ટાટા ગ્રુપની ફેશન રિટેલ ચેઇન ‘વેસ્ટસાઇડ’ના ઇ-કોમર્સ માર્કેટિંગની કમાન નોએલ ટાટાની દીકરી માયા ટાટા (37 વર્ષ) સંભાળશે. સોમવારે થયેલા આ બદલાવનો હેતુ વેસ્ટસાઇડની ઓનલાઇન હાજરી વધારવાનો અને આંતરરાષ્ટ્રીય સ્તરે વિસ્તરણ કરવાનો છે. જોકે, કંપની તરફથી હજુ આ અંગે સત્તાવાર મંજૂરી મળવાની બાકી છે. નોએલ ટાટા ટ્રેન્ટના ચેરમેન છે અને તેઓ નવેમ્બર 2026માં આ પદ છોડશે. એવું માનવામાં આવે છે કે દીકરીના નવા રોલમાં તેઓ તેમના માર્ગદર્શકની ભૂમિકામાં રહેશે. માયાના ભાઈ નેવિલ ટાટા પહેલાથી જ ટ્રેન્ટના ‘સ્ટાર બજાર’ હાઇપરમાર્કેટ ડિવિઝનની કમાન સંભાળી રહ્યા છે. માયાની એન્ટ્રીથી સ્પષ્ટ છે કે ટાટા ગ્રુપ હવે ઇ-કોમર્સ અને ડિજિટલ ઇન્ટિગ્રેશન પર સૌથી વધુ દાવ લગાવી રહ્યું છે, જેથી ભારતીય બ્રાન્ડ્સને ગ્લોબલ ઓળખ અપાવી શકાય. આખરે માયાને કેમ મળી આ નવી જવાબદારી માયા ટાટા તેના ભાઈ નેવિલ અને બહેન લિયાથી વિપરીત, એક જ ગ્રુપ કંપની સાથે જોડાયેલી ન હતી. માયાએ ટાટા કેપિટલથી કારકિર્દીની શરૂઆત કરી. પછી તે ટાટા ડિજિટલ સાથે જોડાઈ, જે ટાટા નિયો, બિગબાસ્કેટ, ક્રોમા અને ટાટા 1MG જેવા પ્લેટફોર્મ્સની પેરન્ટ કંપની છે. અહીં તેમણે ડિજિટલ કોમર્સ, કસ્ટમર એક્વિઝિશન અને ઓનલાઈન રિટેલની બારીકાઈઓ સમજી. આ ‘મલ્ટી-વર્ટિકલ એક્સપોઝર’ને કારણે જ તેમને વેસ્ટસાઇડની ઓમ્નીચેનલ અને ઇ-કોમર્સ વ્યૂહરચનાનું નેતૃત્વ કરવા માટે સૌથી યોગ્ય માનવામાં આવી રહ્યા છે. તેમની પાસે 3 લાખ કરોડનો બિઝનેસ નોએલના ત્રણેય બાળકો હવે ગ્રુપની અલગ-અલગ મોટી કંપનીઓ સંભાળી રહ્યા છે. આ નવી પેઢીને કમાન સોંપવાની વ્યૂહરચનાનો એક ભાગ છે. ત્રણેય ભાઈ-બહેન ટાટા ટ્રસ્ટ્સની સંસ્થાઓના બોર્ડમાં પણ છે. નેવિલ ટાટા- ટ્રેન્ટના સ્ટાર બજાર હાઇપરમાર્કેટ ડિવિઝનની કમાન સંભાળી રહ્યા છે. લિયા ટાટા- ઇન્ડિયન હોટેલ્સ કંપની (તાજ) માં વીપી છે. આ બે લિસ્ટેડ કંપનીઓનું માર્કેટ કેપ લગભગ ₹2.82 લાખ કરોડ છે. ટ્રેન્ટની 40 ટકા કમાણી વેસ્ટસાઇડથી – ટ્રેન્ટે નાણાકીય વર્ષ 2026 નો અંત લગભગ ~19,700 કરોડની આવક સાથે કર્યો. કુલ કમાણીમાં વેસ્ટસાઇડનો હિસ્સો 40% રહ્યો.
– કંપની દર વર્ષે 50 નવા સ્ટોર ખોલવાની રણનીતિ પર કામ કરી રહી છે. દેશના 321 શહેરોમાં કંપનીના સ્ટોર્સની સંખ્યા વધીને 1,286 થઈ ગઈ છે.