એશિયાના મેન્યુફેક્ચરિંગ હબ તરીકે ઉભરી આવવાના ભારતના પ્રયાસોને થોડો ધીમો પ્રતિસાદ મળ્યો છે. એશિયા મેન્યુફેક્ચરિંગ ઇન્ડેક્સ (AMI) 2026ના રિપોર્ટમાં ભારત 11 મુખ્ય એશિયન દેશોની યાદીમાં 6ઠ્ઠા સ્થાને છે. 2024ના રિપોર્ટમાં ભારત 8 દેશોમાં ચોથા સ્થાને હતું, પરંતુ ગયા વર્ષથી તે છઠ્ઠા સ્થાને સ્થિર રહ્યું છે. રિપોર્ટ અનુસાર, ભારતને ગ્લોબલ મેન્યુફેક્ચરિંગ હબ બનવા માટે તેના ઇન્ફ્રાસ્ટ્રક્ચર અને ટેક્સ નિયમોમાં વધુ સુધારા કરવાની જરૂર છે. ચીન નંબર-1 પર યથાવત, મલેશિયાની લાંબી છલાંગ ઇન્ડેક્સ અનુસાર, ચીન હજુ પણ એશિયામાં મેન્યુફેક્ચરિંગના મામલે વિશ્વની પ્રથમ પસંદગી બની રહ્યું છે. જ્યારે મલેશિયાએ આ વખતે મોટી સફળતા મેળવી છે. મલેશિયાએ વિયેતનામને પાછળ ધકેલીને બીજું સ્થાન મેળવ્યું છે. વિયેતનામ ત્રીજા, સિંગાપોર ચોથા અને દક્ષિણ કોરિયા 5મા સ્થાને છે. ભારત આ દેશોથી પાછળ છઠ્ઠા સ્થાને છે, જ્યારે ઇન્ડોનેશિયા 7મા અને થાઇલેન્ડ 8મા સ્થાને છે. 8 માપદંડો પર દેશોની મેન્યુફેક્ચરિંગ ક્ષમતા માપવામાં આવી આ રિપોર્ટ ડિજન શિરા એન્ડ એસોસિએટ્સ દ્વારા બહાર પાડવામાં આવ્યો છે. તેમાં કોઈપણ દેશની મેન્યુફેક્ચરિંગ ક્ષમતાને 8 મુખ્ય આધારો પર ચકાસવામાં આવી છે. આમાં અર્થતંત્ર, રાજકીય જોખમ, બિઝનેસ એનવાયરમેન્ટ, આંતરરાષ્ટ્રીય વેપાર, ટેક્સ પોલિસી, ઇન્ફ્રાસ્ટ્રક્ચર, લેબર ફોર્સ અને એનવાયરમેન્ટ-સોશિયલ-ગવર્નેન્સ(ESG) નો સમાવેશ થાય છે. ભારત ક્યાં મજબૂત અને ક્યાં સુધારાની જરૂર છે? ભ્રષ્ટાચાર અને રાજકીય જોખમ પણ મોટી ચિંતા ભવિષ્યનો માર્ગ શું છે? ભારતનું લક્ષ્ય નાણાકીય વર્ષ 2026 સુધીમાં 1 ટ્રિલિયન ડોલરની મેન્યુફેક્ચરિંગ ઇકોનોમી બનવાનું છે. રિપોર્ટમાં સૂચવવામાં આવ્યું છે કે ભારતે ફક્ત લેબરની ઉપલબ્ધતા પર નિર્ભર રહેવાને બદલે સ્કિલ ડેવલપમેન્ટ અને ડિજિટલ ઇન્ફ્રાસ્ટ્રક્ચર પર ધ્યાન કેન્દ્રિત કરવું પડશે. જો ભારત પોતાના લોજિસ્ટિક્સ ખર્ચને ઘટાડે છે, તો તે આગામી કેટલાક વર્ષોમાં વિયેતનામ અને મલેશિયાને કાંટાની ટક્કર આપી શકે છે. આ સમાચાર પણ વાંચો… IMFએ ભારતનો GDP ગ્રોથ અંદાજ વધારીને 7.3% કર્યો: કહ્યું- ભારતનો વિકાસ દર અપેક્ષા કરતાં સારો, આગામી વર્ષે પણ અર્થતંત્રમાં તેજી રહેશે ઇન્ટરનેશનલ મોનેટરી ફંડ (IMF) એ સોમવારે નાણાકીય વર્ષ 2025-26 માટે ભારતના GDP ગ્રોથના અંદાજને 0.7% વધારીને 7.3 ટકા કર્યો છે. આ પહેલા ઓક્ટોબરમાં IMF એ તેના 6.6% રહેવાનો અંદાજ લગાવ્યો હતો. IMFએ તેના વર્લ્ડ ઇકોનોમિક આઉટલુક રિપોર્ટમાં જણાવ્યું છે કે ભારતમાં વિકાસ દર અપેક્ષા કરતાં ઘણો સારો રહ્યો છે. ખાસ કરીને નાણાકીય વર્ષ 2025-26 ના ત્રીજા અને ચોથા ક્વાર્ટરમાં ભારતીય અર્થતંત્રએ મજબૂત પકડ દર્શાવી છે, જેની અસર આખા વર્ષના આંકડાઓ પર દેખાશે.