જસપ્રીત બુમરાહ મુંબઈ ઈન્ડિયન્સ (MI) ટીમ સાથે જોડાઈ ગયા છે. અહેવાલો અનુસાર, તેઓ શુક્રવારે સાંજે ટીમ સાથે હોટલ પહોંચ્યા. બુમરાહ રવિવારે મુંબઈમાં કોલકાતા નાઈટ રાઈડર્સ (KKR) સામે રમી શકે છે. બુમરાહ છેલ્લા પાંચ દિવસથી બેંગલુરુ સ્થિત BCCIના સેન્ટર ઓફ એક્સેલન્સ (CoE)માં હતા અને પોતાની ફિટનેસ અને વર્કલોડ મેનેજમેન્ટ પર કામ કરી રહ્યા હતા. ટીમના બીજા ટોપ વિકેટ ટેકર બુમરાહે 2013માં MI માટે ડેબ્યૂ કર્યું હતું અને ત્યારથી તેઓ ટીમના સૌથી મહત્ત્વપૂર્ણ બોલરોમાં સામેલ છે. તેમણે 148 મેચમાં 186 વિકેટ લીધી છે. તેઓ મુંબઈ માટે સૌથી વધુ વિકેટ લેનારા બોલરોમાં બીજા નંબર પર છે. તેમણે 2013, 2015, 2017, 2019 અને 2020ની ખિતાબી જીતમાં મોટી ભૂમિકા ભજવી છે. ગયા સિઝનમાં શરૂઆતની 4 મેચ રમ્યા ન હતા બુમરાહ ગયા સિઝનમાં શરૂઆતની ચાર મેચ રમી શક્યા ન હતા. ટીમ તે મેચોમાંથી ત્રણ હારી ગઈ હતી. જોકે મુંબઈ ઈન્ડિયન્સ કોઈક રીતે પ્લેઓફમાં સ્થાન બનાવવામાં સફળ રહી હતી, પરંતુ ટીમ ચોથા સ્થાને જ રહી શકી હતી. વિલ જેક્સ અને સેન્ટનર હજુ સુધી જોડાયા નથી MI ટીમના વિલ જેક્સ અને મિશેલ સેન્ટનર હજુ સુધી સ્ક્વોડ સાથે જોડાયા નથી. બંને ખેલાડીઓ 27 માર્ચે યોજાયેલા જરૂરી પ્રેક્ટિસ સેશનમાં પણ જોવા મળ્યા ન હતા. જોકે, તેમની ગેરહાજરી પાછળ આંતરરાષ્ટ્રીય ક્રિકેટ શેડ્યૂલ અને આરામને કારણભૂત માનવામાં આવી રહ્યું છે. ખાસ કરીને સેન્ટનર તાજેતરમાં સાઉથ આફ્રિકા સામે ન્યુઝીલેન્ડ ટીમની કેપ્ટનશીપ કરી રહ્યા હતા અને તેમને શ્રેણી પછી બ્રેક આપવામાં આવ્યો હતો. હેડ ટુ હેડમાં મુંબઈનું પલડું ભારે મુંબઈ ઇન્ડિયન્સનો કોલકાતા નાઇટ રાઇડર્સ સામેનો રેકોર્ડ ઘણો મજબૂત છે. બંને ટીમો વચ્ચે રમાયેલી 35 મેચોમાં MIએ 24 મેચ જીતી છે, જ્યારે KKRને 11 જીત મળી છે.