T20 વર્લ્ડ કપ 7 ફેબ્રુઆરીએ 20 ટીમ વચ્ચે શરૂ થયો. 5 માર્ચ સુધીમાં 2 ફાઇનલિસ્ટ ટીમ મળી ગઈ, જેમની વચ્ચે 8 માર્ચે અમદાવાદના નરેન્દ્ર મોદી સ્ટેડિયમમાં ટાઇટલ મેચ રમાશે. ન્યૂઝીલેન્ડે કોલકાતા અને ભારતે મુંબઈમાં સેમિફાઇનલ જીત્યો. બંને ટીમ અમદાવાદમાં 1-1 મેચ સાઉથ આફ્રિકા સામે હારી ચૂકી છે, હવે આ જ મેદાન પર ટાઇટલ માટે દાવેદારી રજૂ કરશે. ભારત 2007 અને 2024માં ચેમ્પિયન બની ચૂક્યું છે, જ્યારે કિવી ટીમ 2021 પછી હવે ફાઇનલમાં પહોંચી છે. ટુર્નામેન્ટમાં બન્ને ટીમનું પરફોર્મન્સ… ભારતને એકમાત્ર હાર સુપર-8 સ્ટેજમાં મળી યજમાન ભારતે T20 વર્લ્ડ કપની શરૂઆત અમેરિકા સામેની મેચથી કરી. પાવરપ્લેમાં 4 વિકેટ ગુમાવ્યા બાદ કેપ્ટન સૂર્યકુમાર યાદવે 84 રન બનાવ્યા અને ટીમને મોટા સ્કોર સુધી પહોંચાડી. ટીમે પછી નામિબિયા, પાકિસ્તાન અને નેધરલેન્ડ્સ સામે સરળતાથી મેચ જીતી. સુપર-8 સ્ટેજમાં હોમ ટીમની પ્રથમ મેચ સાઉથ આફ્રિકા સામે અમદાવાદમાં થઈ. પાવરપ્લેમાં વિકેટો પડવા છતાં પ્રોટીયેઝ ટીમે 187 રન બનાવ્યા. ભારત માત્ર 111 રન જ બનાવી શક્યું. આ હાર પછી ભારતે ઝિમ્બાબ્વે સામે 256 રન બનાવીને કમબેક કર્યું. ટીમે પછી વેસ્ટ ઇન્ડીઝ સામે 197 રનને ચેઝ કરીને સેમિફાઇનલમાં સ્થાન મેળવ્યું. ઇંગ્લેન્ડ સામેની સેમિફાઇનલમાં ભારતે 253 રન બનાવ્યા, પરંતુ આ સ્કોર પણ જીત માટે પૂરતો લાગતો ન હતો. ઇંગ્લેન્ડના યુવા બેટર જેકબ બેથેલે સદી ફટકારી અને ટીમને જીતની નજીક પહોંચાડી. જોકે, ભારતે 7 રનના નજીકના અંતરથી હાઈ-સ્કોરિંગ મેચ જીતી અને ફાઇનલમાં પ્રવેશ કર્યો. દરેક સ્ટેજમાં 1-1 મેચ હાર્યું ન્યૂઝીલેન્ડ ન્યૂઝીલેન્ડે ગ્રુપ સ્ટેજમાં અફઘાનિસ્તાનને હરાવીને ટુર્નામેન્ટ શરૂ કરી. ટીમે પછી UAEને 10 વિકેટે હરાવી દીધું. ચેન્નઈમાં બંને મેચ રમ્યા પછી ટીમ અમદાવાદમાં સાઉથ આફ્રિકા સામે ટકરાવા ગઈ. જ્યાં પ્રોટીયેઝ ટીમે 8 વિકેટે મુકાબલો જીતી લીધો. ન્યૂઝીલેન્ડે ફરી ચેન્નઈમાં કેનેડાને હરાવ્યું અને સુપર-8માં એન્ટ્રી કરી લીધી. બીજા રાઉન્ડમાં ન્યૂઝીલેન્ડનો પાકિસ્તાન સામેની પહેલી જ મેચ વરસાદને કારણે રદ રહી. ટીમ ફરી કોલંબોમાં હોમ ટીમ શ્રીલંકા સામે સંઘર્ષ કરી રહી હતી. પાવરપ્લે અને મિડલ ઓવર્સમાં ખરાબ પ્રદર્શન બાદ ડેથ ઓવર્સમાં 70 રન બનાવીને ટીમે 168 રન બનાવ્યા. શ્રીલંકા માત્ર 107 રન જ બનાવી શક્યું. હોમ ટીમને હરાવ્યા બાદ ટીમ ઇંગ્લેન્ડ સામેની છેલ્લી સુપર-8 મેચ હારી ગઈ. સેમિફાઇનલમાં પહોંચવા માટે ટીમ શ્રીલંકા પર નિર્ભર રહી. શ્રીલંકા સામે તેની છેલ્લી મેચમાં પાકિસ્તાને હોમ ટીમને 7 રનથી હરાવ્યું અને સારા રન રેટને કારણે ન્યૂઝીલેન્ડે ક્વોલિફાય કર્યું. સેમિફાઇનલમાં ટીમે સાઉથ આફ્રિકાના 170 રનના ટાર્ગેટને 12.5 ઓવરમાં જ ચેઝ કરી લીધો. સ્ટ્રાઈક રેટમાં આગળ ન્યૂઝીલેન્ડ ન્યૂઝીલેન્ડે બંને યજમાન દેશોમાં પોતાની મેચો રમી. ભારતની સરખામણીમાં શ્રીલંકામાં રન બનાવવા મુશ્કેલ હોય છે, તેમ છતાં કિવી ટીમે ભારત કરતાં સારો રન રેટ અને સ્ટ્રાઈક રેટથી સ્કોર કર્યો. કિવી ટીમની બેટિંગ એવરેજ પણ ભારતના 27.31ની સરખામણીમાં 41.68 રહી. ન્યૂઝીલેન્ડના ફક્ત 2 બેટર્સ ખાતું ખોલી શક્યા નહીં, જ્યારે ભારતના બેટર્સ 11 વખત ટુર્નામેન્ટમાં ખાતું ખોલી શક્યા નહીં. ટીમ ઈન્ડિયાએ બાઉન્ડરી ફટકારવામાં ચોક્કસપણે ન્યૂઝીલેન્ડને પાછળ છોડી દીધું. ભારતે 88 છગ્ગા અને 128 ચોગ્ગા ફટકાર્યા. કિવી ટીમ 57 છગ્ગા અને ફક્ત 109 ચોગ્ગા જ ફટકારી શકી. ભારતે ટુર્નામેન્ટમાં 3 વખત 200 +નો સ્કોર પણ બનાવ્યો, જ્યારે કિવી ટીમનો શ્રેષ્ઠ સ્કોર ફક્ત 183 રન જ છે. જોકે, આ સ્કોર પણ રન ચેઝમાં આવ્યો હતો. ન્યૂઝીલેન્ડના સ્પિનરો ભારત કરતાં સારા ન્યૂઝીલેન્ડે 7 ઇનિંગ્સ રમી, જેમાં ટીમને 41 વિકેટ મળી. 18 સ્પિનરો અને બાકીના પેસરોએ લીધી. બીજી તરફ, ટીમ ઈન્ડિયાએ 8 ઇનિંગ્સમાં 59 વિકેટ લીધી. 23 સ્પિનરો અને બાકીના પેસરોને મળી. ન્યૂઝીલેન્ડના સ્પિનરોએ 7.5ની ઇકોનોમીથી રન ખર્ચ કર્યા, જ્યારે ભારતના સ્પિનરોએ 8.3ની ઇકોનોમીથી રન લુટાવ્યા. ઓવરઓલ ઇકોનોમીમાં પણ ન્યૂઝીલેન્ડે ભારત કરતાં વધુ સારું પ્રદર્શન કર્યું. મિડલ ઓવર્સમાં ટીમ ઈન્ડિયા મજબૂત અલગ-અલગ ફેઝમાં બેટિંગ જોઈએ તો ટીમ ઈન્ડિયાએ પાવરપ્લેમાં સરેરાશ 58 રન બનાવવામાં 2 વિકેટ ગુમાવી છે. જોકે, ટીમ 2 વખત 80 પ્લસ પણ બનાવી ચૂકી છે, પરંતુ આ સ્કોર નામિબિયા અને ઝિમ્બાબ્વે સામે રહ્યા હતા. 