દુનિયાના નંબર બે ટેનિસ ખેલાડી, ઇટાલીના જૈનિક સિનરે મિયામી ઓપનમાં પોતાનું શાનદાર પ્રદર્શન ચાલુ રાખતા ક્વાર્ટર ફાઇનલમાં સ્થાન મેળવી લીધું છે. મંગળવારે હાર્ડ રોક સ્ટેડિયમમાં રમાયેલી મેચમાં સિનરે અમેરિકાના એલેક્સ મિશેલસનને સીધા સેટમાં 7-5, 7-6(4)થી હરાવી દીધો. સિનરે ATP માસ્ટર્સ 1000 ઇવેન્ટ્સમાં સતત 28 સેટ જીત્યા ઇટાલીના ટેનિસ ખેલાડી જૈનિક સિનરે ATP માસ્ટર્સ 1000 ઇવેન્ટ્સમાં સતત 28 સેટ જીતીને પોતાનો જ રેકોર્ડ વધુ મજબૂત કર્યો છે.
ગયા વર્ષે નવેમ્બરમાં પેરિસ માસ્ટર્સથી શરૂ થયેલો તેમનો જીતનો સિલસિલો હજુ પણ ચાલુ છે. આ પહેલા આ રેકોર્ડ નોવાક જોકોવિચના નામે હતો, જેમણે સતત 24 સેટ જીત્યા હતા, પરંતુ સિનરે તેને પાછળ છોડી દીધો. બીજા સેટમાં પાછળ રહ્યા બાદ મેચ પલટાઈ મેચ દરમિયાન એક સમય એવો આવ્યો જ્યારે સિનર બીજા સેટમાં 2-5થી પાછળ ચાલી રહ્યા હતા અને મિશેલસનની જીત નિશ્ચિત લાગી રહી હતી. જોકે, સિનરે હાર ન માની અને બ્રેક પોઈન્ટ મેળવીને સ્કોર બરાબર કર્યો. ત્યારબાદ મુકાબલો ટાઈ-બ્રેકમાં ગયો, જ્યાં સિનરે આગામી 7માંથી 6 પોઈન્ટ જીતીને 1 કલાક 42 મિનિટમાં મેચ પોતાના નામે કરી લીધી. મિશેલસન સામે હવે સિનરનો હેડ-ટુ-હેડ રેકોર્ડ 3-0 થઈ ગયો છે. મિયામીમાં પાંચમી ક્વાર્ટરફાઇનલ 24 વર્ષીય ઇટાલિયન ખેલાડી હવે મિયામી ઓપનમાં સતત પાંચમા વર્ષે ક્વાર્ટરફાઇનલમાં પહોંચી ગયા છે. તેઓ યાનીક નોઆ અને સ્ટેફાન એડબર્ગ પછી આવું કરનાર ત્રીજા ખેલાડી છે. આવતીકાલે ક્વાર્ટરફાઇનલમાં સિનરનો મુકાબલો 19મી સીડ ફ્રાન્સિસ ટિયાફો સામે થશે. સિનરે કહ્યું કે તેણે પોતાનો શ્રેષ્ઠ ટેનિસ રમ્યો ન હતો, તેથી તેણે કોઈને કોઈ રસ્તો શોધવાનો પ્રયાસ કર્યો. તેણે કહ્યું, ‘હવે હું મારી જાતને થોડો વધુ સારી રીતે ઓળખું છું, તેથી દરેક દિવસ થોડો અલગ હોઈ શકે છે.’