ભારતીય રૂપિયો મંગળવારે 1 ડોલર સામે 91ની ઓલ ટાઈમ લો પર પહોંચી ગયો. આજે રૂપિયો ડોલર સામે 90.93 પર ખુલ્યો અને દિવસના કારોબાર દરમિયાન 91.01ના રેકોર્ડ નીચલા સ્તર સુધી ગગડી ગયો. વિદેશી રોકાણકારો (FPI) દ્વારા સતત વેચવાલી અને વૈશ્વિક સ્તરે વધતા વ્યાપારી તણાવને કારણે રૂપિયામાં આ ઘટાડો જોવા મળી રહ્યો છે. વર્ષ 2026ની શરૂઆતથી જ રૂપિયો દબાણ હેઠળ છે. ગયા વર્ષે ડિસેમ્બર 2025માં પહેલીવાર રૂપિયો 90ના સ્તરને પાર ગયો હતો. હવે માત્ર 20 દિવસની અંદર તે 91ના સ્તરને પણ પાર કરી ગયો છે. માર્કેટ એક્સપર્ટ્સનું માનવું છે કે અમેરિકાના રાષ્ટ્રપતિ ડોનાલ્ડ ટ્રમ્પની નવી ટેરિફ નીતિઓ અને ગ્લોબલ ટેન્શનને કારણે દુનિયાભરના રોકાણકારો સોના અને ડોલરમાં રોકાણ વધારી રહ્યા છે. રૂપિયાના ઘટાડાના ત્રણ મોટા કારણો રૂપિયો 92 સુધી ગગડી શકે છે સીઆર ફોરેક્સ એડવાઈઝર્સના મેનેજિંગ ડિરેક્ટર અમિત પાબારીનું કહેવું છે કે જો રૂપિયો 91.07ના સ્તરને પાર કરી જાય, તો તે ટૂંક સમયમાં 91.70 થી 92.00 સુધી પહોંચી શકે છે. જોકે, ભારતીય રિઝર્વ બેંક (RBI) સમય-સમય પર બજારમાં હસ્તક્ષેપ કરી રહી છે જેથી રૂપિયો અચાનક ખૂબ વધારે ન ઘટી જાય. હાલમાં રૂપિયા માટે 90.30 થી 90.50નું સ્તર એક મજબૂત સપોર્ટનું કામ કરી શકે છે. રૂપિયામાં ઘટાડાથી ઇમ્પોર્ટ કરવું મોંઘું થશે રૂપિયામાં ઘટાડાનો અર્થ એ છે કે ભારત માટે વસ્તુઓનું ઇમ્પોર્ટ મોંઘું થશે. આ ઉપરાંત વિદેશમાં ફરવું અને ભણવું પણ મોંઘું થઈ ગયું છે. ધારો કે જ્યારે ડોલર સામે રૂપિયાની કિંમત 50 હતી, ત્યારે અમેરિકામાં ભારતીય વિદ્યાર્થીઓને 50 રૂપિયામાં 1 ડોલર મળી જતો હતો. હવે 1 ડોલર માટે વિદ્યાર્થીઓને 91 રૂપિયા ખર્ચ કરવા પડશે. આનાથી વિદ્યાર્થીઓ માટે ફીથી લઈને રહેવા-જમવા અને અન્ય વસ્તુઓ મોંઘી થઈ જશે. કરન્સીની કિંમત કેવી રીતે નક્કી થાય છે? ડોલરની સરખામણીમાં અન્ય કોઈ પણ કરન્સીની કિંમત ઘટે તો તેને ચલણનું ઘટવું, તૂટવું, નબળું પડવું કહેવાય છે. અંગ્રેજીમાં તેને કરન્સી ડેપ્રિસિયેશન કહેવાય છે. દરેક દેશ પાસે ફોરેન કરન્સી રિઝર્વ હોય છે, જેનાથી તે ઈન્ટરનેશનલ વ્યવહારો કરે છે. ફોરેન રિઝર્વના ઘટવા અને વધવાની અસર કરન્સીની કિંમત પર દેખાય છે. જો ભારતના ફોરેન રિઝર્વમાં ડોલર, અમેરિકાના રૂપિયાના ભંડાર બરાબર હશે તો રૂપિયાની કિંમત સ્થિર રહેશે. આપણી પાસે ડોલર ઘટે તો રૂપિયો નબળો પડશે, વધે તો રૂપિયો મજબૂત થશે.