પંજાબના રહેવાસી ફાસ્ટ બોલર અર્શદીપ સિંહે પંજાબી મોડલ સમરીન કૌર સાથેના પોતાના સંબંધોની પુષ્ટિ કરી છે. ઇન્સ્ટાગ્રામ પર બે ફોટા શેર કરતા તેણે કેપ્શનમાં ‘My Person’ લખ્યું. આ એક પોસ્ટ સાથે છેલ્લા 3 મહિનાથી ચાલી રહેલી ડેટિંગની ચર્ચાઓ પર પૂર્ણવિરામ મુકાઈ ગયું. અર્શદીપની પોસ્ટ પર ચાહકોની સાથે-સાથે અનેક જાણીતી હસ્તીઓએ પણ બંનેને અભિનંદન અને શુભેચ્છાઓ પાઠવી છે. અર્શદીપ અને સમરીનના સંબંધોની ચર્ચા એપ્રિલ 2026માં સ્નેપચેટ પર શેર કરવામાં આવેલી એક તસવીરથી શરૂ થઈ હતી. ત્યારબાદ IPL 2026 દરમિયાન સમરીન ઘણી વખત પંજાબ કિંગ્સની મેચોમાં અર્શદીપને ચીયર કરતી જોવા મળી હતી. જૂનમાં બંને એક ગુરુદ્વારામાં સાથે માથું ટેકવવા પહોંચ્યા હતા, ત્યારબાદ બ્રેકઅપની અફવાઓ પણ ઉડી હતી, પરંતુ હવે ઇન્સ્ટાગ્રામ પર અર્શદીપની પોસ્ટથી તેમના સંબંધો સાર્વજનિક થઈ ગયા છે. અર્શદીપે ઇન્સ્ટા પર 2 PHOTOS પોસ્ટ કર્યા… જાણો અર્શદીપનો સંબંધ કેવી રીતે આગળ વધ્યો સ્નેપચેટના ફોટોથી શરૂ થઈ ચર્ચા એપ્રિલ 2026ની શરૂઆતમાં અર્શદીપ સિંહે તેના સ્નેપચેટ એકાઉન્ટ પર એક ફોટો શેર કર્યો. ફોટામાં તે એક છોકરીનો હાથ પકડેલો જોવા મળ્યો, પરંતુ ચહેરો બતાવ્યો ન હતો. આ પછી ચાહકોએ છોકરીના હાથ પર બનેલા ટેટૂ અને નેલ આર્ટને નોટિસ કર્યું અને તેની સરખામણી પંજાબી મોડેલ અને અભિનેત્રી સમરીન કૌરની તસવીરો સાથે કરી. ટેટૂ મેચ થયા પછી બંનેના સંબંધોની ચર્ચા સોશિયલ મીડિયા અને મીડિયામાં શરૂ થઈ ગઈ. IPLમાં સમરીને અર્શદીપને સપોર્ટ કર્યો IPL 2026 દરમિયાન સમરીન કૌર ઘણી વખત પંજાબ કિંગ્સ (PBKS)ની મેચોમાં જોવા મળી હતી. તે ન્યૂ ચંદીગઢના મહારાજા યાદવેન્દ્ર સિંહ ઇન્ટરનેશનલ ક્રિકેટ સ્ટેડિયમ અને મુંબઈના વાનખેડે સ્ટેડિયમના VIP સ્ટેન્ડમાં બેસીને અર્શદીપ સિંહને ચીયર કરતી જોવામાં આવી હતી. મેચો દરમિયાન તેની હાજરીએ બંનેના અફેરની ચર્ચાઓને વધુ તેજ બનાવી દીધી હતી. ત્યારબાદ ચંદીગઢ એરપોર્ટ પર બંને હાથ પકડીને નીકળ્યા. ધર્મશાલામાં સાથે ફરતા જોવા મળ્યા, એરપોર્ટ પર પણ સ્પોટ થયા મે મહિનામાં બંનેનો એક વીડિયો સોશિયલ મીડિયા પર ખૂબ વાયરલ થયો હતો. વીડિયોમાં અર્શદીપ અને સમરીન હિમાચલ પ્રદેશના ધર્મશાલાના રસ્તા અને સ્થાનિક બજારમાં હાથમાં હાથ નાખીને ફરતા જોવા મળ્યા હતા. આ દરમિયાન બંનેને ચંદીગઢ એરપોર્ટ પર પણ સાથે જોવામાં આવ્યા હતા, જ્યાં તેઓ એકસાથે યાત્રા માટે પહોંચ્યા હતા અને મીડિયાના કેમેરામાં હસતા કેદ થયા હતા. જોકે, બંનેના પારિવારિક સભ્યો આ વાતને છુપાવતા રહ્યા. ગુરુદ્વારામાં સાથે પહોંચ્યા, બ્રેકઅપની અફવા ઉડી જૂન મહિનામાં અર્શદીપ અને સમરીન પંજાબના એક પ્રખ્યાત ગુરુદ્વારામાં એકસાથે માથું ટેકવવા પહોંચ્યા. આના થોડા દિવસો પછી સોશિયલ મીડિયા પર સમાચાર ફેલાઈ ગયા કે બંનેએ ઇન્સ્ટાગ્રામ પર એકબીજાને અનફોલો કરી દીધા છે અને તેમનું બ્રેકઅપ થઈ ગયું છે. જોકે, બાદમાં આ માત્ર અફવા કે ટેકનિકલ ખામી નીકળી અને બંને તરફથી સંબંધોને લઈને કોઈ નિવેદન આવ્યું નથી.