શું કોઈ એથ્લીટ પોતાની સૌથી મહત્વની રેસ પહેલાં ભારે ફાસ્ટ ફૂડ ખાઈને વર્લ્ડ રેકોર્ડ બનાવી શકે છે? 20 વર્ષના અમેરિકી એથ્લીટ જેકોબ થાર્પે કંઈક આવું જ કરી બતાવ્યું છે. ઓબર્ન યુનિવર્સિટીના આ યુવા વિદ્યાર્થીએ 110 મીટર સ્પ્રિન્ટ હર્ડલને માત્ર 12.75 સેકન્ડમાં પૂરી કરીને નવો વર્લ્ડ રેકોર્ડ સ્થાપિત કર્યો છે. પોતાની શાનદાર જીતની સાથે-સાથે જેકોબ પોતાની અનોખી પ્રી-રેસ રૂટિન માટે પણ ચર્ચામાં છે. રેસ પહેલાં તેમનો ફિક્સ ભોજન છે: બે ચીઝબર્ગર, લાર્જ ફ્રેન્ચ ફ્રાઈઝ અને ચિકન નગેટ્સ. યુજીન (ઓરેગોન)માં આયોજિત NCAA ચેમ્પિયનશિપમાં જેકોબે આ ઐતિહાસિક કારનામું કર્યું. તેણે 2012માં બેલ્જિયમમાં એરિસ મેરિટ દ્વારા બનાવેલા જૂના રેકોર્ડને 0.05 સેકન્ડથી પાછળ છોડી દીધો. આ ટુર્નામેન્ટમાં આવતા પહેલા જેકોબનું શ્રેષ્ઠ પ્રદર્શન 13.01 સેકન્ડ હતું. પોતાના સમયમાં 0.26 સેકન્ડનો સુધારો લાવીને તેણે દુનિયાને ચોંકાવી દીધી છે. જેકોબ હવે દુનિયાભરમાં પ્રખ્યાત થઈ ચૂક્યા છે, પરંતુ તેનો અસલી લક્ષ્ય હજુ બાકી છે. તેમની નજર હવે 2027ની બેઇજિંગ વર્લ્ડ ચેમ્પિયનશિપ અને 2028ની લોસ એન્જલસ ઓલિમ્પિક પર છે. જેકોબ પોતાની રેકોર્ડ-બ્રેકિંગ રેસનો વીડિયો 15 વાર જોઈ ચૂક્યો છે જેથી તે સમજી શકે કે ક્યાં વધુ સમય બચાવી શકાય છે. જેકોબનું માનવું છે કે રેસની છેલ્લી 3 અવરોધો પર સૌથી વધુ ફોકસની જરૂર હોય છે. તે કહે છે, ‘જ્યારે તમે આટલી ઝડપથી દોડી રહ્યા હોવ છો, ત્યારે અવરોધો ખૂબ જ ઝડપથી સામે આવે છે અને તમારું શરીર ધીમું થવા માગે છે. પરંતુ તમારે એક ‘કામિકેઝ પાયલટ’ની જેમ ખતરા તરફ ડર્યા વગર હુમલો કરતા રહેવું પડે છે.’ જેકોબના માતા-પિતા બાસ્કેટબોલ ખેલાડી રહ્યા છે. શરૂઆતમાં જેકોબ પણ બાસ્કેટબોલ અને ટ્રેક બંનેમાં હાથ અજમાવતા હતા, પરંતુ બાદમાં તેણે ફક્ત દોડવાને પોતાની કારકિર્દી તરીકે પસંદ કર્યું. અંધશ્રદ્ધા તરીકે ફાસ્ટ ફૂડ ખાવાનું શરૂ કર્યું હતું જેકોબ પોતાની દરેક મોટી રેસ પહેલાં મેકડોનલ્ડ્સનું ફાસ્ટ ફૂડ ખાય છે. આ કોઈ શોખ નથી, પરંતુ તમની એક અંધશ્રદ્ધા (સુપરસ્ટિશન) બની ગઈ છે. હાઈસ્કૂલ દરમિયાન સ્ટેટ ચેમ્પિયનશિપમાં તેણે આ જ ભોજન ખાધું હતું અને જીત મેળવી હતી. ત્યારથી દરેક મોટી ઇવેન્ટ પહેલાં તે આ જ ડાયટને ફોલો કરી રહ્યા છે. તેના કોચ કેન હાર્નડેન (ઝિમ્બાબ્વેના બે વખતના ઓલિમ્પિયન)ને શરૂઆતમાં આ બિલકુલ પસંદ નહોતું. પરંતુ જેકોબ કહે છે, ‘જો કોઈ વસ્તુ કામ કરી રહી છે, તો તેને બદલવાની શું જરૂર છે. જ્યારે તમે કોઈ વસ્તુથી જીતો છો, તો તેના પર ટકી રહેવું વધુ સારું છે.’