7 થી 16 ઓવરની વચ્ચે ભારત ચોક્કસ મજબૂત રહ્યું, ટીમે સરેરાશ 93 રન બનાવવામાં 3 વિકેટ ગુમાવી. ઇંગ્લેન્ડ સામે સેમિફાઇનલમાં 123 રન ટીમનો શ્રેષ્ઠ સ્કોર રહ્યો. ડેથ ઓવર્સમાં ટીમ ઈન્ડિયા નબળી રહી. છેલ્લા 4 ઓવરમાં સરેરાશ સ્કોર 44 રન જ રહ્યો. ટીમ 3 વખત જ 60 પ્લસ રન બનાવી શકી અને એક પણ વખત 70નો સ્કોર પાર કરી શકી નહીં. ન્યૂઝીલેન્ડ પાવરપ્લેમાં ખૂબ જ મજબૂત ન્યૂઝીલેન્ડને ફિન એલન અને ટિમ સાઇફર્ટની ઓપનિંગ જોડીએ મજબૂત શરૂઆત અપાવી. ટાર્ગેટને ચેઝ કરતી વખતે, બંને ખેલાડીઓએ ઘણીવાર 50+ રનની ભાગીદારી કરી અને મિડલ ઓવરોમાં જ મેચ પૂરી કરી દીધી. શરૂઆતની 6 ઓવરમાં ટીમે સરેરાશ 62 રન બનાવવામાં 1 વિકેટ ગુમાવી. 84 રન ટીમનો શ્રેષ્ઠ સ્કોર રહ્યો, જે તેમણે સાઉથ આફ્રિકા સામે સેમિફાઇનલમાં બનાવ્યો. મિડલ ઓવર્સમાં ન્યૂઝીલેન્ડે સરેરાશ 2 વિકેટ ગુમાવી હતી, પરંતુ ટીમનો સરેરાશ સ્કોર પણ 89 સુધી જ પહોંચી શક્યો હતો. જોકે, ટીમે કેનેડા સામે આ ફેઝમાં 116 રન બનાવ્યા છે. ડેથ ઓવર્સમાં ન્યૂઝીલેન્ડની હાલત ભારત કરતાં પણ નબળી છે, ટીમનો સરેરાશ સ્કોર માત્ર 39 રન રહ્યો. જોકે, ટીમને છેલ્લી 4 ઓવરમાં માત્ર 4 વખત બેટિંગ કરવાની તક મળી, મોટાભાગના પ્રસંગોએ મેચ 16મી ઓવર પહેલા જ સમાપ્ત થઈ ગઈ. પ્લેયર ઓફ ધ ટુર્નામેન્ટની રેસમાં સેમસન ભારત માટે ઈશાન કિશન, કેપ્ટન સૂર્યકુમાર યાદવ અને સંજુ સેમસન ટૉપ-3 સ્કોરર રહ્યા. ઈશાન અને સૂર્યાએ 8-8 મેચ રમી, પરંતુ સંજુએ માત્ર 4 મેચમાં 2 ફિફ્ટી ફટકારીને 232 રન બનાવ્યા. તેને ICCએ પ્લેયર ઓફ ધ ટુર્નામેન્ટની રેસમાં પણ રાખ્યો છે. કારણ કે સેમસન ભારતની બંને નોકઆઉટ મેચમાં પ્લેયર ઓફ ધ મેચ રહ્યો હતો. જો તે ફાઇનલમાં પણ મેચ વિનિંગ ઇનિંગ્સ રમે છે, તો તે આ એવોર્ડ જીતી શકે છે. વરુણને 13 વિકેટ, બુમરાહની ઇકોનોમી કમાલની બોલિંગમાં ભારત માટે મિસ્ટ્રી સ્પિનર ​​વરુણ ચક્રવર્તી 8 મેચમાં 13 વિકેટ લઈ ચૂક્યો છે. એક વધુ વિકેટ લેતા જ તે