ભારત અને શ્રીલંકા વચ્ચે ગૉલમાં રમાઈ રહેલી પહેલી ટેસ્ટ મેચમાં ભારતીય ટીમની સ્થિતિ મજબૂત છે. પરંતુ મેચના ત્રીજા દિવસે લંચ બ્રેક દરમિયાન કંઈક એવું બન્યું જેનો વીડિયો હવે સોશિયલ મીડિયા પર ઝડપથી વાઇરલ થઈ રહ્યો છે. હકીકતમાં, મેચ વચ્ચે મળેલા બ્રેક દરમિયાન ક્રિકેટના દિગ્ગજો અત્યાર સુધી બનેલી ઘટનાઓ પર ચર્ચા કરે છે. ટીવી જોઈ રહેલા ક્રિકેટ ફેન્સને મેચ સાથે જોડાયેલી બાબતો જાણવાની ઇચ્છા હતી. પરંતુ આ દરમિયાન કંઈક એવું થઈ ગયું જેની કલ્પના કદાચ જ કોઈએ કરી હશે. હકીકતમાં, પૂર્વ ભારતીય ક્રિકેટર સંજય માંજરેકર અને મુરલી કાર્તિક વચ્ચે હસી-મજાકથી શરૂ થયેલી વાતચીતે અચાનક લડાઈનું રૂપ લઈ લીધું. વાત એટલી વધી ગઈ કે ઑન-એર જ બંને વચ્ચે ચકમક ઝરી ગઈ. પૂરો મામલો ત્યારે શરૂ થયો જ્યારે સ્ટુડિયો પેનલમાં રહેલા મુરલી કાર્તિકે માંજરેકરના ચહેરાના હાવ-ભાવ પર એક મજાકીય કમેન્ટ કરી દીધી. મુરલી કાર્તિકે ઉડાવી માંજરેકરની મજાક મુરલી કાર્તિકે હસતા કહ્યું કે માંજરેકરનું પાઉટ વાળું એક્સપ્રેસન ઘણી વાર સમજવું મુશ્કેલ હોય છે. તેથી તેણે તેને થોડું ઓછું કરવું જોઈએ. આ વાત માંજરેકરને બિલકુલ પસંદ ન આવી અને તેણે હસીને વાત ટાળવાના બદલે તરત પલટવાર કરી દીધો. માંજરેકરે પણ સામે કટાક્ષ કર્યો માંજરેકરે કટાક્ષ કરતા સીધું બ્રોડકાસ્ટ ટીમને કહ્યું કે તેઓ કેમેરો અજિંક્ય રહાણે તરફ ફેરવે. રહાણે તે સમયે ઈન્ટરનેશનલ કોમેન્ટ્રીમાં પોતાનું ડેબ્યૂ કરી રહ્યો હતો. માંજરેકરે રહાણેના વખાણ કરતા કહ્યું કે તેની સાથે વાત કરવી ઘણી વધારે સારી લાગે છે. આ સાથે જ તેણે કાર્તિક પર કટાક્ષ કરતા કહ્યું કે જ્યારે કાર્તિક અરીસામાં પોતાને જોઈને બોલતો હશે ત્યારે ખબર નહીં તેનો અવાજ કેવો લાગતો હશે. લાઈવ ટીવી પર બબાલ થઈ ગઈ આના પર મુરલી કાર્તિક પણ શાંત ન રહ્યો. તેણે તરત જવાબ આપ્યો કે હું અરીસો નથી જોતો, કદાચ તમે જ જોતા હશો. આ પછી બંને વચ્ચે ઓન-એર પર તીખા શબ્દોનો વરસાદ થવા લાગ્યો. જે વાત એક મજાક તરીકે શરૂ થઈ હતી, તેણે લાઈવ શોમાં ખૂબ અસહજ સ્થિતિ ઊભી કરી દીધી. માંજરેકરને જલ્દી જ સમજાય ગયું કે વાતચીતની સીમા પાર થઈ રહી છે. તેણે જાતે જ વાત સંભાળતા સ્વીકાર્યું કે આ ચર્ચા ખોટી દિશામાં જતી રહી છે અને કહ્યું કે હવે સોશિયલ મીડિયામાં લોકો આ ક્ષણની મજા લેશે.