નાણાકીય વર્ષ 2027 ની શરૂઆત મજબૂત રહી છે. ભૂ-રાજકીય તણાવ છતાં, એપ્રિલથી જૂન સુધી કપડાંનું વેચાણ 12-14% અને એર કંડિશનર અને રેફ્રિજરેટરની માગ 17-18% વધી. પ્રીમિયમ બ્યુટી પ્રોડક્ટ્સમાં પણ બે આંકડાનો વધારો નોંધાયો. જોકે, ઈરાન યુદ્ધથી ઉદ્ભવેલા ભૂ-રાજકીય તણાવ અને ક્રૂડ ઓઈલની ઊંચી કિંમતોએ રોજિંદા વપરાશની વસ્તુઓના સેગમેન્ટમાં FMCG કંપનીઓને ભાવ વધારવા મજબૂર કરી. સાબુ, ડિટર્જન્ટ, ટૂથપેસ્ટ અને ખાદ્ય તેલોમાં 4 થી 11% સુધીના ભાવ વધ્યા. પેકેજ્ડ ફૂડમાં 3-15%, ડિટર્જન્ટમાં 5-12% અને પર્સનલ કેરમાં 5-10% નો ભાવ વધારો થયો. આનંદ રાઠી રિસર્ચ અનુસાર, આ ભાવ વધારો કોઈ એક સેગમેન્ટ પૂરતો મર્યાદિત નથી, તે વ્યાપક છે. જોકે, ઇનપુટ ખર્ચના મોરચે થોડી રાહત પણ છે. ક્રૂડ ઓઇલની કિંમત 3 મહિનામાં 29% ઘટી છે, કોફી 22% (6 મહિનામાં) સસ્તી થઈ છે. પરંતુ પોલિપ્રોપીલિન 54% અને પેકેજિંગ 60% મોંઘા થયા છે, જે પેકેજિંગ અને લોજિસ્ટિક્સ ખર્ચને ઊંચો રાખશે. નિષ્ણાતોનું માનવું છે કે આ વખતે નબળા ચોમાસાની 60% અને સામાન્ય કરતાં ઓછો વરસાદ થવાની 24% શક્યતા છે. જૂનમાં જ 46% ઓછો વરસાદ થયો છે. તેની નકારાત્મક અસર ખરીફ પાકની ઉપજ અને ખાદ્ય મોંઘવારી પર પડી શકે છે, જે ગ્રામીણ વપરાશ અને FMCG કંપનીઓ માટે એક મોટો પડકાર બની શકે છે. રિટેલ સેક્ટરનું સારૂ પ્રદર્શન, 7% વૃદ્ધિ નોંધાઈ ICICI ડાયરેક્ટના વિશ્લેષકો અનુસાર, નાણાકીય વર્ષ 2027ના પ્રથમ અઢી મહિનામાં રિટેલ સેક્ટરે મજબૂત પ્રદર્શન કર્યું. કપડાંનું વેચાણ 12-14% વધ્યું, જ્યારે એપ્રિલ 2026માં ફૂડ અને ગ્રોસરી 9%, રેસ્ટોરન્ટ ચેઇન 8%, ફૂટવેર 7% અને એકંદર રિટેલ વેચાણ 7%ના દરે વધ્યું. ચાલુ નાણાકીય વર્ષના બીજા ક્વાર્ટરમાં સુસ્તી રહી શકે છે. પરંતુ તહેવારોની સિઝન દરમિયાન વિવેકાધીન ખર્ચમાં મજબૂત પુનરાગમનની અપેક્ષા છે. FMCG: મોંઘવારીનો માર, 5-10% વધ્યા ભાવ ઇનપુટ કોમોડિટીમાં 6 મહિનામાં ફેરફાર ક્રૂડ ઓઇલ − 29%* કોફી − 22% પામ ઓઇલ 15% પોલિપ્રોપીલિન 54% પેકેજિંગ 60% પેઇન્ટ્સ 18% (ક્રૂડના ભાવમાં 3 મહિનાના ઉતાર-ચઢાવથી સ્ત્રોત- બ્લૂમબર્ગ, આનંદ રાઠી રિસર્ચ) ACના વેચાણનો રેકોર્ડ; LG, વોલ્ટાસે 10-10 લાખ યુનિટ વેચ્યા આ ઉનાળામાં 10-12% કિંમત વધવા છતાં ACના વેચાણે નવો ઇતિહાસ રચ્યો. LG ઇન્ડિયાએ કેલેન્ડર વર્ષ 2026ના પ્રથમ ક્વાર્ટરમાં જ 10 લાખ AC વેચી દીધા અને આખા વર્ષ માટે 20 લાખ યુનિટ પાર કરવાનો લક્ષ્ય રાખ્યો છે. વોલ્ટાસે નાણાકીય વર્ષ 2027ના પ્રથમ ત્રણ મહિનામાં જ 10 લાખ AC વેચાણનો માઇલસ્ટોન હાંસલ કર્યો. LGના ડિરેક્ટર સંજય ચિતકારાનું કહેવું છે કે AC હવે જરૂરિયાતની વસ્તુ બની ગઈ છે. બજારની 89% સંભાવના હજુ બાકી છે. વોલ્ટાસના MD મુકુંદન મેનને કહ્યું કે આ માઇલસ્ટોન બ્રાન્ડ પર ગ્રાહકોના વિશ્વાસ અને ટીમની ક્ષમતાનો પુરાવો છે.