દિશામાં રમ્યો. બોલ બેટના વચ્ચેના ભાગમાં ન લાગ્યો, પરંતુ ગેપમાં નીકળી ગયો અને અક્ષરની ફિફ્ટી પૂરી થઈ ગઈ. પ્રભસિમરનના કેચથી મિલર આઉટ 17મી ઓવરમાં ડેવિડ મિલરે સતત બે છગ્ગા ફટકારીને અડધી સદી પૂરી કરી, પરંતુ આગલી જ બોલ પર આઉટ થઈ ગયા. ડ્વારશુઈસના બેક ઓફ લેન્થ બોલ પર મિલર ત્રીજો સતત સિક્સ લગાવવાના પ્રયાસમાં મોટો શોટ રમી બેઠા. બોલ બેટના ઉપલા કિનારેથી વાગીને હવામાં ઘણી વાર સુધી રહ્યો. વિકેટકીપર પ્રભસિમરન સિંહે સ્ટમ્પ્સની પાછળથી દોડીને શોર્ટ કવર પાસે શાનદાર કેચ પકડ્યો. મિલર 28 બોલમાં 51 રન બનાવીને આઉટ થયા. તેમની ઇનિંગ્સમાં 3 ચોગ્ગા અને 4 છગ્ગા શામેલ હતા.