આર્જેન્ટિના સતત બીજી વખત FIFA વર્લ્ડ કપ ફાઇનલમાં પહોંચી ગયું છે. ડિફેન્ડિંગ ચેમ્પિયને બીજી સેમિફાઇનલમાં ઇંગ્લેન્ડને 2-1થી હરાવ્યું. આર્જેન્ટિના માટે એન્ઝો ફર્નાન્ડિઝ (55મી મિનિટ) અને લૌટારો માર્ટિનેઝ (85મી મિનિટ) એ ગોલ કર્યા. આર્જેન્ટિના કુલ સાતમી વખત ફૂટબોલ વર્લ્ડ કપની ફાઇનલમાં પહોંચી છે. આ પહેલા ટીમ 1930, 1978, 1986, 1990, 2014 અને 2022માં ફાઇનલમાં પહોંચી હતી. મેસ્સીના પાસ પર એન્ઝો ફર્નાન્ડિઝે 85મી મિનિટે ગોલ કર્યો. પછી લૌટારો માર્ટિનેઝે 92મી મિનિટે ગોલ કરીને લીડ બમણી કરી દીધી. ઇંગ્લેન્ડ માટે એન્થોની ગાર્ડને 55મી મિનિટે ગોલ કર્યો હતો. મેચની 92મી મિનિટે જમણી બાજુથી આવેલા ક્રોસ પર લૌટારો માર્ટિનેઝે હેડર મારીને બોલને ગોલપોસ્ટમાં પહોંચાડી દીધો. આર્જેન્ટિનાએ સતત હુમલા કર્યા આ પહેલા આર્જેન્ટિનાએ 75મી અને 77મી મિનિટમાં સતત બે વાર તકો બનાવી હતી. 69મી મિનિટમાં પણ આર્જેન્ટિના પાસે તક હતી. મેસીએ કોર્નર કિક મારી. ક્રોસ પર નિકોલસ ગોન્ઝાલેઝે ગોલપોસ્ટની નજીકથી હેડર લગાવ્યો, પરંતુ ઇંગ્લેન્ડના ગોલકીપર જોર્ડન પિકફોર્ડે જમણી બાજુ ડાઇવ લગાવીને બોલને બચાવ્યો. ગોર્ડને ગોલ કરીને ઇંગ્લેન્ડને લીડ અપાવી મેચની 55મી મિનિટમાં ઇંગ્લેન્ડના મિડફિલ્ડર મોર્ગન રોજર્સે ઝડપી મૂવ બાદ ડાબી બાજુથી બોક્સમાં શોટ લગાવ્યો. આર્જેન્ટિનાનો ડિફેન્સ પોતાની પોઝિશન સંભાળી શક્યો નહીં. આ જ સમયે એન્થોની ગોર્ડને બોલને ગોલપોસ્ટમાં પહોંચાડી દીધો. બંને ટીમના ખેલાડીઓ એકબીજા સાથે ભીડાયા મેચની ત્રીજી મિનિટે ઇંગ્લેન્ડના મિડફિલ્ડર ઇલિયટ એન્ડરસન ટેકલ પછી મેદાન પર પડી ગયા. આ પછી બંને ટીમના ખેલાડીઓ સામસામે આવી ગયા અને રેફરીને વચ્ચે પડવું પડ્યું. 37મી મિનિટે પણ લિયોનેલ મેસી પર એન્ડરસને ફાઉલ કર્યું. આના પર તેમને યલો કાર્ડ બતાવવામાં આવ્યું. હાફ ટાઈમ પછી પણ બંને ટીમના ખેલાડીઓ રેફરી પાસે પહોંચ્યા અને મેસી લાંબા સમય સુધી રેફરી સાથે ચર્ચા કરતા જોવા મળ્યા. 4 ફોટો… 32મી મિનિટે ઇંગ્લેન્ડને મળી સૌથી મોટી તક ઇંગ્લેન્ડને 32મી મિનિટે જુડ બેલિંગહામ પર ફાઉલ થયા બાદ બોક્સની બહાર ફ્રી-કિક મળી. ડેક્લન રાઇસે ઇનસ્વિંગ ક્રોસ બોક્સમાં નાખ્યો, જેના પર જ્હોન સ્ટોન્સે હેડર માર્યો. જોકે, તેમનો હેડર નેટ સાથે અથડાઈને બહાર ગયો. પહેલા હાફમાં બંને ટીમો બરાબરી પર શરૂઆતની 25 મિનિટ સુધી ઇંગ્લેન્ડે બોલ પર વધુ નિયંત્રણ રાખ્યું અને મોટાભાગના બોલ આર્જેન્ટિનાની સાઇડમાં ગયા. એન્થોની ગોર્ડન, ડેજેડ સ્પેન્સ અને રીસ જેમ્સ સતત હુમલો કરતા રહ્યા, પરંતુ આર્જેન્ટિનાના ડિફેન્સે બચાવ કર્યો. ત્યારબાદ આર્જેન્ટિનાએ પણ લય પકડી. 39મી મિનિટે ફ્રી-કિક પછી એન્ઝો ફર્નાન્ડિઝે બોક્સની બહારથી શોટ માર્યો, પરંતુ બોલ ક્રોસબારની ઉપરથી નીકળી ગયો. માર્ટિનેઝને મળ્યો યલો કાર્ડ 42મી મિનિટે ઇંગ્લેન્ડના હુમલા દરમિયાન જુડ બેલિંગહામની જર્સી ખેંચવા બદલ આર્જેન્ટિનાના ડિફેન્ડર લિસાન્ડ્રો માર્ટિનેઝને પીળું કાર્ડ બતાવવામાં આવ્યું. બંને ટીમોની સ્ટાર્ટિંગ-11 ઇંગ્લેન્ડ: જોર્ડન પિકફોર્ડ, જ્હોન સ્ટોન્સ, માર્ક ગુએહી, રીસ જેમ્સ, જેડ સ્પેન્સ, ડેક્લાન રાઇસ, ઇલિયટ એન્ડરસન, જુડ બેલિંગહામ, મોર્ગન રોજર્સ, હેરી કેન (કેપ્ટન), એન્થોની ગોર્ડન. આર્જેન્ટિના: એમિલિયાનો માર્ટિનેઝ, નિકોલસ ટેગલિયાફિકો, લિસાન્ડ્રો માર્ટિનેઝ, ક્રિસ્ટિયન રોમેરો, નાહુએલ મોલિના, લિએન્ડ્રો પેરેડેસ, એલેક્સિસ મેક એલિસ્ટર, એન્ઝો ફર્નાન્ડિઝ, લિયોનેલ મેસી (કેપ્ટન), જુલિયન અલ્વારેઝ, જુલિયાનો સિમિયોન.