પાકિસ્તાનની સત્તાધારી પાર્ટી PML-Nના વરિષ્ઠ નેતા મરિયમ ઔરંગઝેબ આ દિવસોમાં સોશિયલ મીડિયા પર ચર્ચામાં છે. કારણ છે લાહોરમાં થયેલા લગ્નમાં તેમનો બદલાયેલો લુક જોવા મળ્યો. આ લગ્ન પાકિસ્તાનના પૂર્વ વડાપ્રધાન નવાઝ શરીફના પૌત્ર અને મરિયમ નવાઝના પુત્ર જુનૈદ સફદરના હતા. મરિયમ ઔરંગઝેબ અહીં મહેમાન તરીકે સામેલ થયા હતા. જુનૈદ સફદરના લગ્ન શંજે અલી રોહૈલ સાથે લાહોરમાં ધામધૂમથી થયા હતા. જોકે, લગ્ન કરતાં વધુ ચર્ચા મરિયમ ઔરંગઝેબની તસવીરોને લઈને થઈ. સોશિયલ મીડિયા પર વાઇરલ થયેલી તસવીરોમાં મરિયમ ઔરંગઝેબ પહેલાં કરતાં વધુ સ્લિમ, શાર્પ ફેસ ફીચર્સ અને બદલાયેલા લુકમાં જોવા મળ્યા. ઘણા યુઝર્સે તેમના ગ્લો અને ફિટનેસની પ્રશંસા કરી. ઘણા લોકોએ તેમના લુકમાં આવેલા બદલાવને લઈને સવાલો પણ ઉઠાવ્યા. યુઝર્સે એવી અટકળો પણ લગાવી કે મરિયમ ઔરંગઝેબે કોસ્મેટિક સર્જરી કરાવી હોઈ શકે છે. મરિયમના વાઇરલ લુક સાથે જોડાયેલી તસવીરો… કોસ્મેટિક સર્જરી શું છે? કોસ્મેટિક સર્જરી એક મેડિકલ પ્રક્રિયા છે, જેમાં કોઈ વ્યક્તિના ચહેરા કે શરીરની બનાવટ અને દેખાવને ( સુધારવા કે બદલવા માટે સારવાર કરવામાં આવે છે. તેનો હેતુ બીમારીનો ઇલાજ નહીં, પરંતુ દેખાવમાં ફેરફાર કે સુધારો કરવાનો હોય છે. જોકે, મરિયમને લઈને આ પ્રકારની કોઈ પણ અટકળોની સત્તાવાર પુષ્ટિ થઈ નથી. મરિયમ ઔરંગઝેબ કોણ છે? 45 વર્ષીય મરિયમ ઔરંગઝેબ 2013થી પાકિસ્તાન મુસ્લિમ લીગ નવાઝ સાથે જોડાયેલા છે. તેઓ હાલમાં પંજાબ સરકારમાં સિનિયર મંત્રી છે. તેમની પાસે માહિતી, પર્યાવરણ સંરક્ષણ, આયોજન, વન, મત્સ્યપાલન, વન્યજીવ અને વિશેષ પહેલો જેવા મહત્વના વિભાગો છે. ટ્રિબ્યુનની રિપોર્ટ અનુસાર, તેમને પર્યટન, પુરાતત્વ અને સંગ્રહાલયોનો વધારાનો હવાલો પણ સોંપવામાં આવ્યો છે.