‘બિગ બોસ’ ફેમ એક્ટ્રેસ ઈશા માલવિયાનો એક વીડિયો સોશિયલ મીડિયા પર વાયરલ થઈ રહ્યો છે. વીડિયોમાં તે એક પળ માટે વડાપ્રધાન નરેન્દ્ર મોદીના હમશકલને સાચા પીએમ મોદી સમજી બેઠી. જેના પછી ત્યાં હાજર પાપારાઝી અને બીજા લોકો હસવા લાગ્યા. ખરેખર, ઈશા બ્રાઈટ એન્ટરટેઈનમેન્ટ એવોર્ડ્સ 2026ના રેડ કાર્પેટ પર પહોંચી હતી. આ દરમિયાન તેની મુલાકાત વડાપ્રધાન નરેન્દ્ર મોદીના હમશકલ સાથે થઈ. તેમને જોતા જ ઈશા ચોંકી ગઈ અને હસતા હસતા કહ્યું, ‘ઓહ, મોદીજી! મોદીજી!’ આ પછી તેણે હમશકલ સાથે હાથ મિલાવ્યો અને કેમેરા તરફ જોઈને કહ્યું, ‘ગાઈઝ, આપણી સાથે મોદીજી છે.’ PM મોદીનું હમશકલ કોણ છે? ઈશાએ પીએમ મોદીના જે હમશકલ સાથે મુલાકાત કરી, તે વિકાસ મહંતે છે. વિકાસ મહંતે મુંબઈના જાણીતા બિઝનેસમેન, એક્ટર અને સમાજસેવી છે. તેમનો ચહેરો, દાઢી અને બોલવાની રીત પીએમ મોદીને ઘણી મળતી આવે છે, જેના કારણે લોકો તેમને જોતા જ ભ્રમિત થઈ જાય છે. વિકાસ ઘણી ચૂંટણીઓ દરમિયાન ભાજપ અને તેના સહયોગી પક્ષોના પ્રચાર કાર્યક્રમોમાં પણ જોવા મળ્યા છે. તેમણે મહારાષ્ટ્ર, ગુજરાત અને પંજાબ સહિત ઘણા રાજ્યોમાં ચૂંટણી રેલીઓમાં ભાગ લીધો છે. અભિનયની દુનિયામાં પણ તેમણે પોતાની ઓળખ બનાવી છે. તેઓ ફિલ્મ ‘હેપ્પી ન્યૂ યર’માં કેમિયો રોલ કરી ચૂક્યા છે. આ ઉપરાંત ‘મોદી કાકા કા ગામ’, ‘ધ સાબરમતી રિપોર્ટ’ અને ‘એક નયા સવેરા’ જેવી ફિલ્મો અને પ્રોજેક્ટ્સમાં પણ કામ કરી ચૂક્યા છે. ઈશાએ 13 વર્ષની ઉંમરે મોડેલિંગની દુનિયામાં પગ મૂક્યો હતો જ્યાં સુધી ઈશા માલવિયાના વર્કફ્રન્ટની વાત છે, તેણે 13 વર્ષની ઉંમરે મોડેલિંગની દુનિયામાં પગ મૂક્યો. વર્ષ 2017માં તે ‘મિસ મધ્ય પ્રદેશ’ બની, જ્યારે 2019માં ‘મિસ ટીન ઇન્ડિયા વર્લ્ડવાઇડ’ સ્પર્ધામાં સેકન્ડ રનર-અપ રહી. ઈશાએ 2021માં ટીવી શો ‘ઉડારિયાં’થી એક્ટિંગ કારકિર્દીની શરૂઆત કરી. આ શોમાં તેનું જાસ્મિન કૌર સંધુનું પાત્ર ખૂબ લોકપ્રિય થયું. ત્યારબાદ તે ‘બિગ બોસ 17’માં જોવા મળr, જ્યાં તેની લોકપ્રિયતા સમગ્ર દેશમાં વધી. ઈશા ઘણા હિન્દી અને પંજાબી મ્યુઝિક વીડિયોમાં પણ કામ કરી ચૂકી છે. સોશિયલ મીડિયા પર તેના લાખો ફોલોઅર્સ છે અને તે ઘણા મોટા ફેશન અને બ્યુટી બ્રાન્ડ્સ સાથે જોડાયેલી છે.