અમેરિકાના રાષ્ટ્રપતિ ડોનાલ્ડ ટ્રમ્પે જણાવ્યું છે કે ઇઝરાયલ અને લેબનોન 10 દિવસના યુદ્ધવિરામ માટે સંમત થયા છે. આ યુદ્ધવિરામ ગુરુવારે ભારતીય સમય મુજબ સવારે 2:30 વાગ્યે અમલમાં આવશે. ટ્રમ્પે ટ્રુથ સોશિયલ પર પોસ્ટ કર્યું કે તેમણે લેબનોનના રાષ્ટ્રપતિ જોસેફ આઉન અને ઇઝરાયલી વડા પ્રધાન બેન્જામિન નેતન્યાહૂ સાથે વાત કરી હતી, ત્યારબાદ આ કરાર થયો હતો. તેમણે જણાવ્યું હતું કે તેઓ ઇઝરાયલી વડા પ્રધાન બેન્જામિન નેતન્યાહૂ અને લેબનોનના રાષ્ટ્રપતિ જોસેફ આઉનને વાટાઘાટો માટે વોશિંગ્ટન આમંત્રણ આપશે. આ અઠવાડિયે, 34 વર્ષમાં બંને દેશો વચ્ચે પહેલી સીધી વાટાઘાટો વોશિંગ્ટનમાં થઈ હતી, જેમાં યુએસ સેક્રેટરી ઓફ સ્ટેટ માર્કો રુબિયો પણ સામેલ હતા. ટ્રમ્પે જણાવ્યું હતું કે તેમણે ઉપરાષ્ટ્રપતિ જે.ડી. વેન્સ, સેક્રેટરી ઓફ સ્ટેટ રુબિયો અને જોઈન્ટ ચીફ્સ ચેરમેન જનરલ ડેન કેઈનને કાયમી શાંતિ સુનિશ્ચિત કરવા માટે બંને દેશો સાથે કામ કરવા નિર્દેશ આપ્યો છે.
યુદ્ધ સંબંધિત અપડેટ્સ માટે નીચેના બ્લોગ જુઓ…