એટલાન્ટામાં રમાયેલી FIFA વર્લ્ડ કપ 2026ની ગ્રુપ-A મેચમાં સાઉથ આફ્રિકાએ ચેક રિપબ્લિક સામે 1-1થી ડ્રો રમ્યો. મેચની પાંચમી મિનિટે મિખાલ સાદિલેકે ગોલ કરીને ચેકિયાને લીડ અપાવી, પરંતુ 83મી મિનિટે મળેલી પેનલ્ટીની તકને ટેબોહો મોક્વેનાએ ગોલમાં ફેરવીને સાઉથ આફ્રિકાની હાર ટાળી દીધી. મેચના ગોલ પાંચમી મિનિટ: એલેક્ઝાન્ડર સોઝકાના પાસ પર મિખાલ સાદિલેકે ગોલ કરીને ચેકિયાને 1-0ની લીડ અપાવી. આ ટુર્નામેન્ટનો અત્યાર સુધીનો સૌથી ઝડપી ગોલ રહ્યો. 83મી મિનિટ: પાવેલ સુલ્કના હેન્ડબોલને કારણે સાઉથ આફ્રિકાને પેનલ્ટી મળી. ટેબોહો મોક્વેનાએ બોલને ગોલપોસ્ટના નીચેના લેફ્ટ કોર્નરમાં મોકલીને સ્કોર 1-1 કર્યો. મેચમાં ખાસ સાઉથ આફ્રિકાનું કમબેક પહેલા હાફમાં પાછળ રહ્યા બાદ સાઉથ આફ્રિકાએ સતત દબાણ બનાવ્યું. થાપેલો માસેકો, મોફોકેંગ અને માકગોપાએ ઘણી તકો ઊભી કરી, પરંતુ ચેક ગોલકીપર માતેજ કોવારે શાનદાર બચાવ કર્યા. આખરે 81મી મિનિટે હેન્ડબોલથી મળેલી પેનલ્ટીએ આફ્રિકી ટીમને મેચમાં પાછી લાવી દીધી. આગામી મુકાબલા ગ્રુપ-Aની છેલ્લી મેચમાં સાઉથ આફ્રિકાનો મુકાબલો 25 જૂને સાઉથ કોરિયા સામે થશે, જ્યારે ચેકિયાની ટીમ મેક્સિકો સામે ટકરાશે. નોકઆઉટમાં પહોંચવા માટે બંને ટીમને જીતની જરૂર પડશે.