ઓસ્ટ્રેલિયન ઓપનમાં રશિયાના સ્ટાર ટેનિસ ખેલાડી ડેનિલ મેદવેદેવ ત્રીજા રાઉન્ડમાં પહોંચી ગયો છે. જ્યારે વુમન્સ સિંગલ્સમાં વર્લ્ડ નંબર-1 આર્યના સબાલેન્કા પણ બીજા રાઉન્ડમાં પહોંચી ગઈ છે. જ્યારે બે વખતના ડિફેન્ડિંગ ચેમ્પિયન જૈનિક સિનરે નવો કીર્તિમાન સ્થાપિત કર્યો છે. તે વર્ષ 2000 પછી મેલબોર્નમાં સતત 15 મેચ જીતનાર ચોથો ખેલાડી બની ગયો છે. આ ખાસ ક્લબમાં તેના પહેલા રોજર ફેડરર, નોવાક જોકોવિચ અને આન્દ્રે અગાસીનો સમાવેશ થાય છે. મેદવેદેવે સીધા સેટમાં ફ્રાન્સના ક્વેન્ટિન હાલિસને હરાવ્યો
બીજા રાઉન્ડના મુકાબલામાં મેદવેદેવે ફ્રાન્સના ક્વેન્ટિન હાલિસને સખત સંઘર્ષમાં સીધા સેટમાં 7-6, 6-4, 7-5 થી હરાવીને ત્રીજા રાઉન્ડમાં સ્થાન મેળવી લીધું. સબાલેન્કાએ ઝુઓશુઆન બાઈને હવી
વુમન્સ સિંગલ્સમાં બેલારુસની આર્યના સબાલેન્કાએ ચીનની ક્વોલિફાયર ઝુઓશુઆન બાઈને સીધા સેટોમાં 6-3, 6-1થી હરાવીને બીજા રાઉન્ડમાં સ્થાન બનાવ્યું. બાઈની વર્લ્ડ રેન્કિંગ 702 છે. પહેલા સેટમાં સબાલેન્કાએ શરૂઆતી 15 મિનિટમાં 5 ગેમ જીતી લીધી, પરંતુ છેલ્લી ગેમ જીતવામાં તેને 20 મિનિટ લાગી. સાત સેટ પોઈન્ટ ગુમાવ્યા પછી તેણે પહેલો સેટ 6-3થી જીત્યો. બીજા સેટમાં બાઈએ સબાલેન્કાની સર્વિસ બ્રેક કરીને શરૂઆત જરૂર કરી, પરંતુ સબાલેન્કાએ જલદી જ નિયંત્રણ પાછું મેળવીને સેટ 6-1થી પોતાના નામે કરી લીધો. સબાલેન્કા 2023 અને 2024માં ઓસ્ટ્રેલિયન ઓપનનો ખિતાબ જીતી ચૂકી છે. ગયા વર્ષે તેને ફાઇનલમાં મેડિસન કીઝ સામે હારીને રનરઅપ રહેવું પડ્યું હતું. તે હવે પોતાના કરિયરનો પાંચમો ગ્રાન્ડ સ્લેમ સિંગલ્સ ખિતાબ જીતવાના પ્રયાસમાં છે. આ પહેલા તે યુએસ ઓપન બે વાર જીતી ચૂકી છે. જ્યારે, બાઈ ઝુઓશુઆન માટે આ ઓસ્ટ્રેલિયન ઓપનમાં બીજી ભાગીદારી હતી અને તે પહેલીવાર બીજા રાઉન્ડ સુધી પહોંચી હતી. અન્ય મહિલા મુકાબલા સિનરને પહેલા રાઉન્ડમાં વોકઓવર
મંગળવાર, 20 જાન્યુઆરીના રોજ મેલબોર્નના રોડ લેવર એરેનામાં રમાયેલી મેચમાં સિનરને ફ્રાન્સના હ્યુગો ગેસ્ટન સામે વોકઓવર જીત મળી. સિનરે પહેલો સેટ 6-2 અને બીજો સેટ 6-1 થી પોતાના નામે કર્યો. બીજા સેટ પછી બીમારીના કારણે ગેસ્ટન મેચમાંથી હટી ગયો. મેચમાં સિનરે ગેસ્ટનની સર્વિસ ચાર વખત બ્રેક કરી. પહેલી સર્વ પર તેણે 86% પોઇન્ટ જીત્યા, જ્યારે બીજી સર્વ પર 50% પોઇન્ટ મળ્યા. શરૂઆતી ગેમમાં 0-40થી પાછળ હોવા છતાં સિનરે બધા બ્રેક પોઈન્ટ બચાવ્યા અને ત્યારબાદ એક પણ બ્રેક પોઈન્ટનો સામનો કર્યો નહીં.