અમેરિકા અને ઈરાન વચ્ચે શાંતિ કરાર માટે તૈયાર કરાયેલા ડ્રાફ્ટમાં પરમાણુ કાર્યક્રમ, ઓઈલ પ્રતિબંધ, જપ્ત કરાયેલી સંપત્તિ અને હોર્મુઝ સંબંધિત મુદ્દાઓ પર સહમતિ થઈ છે. આ દાવો રોયટર્સ ન્યૂઝ એજન્સીએ એક વરિષ્ઠ ઈરાની અધિકારીને ટાંકીને કર્યો છે. રિપોર્ટ અનુસાર, ડ્રાફ્ટમાં ઈરાને કહ્યું છે કે તે ન પરમાણુ હથિયારો બનાવશે અને ન કોઈ અન્ય દેશ પાસેથી મેળવશે. અંતિમ કરાર ન થાય ત્યાં સુધી ઈરાન તેના વર્તમાન પરમાણુ કાર્યક્રમમાં કોઈ મોટો ફેરફાર કરશે નહીં. તે યુરેનિયમ સમૃદ્ધ કરશે નહીં અને નવા પરમાણુ કેન્દ્રોનો વિસ્તાર પણ કરશે નહીં. ઈરાન તમામ વ્યાપારી જહાજો માટે હોર્મુઝ તરત જ ખોલી દેશે. તેના બદલામાં અમેરિકા ઈરાની બંદરો પર લાગેલી પોતાની નૌકાદળની નાકાબંધી હટાવવાનું શરૂ કરશે. અમેરિકા થોડા સમય માટે ઈરાનના ઓઈલ નિકાસ પર લાગેલા પ્રતિબંધોમાં પણ છૂટ આપશે. ડ્રાફ્ટ અનુસાર, અમેરિકા ઈરાનની 25 અબજ ડોલરની જપ્ત કરાયેલી સંપત્તિ મુક્ત કરશે. આ સાથે જ અમેરિકા તેના સહયોગી દેશો સાથે મળીને ઈરાનના પુનર્વિકાસ અને વિકાસની યોજના પણ તૈયાર કરશે. છેલ્લા 24 કલાકના 5 મોટા અપડેટ્સ… ઈરાન યુદ્ધ સંબંધિત અપડેટ્સ માટે નીચે બ્લોગ વાંચો…