શ્રીલંકા સામેની પ્રથમ ટેસ્ટની તૈયારીઓને મજબૂત કરવા માટે ભારતીય ક્રિકેટ કંટ્રોલ બોર્ડ (BCCI)એ ટીમ ઈન્ડિયાના કેમ્પમાં ચાર નેટ બોલરોનો સમાવેશ કર્યો છે. બોર્ડે બુધવારે જણાવ્યું કે હર્ષ દુબે, શિવાંગ કુમાર, તનુષ કોટિયાન અને વિપરાજ નિગમ પ્રેક્ટિસ સેશન દરમિયાન ભારતીય બેટર્સને બોલિંગ કરશે, જેથી તેમને મેચ જેવી પરિસ્થિતિઓમાં તૈયારી કરવાની તક મળી શકે. BCCIએ સત્તાવાર માહિતી આપી BCCIએ પોતાના નિવેદનમાં કહ્યું, ‘હર્ષ દુબે, શિવાંગ કુમાર, તનુષ કોટિયાન અને વિપરાજ નિગમ શ્રીલંકા સામેની પ્રથમ ટેસ્ટ પહેલા તૈયારીઓમાં મદદ કરવા માટે નેટ બોલરો તરીકે ટીમ સાથે જોડાયા છે.’ ડોમેસ્ટિક ક્રિકેટમાં પ્રદર્શનનું મળ્યું ઇનામ આ ચારેય ખેલાડીઓએ તાજેતરની ડોમેસ્ટિક સીઝનમાં સારું પ્રદર્શન કર્યું છે. તનુષ કોટિયન અને હર્ષ દુબે સ્પિન બોલર છે. માનવામાં આવે છે કે શ્રીલંકાની સ્પિન પડકારને ધ્યાનમાં રાખીને તેમને નેટ્સમાં સામેલ કર્યા છે. જ્યારે શિવાંગ કુમાર અને વિપરાજ નિગમ પણ અલગ-અલગ પ્રકારની બોલિંગથી બેટર્સને પ્રેક્ટિસ કરાવશે. શ્રીલંકા સિરીઝની તૈયારી પર ફોકસ ભારતીય ટીમ મેનેજમેન્ટ પ્રથમ ટેસ્ટ પહેલા તૈયારીમાં કોઈ કમી છોડવા માંગતું નથી. નેટ સેશનમાં આ ચારેય બોલર બેટર્સને મેચ જેવી પરિસ્થિતિઓમાં પ્રેક્ટિસ કરાવશે, જેથી ટીમ પ્રથમ ટેસ્ટ માટે વધુ સારી રીતે તૈયાર થઈ શકે.