સાઉથ ઝોને દુલીપ ટ્રોફીની બીજી સેમિફાઇનલમાં નોર્થ ઝોનને 7 વિકેટે હરાવ્યું. આ સાથે ટીમે 6 સપ્ટેમ્બરથી ચેન્નઈના એમએ ચિદમ્બરમ સ્ટેડિયમમાં યોજાનારી ફાઇનલમાં સ્થાન મેળવી લીધું. તેનો મુકાબલો વૈભવ સૂર્યવંશીના ઈસ્ટ ઝોન સામે થશે. સાઉથ ઝોનને ચોથી ઇનિંગ્સમાં 181 રનનો ટાર્ગેટ મળ્યો હતો. ટીમે 43.1 ઓવરમાં 3 વિકેટ ગુમાવીને ટાર્ગેટ ચેઝ કરી લીધો. પહેલી ઇનિંગ્સમાં અણનમ 116 રન બનાવનાર સાઉથ ઝોનના કેપ્ટન તિલક વર્માએ બીજી ઇનિંગ્સમાં પણ અણનમ 51 રનની ઇનિંગ્સ રમી. તેને પ્લેયર ઓફ ધ મેચ તરીકે પસંદ કર્યો. નિધીશે બીજી ઇનિંગ્સમાં 5 વિકેટ લીધી નોર્થ ઝોને ચોથા દિવસની શરૂઆત 7 વિકેટે 256 રનથી કરી. અંશુલ કંબોજ અને નિશાંત સિંધુએ ઇનિંગ્સને આગળ વધારી, પરંતુ એમડી નિધીશની શાનદાર બોલિંગ સામે નોર્થ ઝોનનો લોઅર-ઓર્ડર ટકી શક્યો નહીં. નિધીશે કંબોજ, બરાર અને અર્શદીપ સિંહને બોલ્ડ કરીને ઇનિંગ્સ 297 રન પર સમેટી લીધી. નિધીશે 56 રન આપીને 5 વિકેટ ઝડપી. કાવુરી સાંઈતેજા અને શ્રેયસ ગોપાલે 2-2 વિકેટ લીધી. વિધવત કેવરપ્પાને 1 વિકેટ મળી. ભટોલી અને જગદીશને આપી ઝડપી શરૂઆત 181 રનના ટાર્ગેટને ચેઝ કરવા ઉતરેલી સાઉથ ઝોનને રિકી ભુઈ (42 રન, 53 બોલ) અને નારાયણ જગદીશન (43 રન)એ મજબૂત શરૂઆત અપાવી. બંને વચ્ચે પ્રથમ વિકેટ માટે 64 રનની ભાગીદારી થઈ. ભુઈ આઉટ થયા બાદ શેખ રશીદ (1) જલ્દી જ આબિદ મુશ્તાકનો શિકાર બન્યો. લંચ બાદ તિલક અને સ્મરણે ટીમને 102 રનના સ્કોર પર જગદીશનના રૂપમાં ત્રીજો ઝટકો લાગ્યો. ત્યારબાદ તિલક વર્મા (અણનમ 51) અને આર સ્મરણ (અણનમ 32)એ ચોથી વિકેટ માટે અણનમ 80 રનની ભાગીદારી કરીને ટીમને જીત અપાવી. તિલકે ચોગ્ગો ફટકારીને ટીમને જીત અપાવી અને સાથે જ પોતાની અડધી સદી પણ પૂરી કરી.