પાકિસ્તાનમાં જન્મેલા UAEના બેટર આસિફ ખાન પર 15 મહિનાનો પ્રતિબંધ લાગ્યો છે. તે ડોપ ટેસ્ટમાં ફેલ થયો. તેના સેમ્પલમાં પ્રતિબંધિત સ્ટેરોઇડના સેમ્પલ મળ્યા છે. આ ટેસ્ટ 8 સપ્ટેમ્બર 2025ના રોજ થયો હતો. આસિફના સેમ્પલમાં મેસ્ટેરોલોનનો મેટાબોલાઇટ મળ્યો. મેસ્ટેરોલોન એક પ્રતિબંધિત એનાબોલિક સ્ટેરોઇડ છે, જેનો ઉપયોગ ટેસ્ટોસ્ટેરોનનું સ્તર વધારવા માટે થાય છે. આસિફે નિયમ તોડવાની વાત સ્વીકારી 36 વર્ષીય ક્રિકેટરને ICC એન્ટી-ડોપિંગ કોડના અનુચ્છેદ 2.1ના ઉલ્લંઘનનો દોષી ઠેરવ્યો. ICCએ પોતાના નિવેદનમાં જણાવ્યું છે કે આસિફે નિયમો તોડ્યા હોવાનું સ્વીકારી લીધું છે. તેણે વર્લ્ડ એન્ટી-ડોપિંગ એજન્સી (વાડા) અને ICC સાથે કેસ રિઝોલ્યુશન એગ્રીમેન્ટ દ્વારા સજા સ્વીકારી છે. પ્રતિબંધ આ વર્ષે 7 ડિસેમ્બરે સમાપ્ત થશે આસિફ પર લાદવામાં આવેલો પ્રતિબંધ 8 સપ્ટેમ્બર 2025થી લાગુ ગણવામાં આવ્યો છે. આ પ્રતિબંધ આ વર્ષે 7 ડિસેમ્બર સુધી ચાલશે. ICCએ કહ્યું- આસિફ 8 ઓક્ટોબરથી કોઈ પણ ટીમ સાથે તાલીમ લઈ શકશે. તે કોઈ ક્લબ અથવા ICCના કોઈ સભ્ય સંગઠનની સુવિધાઓનો ઉપયોગ પણ કરી શકશે. જોકે, સ્પર્ધાત્મક ક્રિકેટમાં તેની વાપસી 8 ડિસેમ્બરથી જ થઈ શકશે. આસિફ પર 29 ડિસેમ્બર 2025ના રોજ કામચલાઉ પ્રતિબંધ શરૂ કરવામાં આવ્યો હતો. 8 સપ્ટેમ્બર 2025થી ‘કામચલાઉ પ્રતિબંધ શરૂ થાય ત્યાં સુધી’ના તેના વ્યક્તિગત રેકોર્ડ અથવા પુરસ્કારો રદ કર્યો છે. 2022માં UAE માટે ડેબ્યૂ કર્યું આસિફે 2022માં ડેબ્યૂ કર્યા પછી UAE માટે 38 વન-ડે અને 56 T20 ઇન્ટરનેશનલ મેચ રમી છે. તે 2017માં UAE ગયો હતો. આ પહેલા આસિફે પાકિસ્તાનના ડોમેસ્ટિક ક્રિકેટમાં 32 ફર્સ્ટ ક્લાસ મેચ રમી હતી.