ઇંગ્લેન્ડે ત્રીજી વખત અંડર-19 વર્લ્ડ કપમાં સ્થાન મેળવી લીધું છે. ઝિમ્બાબ્વેના બુલવાયોમાં રમાયેલી પ્રથમ સેમિફાઇનલમાં ઇંગ્લેન્ડે ડિફેન્ડિંગ ચેમ્પિયન ઓસ્ટ્રેલિયાને 27 રનથી હરાવ્યું. મંગળવારે ઇંગ્લિશ કેપ્ટન થોમસ રિયુએ સદીની ઇનિંગ્સ રમી. ઇંગ્લેન્ડના કેપ્ટને 110 રન બનાવ્યા ટોસ જીતીને પ્રથમ બેટિંગ કરતા ઇંગ્લેન્ડે 7 વિકેટે 277 રન બનાવ્યા. કેપ્ટન થોમસ રયુએ 110 રનની કેપ્ટનશીપ ઇનિંગ રમી. તેણે 39મી ઓવરમાં સિંગલ લઈને પોતાની સદી પૂરી કરી. તેની ઇનિંગમાં 14 ચોગ્ગા અને એક છગ્ગો સામેલ હતો. કેલિબ ફાલ્કનરે 53 બોલમાં 40 રન બનાવ્યા અને ચોથી વિકેટ માટે રયુ સાથે 135 રનની ભાગીદારી કરી. ઓસ્ટ્રેલિયા તરફથી હેડન સિલર અને નાદેન કૂરેએ 2-2 વિકેટ લીધી. ઓલિવરની સદી કામ ન આવી 277 રનના ટાર્ગેટને ચેઝ કરતા ઓસ્ટ્રેલિયન ટીમ 47.3 ઓવરમાં 250 રન બનાવીને ઓલઆઉટ થઈ ગઈ. કેપ્ટન ઓલિવર પીકની સંઘર્ષપૂર્ણ સદીની ઇનિંગ પણ ટીમને જીત અપાવી શકી નહીં. તેણે 88 બોલમાં 100 રન બનાવ્યા, જેમાં 10 ચોગ્ગા અને એક છગ્ગો સામેલ હતો. ઇનિંગના અંતિમ ભાગમાં તે દુખાવાથી પણ ઝઝૂમતો જોવા મળ્યો. ઓસ્ટ્રેલિયા તરફથી ઓપનર નિતેશ સેમ્યુઅલે 83 બોલમાં 47 રન બનાવ્યા. આર્યન શર્માએ 23 બોલમાં 34 રનની ઝડપી ઇનિંગ રમી. આ ત્રણ બેટર્સ સિવાય અન્ય બેટર્સ ઇંગ્લેન્ડના બોલરો સામે ટકી શક્યા નહીં. ઇંગ્લેન્ડના 3 બોલરોને 2-2 વિકેટ ઇંગ્લેન્ડ તરફથી સેબેસ્ટિયન મોર્ગન (2/33), જેમ્સ મિન્ટો (2/30), મેની લમ્સડન (2/55) અને રાલ્ફિન આલ્બર્ટ (2/45) એ બે-બે વિકેટ લીધી. એલેક્સ ફ્રેન્ચ અને ફરહાન અહેમદને એક-એક સફળતા મળી. બીજી સેમિફાઇનલ 4 ફેબ્રુઆરીએ ઇંગ્લેન્ડ હવે ત્રીજી વખત અંડર-19 વર્લ્ડ કપની ફાઇનલમાં પહોંચી છે. આ પહેલા ટીમ 1998માં ચેમ્પિયન અને 2022માં રનરઅપ રહી હતી. બીજી સેમિફાઇનલ 4 ફેબ્રુઆરીએ હરારેમાં ભારત અને અફઘાનિસ્તાન વચ્ચે રમાશે. આ મુકાબલાનો વિજેતા ફાઇનલમાં ઇંગ્લેન્ડ સામે ટકરાશે.