ભારત અને ન્યૂઝીલેન્ડ વચ્ચે પાંચ T20 મેચોની સિરીઝની બીજી મેચ આજે રાયપુરના શહીદ વીર નારાયણ સિંહ સ્ટેડિયમમાં રમાશે. ટૉસ સાંજે 6:30 કલાકે થશે અને મેચ 7:00 વાગ્યાથી શરૂ થશે. ટીમ ઈન્ડિયા પહેલી T20માં જીત સાથે સિરીઝમાં 1-0 થી આગળ છે. પ્રથમ મેચમાં ઈજાગ્રસ્ત થયેલા સ્પિન-ઓલરાઉન્ડર અક્ષર પટેલનું આજની મેચ રમવું મુશ્કેલ માનવામાં આવી રહ્યું છે. એવામાં ભારતીય ટીમની પ્લેઇંગ-11માં ફેરફાર નક્કી છે. જો ટીમ મેનેજમેન્ટ પીચને ધ્યાનમાં રાખે છે, તો ચાઇનામેન સ્પિનર કુલદીપ યાદવને તક મળી શકે છે. રાયપુરની પીચ પર બોલ જૂનો થવાની સાથે સ્પિનરોને મદદ મળવાની આશા છે. ટીમ ઈન્ડિયાએ 53% મેચ જીતી
ભારતીય ટીમ હેડ ટુ હેડ રેકોર્ડમાં ન્યૂઝીલેન્ડથી આગળ છે. ટીમે 48% મેચ જીતી છે, જ્યારે 53% મેચ ગુમાવી છે. બંને ટીમ વચ્ચે અત્યાર સુધી 28 T20 ઈન્ટરનેશનલ મેચ રમાઈ છે. જેમાંથી 15 મેચ ભારતીય ટીમે જીતી, જ્યારે કિવીઝે 10 જીતી છે. 2 મેચનું પરિણામ આવી શક્યું નથી અને 1 મેચ ટાઈ રહી હતી. હોમ વેન્યૂઝ પર ભારતીય ટીમની જીતની ટકાવારી વધારે છે. ટીમે ઘરમાં 66% મેચ જીતી છે. ટીમે 12માંથી 8 મેચમાં જીત નોંધાવી છે, જ્યારે 4માં તેને હારનો સામનો કરવો પડ્યો છે. અભિષેક ભારતનો ટૉપ સ્કોરર
અભિષેક શર્મા સિરીઝમાં ભારતનો ટૉપ સ્કોરર છે. તેણે એક મેચમાં 84 રન બનાવ્યા છે. અભિષેક ગયા વર્ષે પણ ભારત માટે સૌથી વધુ રન બનાવનાર ખેલાડી રહ્યો છે. બીજી તરફ, બોલિંગમાં વરુણ ચક્રવર્તીએ બે મેચમાં બે વિકેટ લીધી છે. ડફીએ ન્યૂઝીલેન્ડ માટે 2 વિકેટ લીધી
ન્યૂઝીલેન્ડ માટે સિરીઝમાં અત્યાર સુધી ગ્લેન ફિલિપ્સ અને જેકબ ડફી સૌથી અસરકારક ખેલાડી સાબિત થયા છે. બેટિંગમાં ફિલિપ્સે પહેલી મેચમાં 78 રનની ઇનિંગ રમી છે, જેમાં તેનો સ્ટ્રાઈક રેટ 195.00 રહ્યો. તે જ સમયે, બોલિંગમાં ડફીએ બે વિકેટ પોતાના નામે કરી. પીચ રિપોર્ટ
રાયપુરની આ પીચ બેટર્સ અને બોલરો બંને માટે સંતુલિત રહેવાની અપેક્ષા છે. મેચની શરૂઆતમાં બેટર્સને મદદ મળી શકે છે અને રન બનાવવા થોડા સરળ રહેશે. નવા બોલથી ફાસ્ટ બોલરોને સ્વિંગ અને વધારાનો ઉછાળ મળવાની સંભાવના છે. જેમ જેમ મેચ આગળ વધશે, પીચ ધીમી થતી જશે અને બોલને ગ્રીપ મળવા લાગશે, જેનાથી બોલરોને ફાયદો થશે. રાયપુરમાં અત્યાર સુધી માત્ર એક જ T20 ઈન્ટરનેશનલ મેચ રમાઈ છે. આ મુકાબલો 2023માં ભારત અને ઓસ્ટ્રેલિયા વચ્ચે થયો હતો, જેને ભારતે 20 રનથી જીત્યો હતો. વેધર રિપોર્ટ
રાયપુરનું હવામાન 23 જાન્યુઆરીએ સારું રહેવાનું છે. રિપોર્ટ અનુસાર, અહીંનું લઘુત્તમ તાપમાન 14 ડિગ્રી સેલ્સિયસ રહેવાની ધારણા છે, જ્યારે મહત્તમ તાપમાન 28 ડિગ્રી સેલ્સિયસ રહેવાનું છે. અહીં પવન 6 કિલોમીટર પ્રતિ કલાકની ઝડપે ફૂંકાવાની ધારણા છે. સાંજના સમયે હવામાન ઠંડુ થઈ જશે અને મેચમાં વરસાદનો કોઈ અંદાજ નથી. બન્ને ટીમની પોસિબલ પ્લેઇંગ-11 ભારત (IND): સૂર્યકુમાર યાદવ (કેપ્ટન), અભિષેક શર્મા, સંજુ સેમસન (વિકેટકીપર), ઈશાન કિશન (વિકેટકીપર), રિંકુ સિંહ, હાર્દિક પંડ્યા, શિવમ દુબે, અક્ષર પટેલ/કુલદીપ યાદવ, અર્શદીપ સિંહ, જસપ્રીત બુમરાહ અને વરુણ ચક્રવર્તી. ન્યૂઝીલેન્ડ (NZ): મિચેલ સેન્ટનર (કેપ્ટન), ટિમ રોબિન્સન, ડેવોન કોનવે (વિકેટકીપર), રચિન રવીન્દ્ર, ડેરીલ મિચેલ, ગ્લેન ફિલિપ્સ, માર્ક ચેપમેન, ક્રિશ્ચિયન ક્લાર્ક, કાઇલ જેમીસન, ઈશ સોઢી અને જેકબ ડફી.