ભારતે થોમસ કપ બેડમિન્ટન ટુર્નામેન્ટમાં શાનદાર શરૂઆત કરતા શુક્રવારે કેનેડાને 3-1 થી હરાવ્યું. આ મેચમાં ભારતીય ડબલ્સના સાત્વિક સાઈરાજ રેન્કીરેડ્ડી અને ચિરાગ શેટ્ટીએ જીત નોંધાવી. જ્યારે એકમાત્ર હાર લક્ષ્ય સેનના નામે રહી. પ્રથમ મેચમાં લક્ષ્ય સેન હાર્યો મેચની શરૂઆત ભારત માટે સારી રહી ન હતી. પ્રથમ સિંગલ્સ મુકાબલામાં લક્ષ્ય સેનને કેનેડાના વિક્ટર લાઈ સામે હારનો સામનો કરવો પડ્યો. લક્ષ્યએ પહેલી ગેમ 21-18 થી જીતી, પરંતુ ત્યારબાદ વિક્ટર લાઈએ શાનદાર વાપસી કરતા 21-19, 21-10 થી મેચ જીતી લીધી. સાત્વિક અને ચિરાગે વાપસી કરાવી ભારતની સ્ટાર ડબલ્સ જોડી સાત્વિક સાઈરાજ રંકીરેડ્ડી અને ચિરાગ શેટ્ટીએ ટીમને બરાબરી અપાવી. તેમણે કેનેડિયન જોડીને એકતરફી મેચમાં 21-10, 21-11 થી હરાવી. આ મેચ માત્ર 29 મિનિટમાં પૂરી થઈ ગઈ. ત્રીજી સિંગલ્સ મેચમાં આયુષ શેટ્ટીએ બ્રાયન યાંગને 21-13, 21-17 થી હરાવી ભારતને લીડ અપાવી. બીજા ડબલ્સે ભારતની જીત પાક્કી કરી બીજા ડબલ્સમાં હરિહરન અને એમઆર અર્જુનની જોડીએ 21-7, 21-15 થી મેચ જીતીને 3-1 ની નિર્ણાયક લીડ અપાવી. પાંચમી મેચમાં કિદાંબી શ્રીકાંતે 21-17 અને 21-12 થી જીત મેળવી. ભારતે 4-1 થી મેચ જીતીને ટુર્નામેન્ટની વિજયી શરૂઆત કરી છે. ભારતનો બીજો મુકાબલો 27 એપ્રિલે ઓસ્ટ્રેલિયા અને ત્રીજો મેચ 29 એપ્રિલે ચીન સામે થશે.