પગાર અને પેન્શનનું નિર્ધારણ 5.2 ફેમિલી યુનિટના આધારે થાય. ન્યૂનતમ પેન્શન દર મહિને 45,000 રૂપિયા હોય. પેન્શન છેલ્લા મૂળ પગારના 50% નહીં, પરંતુ 67% હોય. એટલું જ નહીં, પારિવારિક પેન્શન 50% હોય. 8મા કેન્દ્રીય પગાર પંચ સમક્ષ આ માંગણીઓ મૂકવામાં આવી છે. દિલ્હીમાં તાજેતરમાં 8મા પગાર પંચની જે બેઠકો થઈ હતી, તેમાં અલગ-અલગ કર્મચારી અને પેન્શનર સંગઠનોએ પંચના સભ્યો સમક્ષ પોતાની માંગણીઓ અને સૂચનો રજૂ કર્યા હતા. આ સંગઠનોમાંથી એક છે – BPS એટલે કે ભારત પેન્શનર્સ સમાજ. ભારત પેન્શનર્સ સમાજ (BPS) ના એક પ્રતિનિધિમંડળે ચેરમેન આર.કે. ચૌહાણ અને મહાસચિવ અવિનાશ રાજપૂતની આગેવાની હેઠળ નવી દિલ્હીના જનપથ સ્થિત ચંદ્રલોક ભવનમાં 8મા કેન્દ્રીય પગાર પંચ સમક્ષ માંગણીઓ અને સૂચનોની વિગતવાર રજૂઆત કરી. BPS ની માંગણીઓ શા માટે મહત્વપૂર્ણ છે? BPS લગભગ 10 લાખ પેન્શનરોનું પ્રતિનિધિત્વ કરે છે. જાન્યુઆરી 1955માં જ આ સંગઠનની સ્થાપના થઈ હતી. ભારત પેન્શનર્સ સમાજને પેન્શન અને પેન્શનભોગી કલ્યાણ વિભાગ અને નીતિ આયોગ દ્વારા માન્યતા પ્રાપ્ત છે. આ સંગઠન સ્વૈચ્છિક એજન્સીઓની સ્થાયી સમિતિ (SCOVA) માં પ્રતિનિધિત્વ કરે છે. 8મા પગાર પંચની કાર્યાલયમાં મીટિંગ દરમિયાન, BPS પ્રતિનિધિમંડળે કેન્દ્ર સરકારના પેન્શનર્સ અને પારિવારિક પેન્શનરોને અસર કરતા મુખ્ય મુદ્દાઓ પર એક પાવરપોઈન્ટ પ્રેઝન્ટેશન આપ્યું. સભ્યોએ તેમના વિસ્તૃત મેમોરેન્ડમમાં સમાવિષ્ટ મહત્વપૂર્ણ સૂચનો વિશે જણાવ્યું. પંચના સભ્યોએ તેમના પ્રેઝન્ટેશનને ધ્યાનપૂર્વક જોયું અને પ્રતિનિધિઓ સાથે વાતચીત કરી. BPS અનુસાર, સંગઠન સાથે 245 સંલગ્ન સંઘો જોડાયેલા છે અને તે દેશભરમાં લગભગ 10 લાખ પેન્શનર્સના હિતોની વાત કરે છે. 8મા પગાર પંચ પાસેથી BPSની માંગણીઓ BPSએ 8મા કેન્દ્રીય પગાર પંચ સાથે થયેલી વાતચીત પર સંતોષ વ્યક્ત કર્યો છે અને આશા રાખી છે કે આયોગ પોતાની ભલામણોને અંતિમ રૂપ આપતી વખતે પેન્શનરો અને પારિવારિક પેન્શનરોની વાજબી અપેક્ષાઓ અને ચિંતાઓ પર યોગ્ય ધ્યાન આપશે. આ સૂચનો એટલા માટે પણ મહત્વપૂર્ણ છે, કારણ કે 8મા કેન્દ્રીય પગાર પંચના સભ્યો, કેન્દ્રીય સરકારી કર્મચારીઓ અને પેન્શનરોના પગાર, પેન્શન, ભથ્થાં અને સેવા સાથે જોડાયેલા અન્ય લાભો સંબંધિત મુદ્દાઓની સમીક્ષાનું કામ ઝડપથી કરી રહ્યા છે. ————————————— આ સમાચાર પણ વાંચો: લોન ન ચૂકવવા પર રિકવરી એજન્ટોની ગુંડાગીરી હવે નહીં ચાલે:ફોન કરવાથી લઈને ઘરે આવવા માટે લેવી પડશે પરમિશન, RBIએ નિયમો બદલ્યા; જાણો તમારા અધિકારો લોનનાં EMI ચૂકવવામાં ચૂકી જવા પર હવે બેંક અને રિકવરી એજન્ટ દબાણ કરી શકશે નહીં. ભારતીય રિઝર્વ બેંકે લોન રિકવરી અને રિકવરી એજન્ટોના વર્તનને લઈને નવા નિયમો બહાર પાડ્યા છે, જે 1 જાન્યુઆરી 2027 થી લાગુ થશે. નવા ફ્રેમવર્કમાં રિકવરી દરમિયાન કોલ કરવાનો સમય, રૂબરૂ મુલાકાત, એજન્ટની ઓળખ, ગ્રાહકની અંગત માહિતી અને ફરિયાદની સુનાવણી જેવા મામલાઓ માટે સ્પષ્ટ નિયમો નક્કી કરવામાં આવ્યા છે. વાંચો સંપૂર્ણ સમાચાર…