ટુર્નામેન્ટનો ટૉપ વિકેટ ટેકર બની જશે. વરુણે ગ્રુપ સ્ટેજના 4 મેચમાં 9 વિકેટ લીધી, પરંતુ બાદના 4 મુકાબલામાં તે 4 વિકેટ જ લઈ શક્યો. તેની ઇકોનોમી પણ ખૂબ જ ખરાબ રહી. સેમિફાઇનલમાં તો વરુણે 4 જ ઓવરમાં 64 રન ખર્ચ કરી દીધા. જસપ્રીત બુમરાહ અને હાર્દિક પંડ્યાએ ચોક્કસપણે પોતાની ઇકોનોમિકલ બોલિંગથી ટીમને સંભાળી રાખી. બુમરાહે માત્ર 6.62ની ઇકોનોમીથી 10 વિકેટ ઝડપી લીધી. જ્યારે હાર્દિકે 9થી ઓછી ઇકોનોમીથી 8 વિકેટ પોતાના નામે કરી. એલન-સેફર્ટમાં ટૉપ સ્કોરર બનવાની જંગ ન્યૂઝીલેન્ડના બંને ઓપનર ફિન એલન અને ટિમ સેફર્ટે ટુર્નામેન્ટમાં પ્રભુત્વ જમાવ્યું હતું. એલને સેમિફાઇનલમાં 33 બોલમાં સદી ફટકારી હતી, તે 289 રન બનાવીને ટુર્નામેન્ટનો ત્રીજો ટૉપ સ્કોરર છે. 95 રન બનાવીને તે ટૉપ સ્કોરર પણ બની શકે છે. બીજી તરફ, સેફર્ટે 3 ફિફ્ટી ફટકારીને 274 રન બનાવ્યા છે. રચિનની ઇકોનોમી બુમરાહ જેટલી ઓલરાઉન્ડર રચિન રવીન્દ્રએ બેટિંગ કરતાં સ્પિન બોલિંગમાં વધુ કામ કર્યું છે. તેણે 8 મેચમાં માત્ર 6.88ની ઇકોનોમીથી રન ખર્ચ કરીને 11 વિકેટ ઝડપી લીધી. સેમિફાઇનલમાં 2 મહત્વપૂર્ણ વિકેટ લેનાર મેટ હેનરીના નામે પણ 9 વિકેટ છે. મિચેલ સેન્ટનર અને લોકી ફર્ગ્યુસને પણ બંને બોલરોને સારો સાથ આપ્યો છે. ભારતની સ્ટ્રેન્થ અને વીકનેસ ન્યૂઝીલેન્ડની સ્ટ્રેન્થ અને વીકનેસ ————————– IND vs NZ T20 વર્લ્ડ કપ ફાઈનલ સંબંધિત આ સમાચાર પણ વાંચો… આ વખતે કઈ ટીમ ચેમ્પિયન બની શકે?: અભિષેક પર ભારે પડી રહ્યો છે ફિન એલન, અક્ષરને ટક્કર આપશે કિવી કેપ્ટન સેન્ટનર ટીમ ઈન્ડિયા સતત બીજીવાર અને ઓવરઓલ ચોથીવાર T20 વર્લ્ડ કપની ફાઈનલમાં પહોંચી ગઈ છે. તો ન્યૂઝીલેન્ડની ટીમ બીજીવાર ફાઈનલ રમશે. ભારતની નજર ટાઇટલને ડિફેન્ડ કરીને ત્રીજીવાર ચેમ્પિયન બનવાનું સપનું છે. જ્યારે કિવીઝની નજર પહેલા જ ખિતાબ પર રહેશે. બન્ને ટીમે આ ટુર્નામેન્ટમાં ઘણા ઉતાર-ચઢાવ જોયા અને અંતે હવે આવતીકાલે એટલે કે 8 માર્ચે અમદાવાદના નરેન્દ્ર મોદી સ્ટેડિયમમાં 1 લાખ લોકો વચ્ચે વર્લ્ડ કપ ટ્રોફી ઉઠાવવાનું લક્ષ્ય રહેશે. સંપૂર્ણ સમાચાર વાંચો…