યુરોપિયન કાઉન્સિલના પ્રમુખ એન્ટોનિયો કોસ્ટા અને યુરોપિયન કમિશનના પ્રમુખ ઉર્સુલા વોન ડેર લેયેનના સન્માનમાં મંગળવારે રાષ્ટ્રપતિ ભવનમાં ડિનરનું આયોજન કરવામાં આવ્યું હતું. કાર્યક્રમમાં યુરોપિયન કમિશનના પ્રમુખ ઉર્સુલા વોન ડેર લેયેને જણાવ્યું હતું કે ભારત વૈશ્વિક રાજનીતિમાં ટોચ પર પહોંચી ગયું છે. તેમણે કહ્યું કે આ એક એવો વિકાસ છે જેનું યુરોપ સ્વાગત કરે છે. રાષ્ટ્રપતિ દ્રૌપદી મુર્મુએ જણાવ્યું હતું કે વૈશ્વિક અનિશ્ચિતતાના આ સમયગાળામાં, ભારત અને યુરોપની વિચારસરણી અને દૃષ્ટિકોણ સમાન છે. અમારું માનવું છે કે વૈશ્વિક પડકારોનો સામનો ફક્ત સામૂહિક પ્રયાસોથી જ કરી શકાય છે. કાર્યક્રમમાં વડાપ્રધાન નરેન્દ્ર મોદી, ભારતના મુખ્ય ન્યાયાધીશ સૂર્યકાંત, રાષ્ટ્રીય સુરક્ષા સલાહકાર અજીત ડોભાલ અને અન્ય ઘણી મોટી હસ્તીઓ હાજર રહી હતી. ઉર્સુલાએ બીજું શું કહ્યું… યુરોપિયન કાઉન્સિલ પ્રેસિડેન્ટ એન્ટોનિયો બોલ્યા- આજના પરિણામો પર ગર્વ રાષ્ટ્રપતિ ભવનમાં આયોજિત ડિનરમાં યુરોપિયન કાઉન્સિલના પ્રેસિડેન્ટ એન્ટોનિયો કોસ્ટાએ કહ્યું કે, ઝડપથી બદલાતી દુનિયામાં, અમારી વ્યૂહાત્મક ભાગીદારી મોટું આર્થિક અને ભૂ-રાજકીય મહત્વ ધરાવે છે. મને આજના શિખર સંમેલનના પરિણામો પર ગર્વ છે. તેમણે કહ્યું કે અમે નક્કર પ્રગતિ કરી છે અને ફ્રી ટ્રેડ એગ્રીમેન્ટ, સુરક્ષા અને ડિફેન્સ પાર્ટનરશિપ અને 2030 માટે સંયુક્ત વ્યૂહાત્મક એજન્ડા સાથે વૈશ્વિક મુદ્દાઓ પર સહકારી નેતૃત્વનું એક ઉદાહરણ પૂરું પાડ્યું છે. 7 તસવીરોમાં જુઓ રાષ્ટ્રપતિ ભવનમાં ડિનર… રાષ્ટ્રપતિ ભવનમાં ડિનરમાં યુરોપિયન કાઉન્સિલના પ્રેસિડેન્ટ એન્ટોનિયો કોસ્ટાએ સંબોધન કર્યું. ડિનર મેનૂમાં હિમાલયન વાનગીઓ પર ફોકસ રાષ્ટ્રપતિ ભવનમાં આયોજિત ડિનરમાં મુખ્ય ફોકસ પહાડી વાનગીઓ પર રહ્યું. મેનૂમાં યાક ચીઝથી લઈને ગુચ્છી જેવી વસ્તુઓ પીરસવામાં આવી. ડિનરની શરૂઆત જાખિયા બટાકા સાથે લીલા ટામેટાની ચટણી અને મેઆ લૂન અને સફેદ ચોકલેટ સાથે ઝાંગોરાની ખીર જેવી વાનગીઓથી થઈ. આ પછી સૂપ કોર્સમાં સુંદરકલા થિચોની સર્વ કરવામાં આવી. મેઈન કોર્સમાં ખસખસ, શેકેલા ટામેટાની ચટણી અને હિમાચલી સ્વર્ણુ ચોખા સાથે સોલન મશરૂમ્સ સર્વ કરવામાં આવ્યા. આ સાથે જ રાઈના પાન, કાશ્મીરી અખરોટ, શેકેલા ટામેટા અને અખુનીમાંથી બનેલી ત્રણ પ્રકારની ચટણીઓ રાખવામાં આવી હતી. ડેઝર્ટમાં હિમાલયન રાગી અને કાશ્મીરી સફરજનની કેક ડેઝર્ટમાં હિમાલયન રાગી અને કાશ્મીરી સફરજનની કેક સર્વ કરવામાં આવ્યો. તેમાં તિમરુ અને સી બકથોર્ન ક્રીમ, ખજૂર અને કાચા કોકો સાથે કોફી કસ્ટર્ડ અને હિમાલયન મધ સાથે પીરસવામાં આવેલ પર્સિમનનો સમાવેશ થતો હતો. આ વાનગીઓ શેફ પ્રતીક સાધુ અને કમલેશ નેગીના સહયોગથી તૈયાર કરવામાં આવી હતી.