દિલ્હી-NCR માં આજે એટલે કે 17 મે થી CNGનો ભાવ 1 રૂપિયા વધી ગયો છે. દિલ્હીમાં હવે CNG 80.09 રૂપિયા પ્રતિ કિલોમાં મળશે. જ્યારે નોઈડા-ગાઝિયાબાદમાં તેના ભાવ 88.70 રૂપિયા થઈ ગયો છે. 2 દિવસમાં કિંમતોમાં આ બીજો વધારો છે. આ પહેલા 15 મે ના રોજ CNGના ભાવ 2 રૂપિયા પ્રતિ કિલો વધારવામાં આવ્યા હતા. પેટ્રોલ-ડીઝલ ₹3-3 મોંઘા થયા 15 મે ના રોજ પેટ્રોલ અને ડીઝલની કિંમતો 3-3 રૂપિયા પ્રતિ લિટર વધી હતી. જેના કારણે દિલ્હીમાં પેટ્રોલ 97.77 રૂપિયા પ્રતિ લિટર અને ડીઝલ 90.67 રૂપિયા પ્રતિ લિટર પર પહોંચી ગયું. જ્યારે, કંપનીઓએ મુખ્ય શહેરોમાં CNG પણ ₹2 પ્રતિ કિલો સુધી મોંઘો કરી દીધો હતો. દિલ્હીમાં હવે એક કિલો CNG માટે ₹80.09 ખર્ચ કરવા પડી રહ્યા છે. અન્ય વસ્તુઓના ભાવ પણ વધી શકે છે… ડીઝલના ભાવ વધારાની સીધી અસર સામાન્ય માણસના ખિસ્સા અને રસોડા પર પડે છે. તેને આ રીતે સમજો: પેટ્રોલ-ડીઝલ અને CNGની કિંમતોમાં શા માટે વધારો થયો? આ વધારાનું મુખ્ય કારણ આંતરરાષ્ટ્રીય બજારમાં ક્રૂડ ઓઇલની કિંમતોમાં થતી વધઘટ છે. ઈરાન અને અમેરિકા વચ્ચે યુદ્ધ શરૂ થતા પહેલા ક્રૂડ ઓઇલના ભાવ 70 ડોલર હતા, જે હવે વધીને 100 ડોલર પ્રતિ બેરલને પાર પહોંચી ગયા છે. ક્રૂડ ઓઇલની કિંમતો વધવાથી તેલ કંપનીઓ દબાણમાં હતી. તેથી કંપનીઓએ નુકસાનની ભરપાઈ કરવા માટે આ પગલું ભર્યું છે. જો ક્રૂડ ઓઇલની કિંમતોમાં લાંબા સમય સુધી તેજી જળવાઈ રહેશે તો પેટ્રોલ-ડીઝલ અને CNGની કિંમતો હજી વધી શકે છે. શું હજુ ભાવ વધશે? નિષ્ણાતોનું માનવું છે કે ₹3નો આ વધારો પૂરતો નથી. પોતાનું નુકસાન સંપૂર્ણપણે ખતમ કરવા અને ‘બ્રેક-ઇવન’ એટલે કે નો પ્રોફિટ-નો લોસની સ્થિતિમાં આવવા માટે આ કંપનીઓને હજુ પેટ્રોલના ભાવ ₹28 પ્રતિ લિટર અને ડીઝલના ભાવ ₹32 પ્રતિ લિટર સુધી વધારવાની જરૂર છે. હાલમાં પેટ્રોલ પર 29.5% અને ડીઝલ પર 36.5%ની ઘટ ચાલુ છે. જો ઈરાન યુદ્ધના કારણે ગ્લોબલ એનર્જી માર્કેટમાં સપ્લાય આ જ રીતે પ્રભાવિત રહી, તો આવનારા દિવસોમાં વધુ વધારો જોવા મળી શકે છે. ——————————————————-