શેરબજારમાં આજે એટલે કે 22 જાન્યુઆરી (ગુરુવાર) ના રોજ તેજી જોવા મળી રહી છે. સેન્સેક્સ 800થી વધુ પોઈન્ટ વધીને 82,750ના સ્તરે કારોબાર કરી રહ્યો છે. નિફ્ટીમાં પણ 250 પોઈન્ટની તેજી છે, તે 25,400ના સ્તરે છે. સેન્સેક્સના 30 શેરોમાંથી 28 માં તેજી અને માત્ર 2માં ઘટાડો જોવા મળી રહ્યો છે. ઝોમેટો, એશિયન પેઇન્ટ્સ અને SBI ના શેરોમાં 4% સુધીની તેજી જોવા મળી રહી છે. આ અચાનક તેજી કેમ? આજે બજારમાં જોવા મળતી હરિયાળી વિશ્વભરમાંથી મળેલા સકારાત્મક સંકેતોને કારણે છે. ખરેખર, ગ્રીનલેન્ડ મામલે ચાલી રહેલા તણાવ ઘટી રહ્યો હોય તેવું લાગે છે. યુએસ રાષ્ટ્રપતિ ડોનાલ્ડ ટ્રમ્પે યુરોપિયન દેશો પર નવા ટેરિફ લાદવાની તેમની ધમકી પાછી ખેંચી લીધી છે, જેના કારણે બુધવારે યુએસ બજારો (વોલ સ્ટ્રીટ)માં તેજી જોવા મળી. જ્યારે વિશ્વનું સૌથી મોટા બજારમાં તેજી આવે છે, ત્યારે તેની અસર ભારતીય બજાર પર પણ દેખાય છે.
ગ્લોબલ માર્કેટમાં મિશ્ર કારોબાર 21 જાન્યુઆરીના રોજ વિદેશી રોકાણકારોએ ₹1,787 કરોડના શેર્સ વેચ્યા 21 જાન્યુઆરીના રોજ વિદેશી રોકાણકારો (FIIs) એ ₹1,787.66 કરોડના શેર વેચ્યા છે. જ્યારે સ્થાનિક રોકાણકારો (DII) એ ₹4,520.47 કરોડના શેર ખરીદ્યા છે.
ડિસેમ્બર 2025માં FIIsએ કુલ ₹34,350 કરોડના શેર વેચ્યા હતા. આ સમયગાળા દરમિયાન બજારને સંભાળી રહેલા DIIs એ ₹79,620 કરોડના શેર ખરીદ્યા હતા. ગઈકાલે સેન્સેક્સ 270 પોઈન્ટ ઘટીને બંધ થયો હતો શેરબજારમાં ગઈકાલે એટલે કે 21 જાન્યુઆરી (બુધવાર)ના રોજ ઘટાડો જોવા મળ્યો હતો. સેન્સેક્સ 270 પોઈન્ટ ઘટીને 81,909ના સ્તરે બંધ થયો હતો. નિફ્ટી પણ 75 પોઈન્ટ ઘટ્યો, તે 25,157ના સ્તરે બંધ થયો હતો. કારોબાર દરમિયાન સેન્સેક્સમાં તેના દિવસના નીચલા સ્તર 81,124 થી 1,000 પોઈન્ટથી વધુ અને નિફ્ટીમાં દિવસના નીચલા સ્તર 24,919 થી 300 પોઈન્ટથી વધુની રિકવરી જોવા મળી હતી. જ્યારે બેન્કિંગ શેરોમાં આજે સૌથી વધુ વેચવાલી જોવા મળી હતી.