બાબર આઝમને ફરી એકવાર પાકિસ્તાન ટેસ્ટ ટીમના કેપ્ટન બનાવવામાં આવ્યા છે. તેમને બીજી વખત ટેસ્ટ ટીમની કમાન સોંપવામાં આવી છે. જ્યારે, શાન મસૂદને ટીમના ખરાબ પ્રદર્શનને કારણે કેપ્ટનશીપ પરથી હટાવી દેવામાં આવ્યા છે. પાકિસ્તાન ક્રિકેટ બોર્ડ (PCB) એ રવિવારે ટેસ્ટ ટીમની જાહેરાત કરી. PCBએ આ પોસ્ટ દ્વારા ટેસ્ટ ટીમની જાહેરાત કરી… PCB ના હાઈ-પર્ફોર્મન્સ ડાયરેક્ટર આકિબ જાવેદે કહ્યું- ‘ટીમ વારંવાર જીતેલી મેચો ગુમાવી રહી છે. શાન મસૂદની કેપ્ટનશીપમાં લીડરશીપ દેખાતી નથી. પાકિસ્તાની ટીમ આ મહિનાના અંતમાં વેસ્ટ ઈન્ડિઝ સામે બે ટેસ્ટ મેચોની શ્રેણી રમશે. પ્રથમ મેચ 25મીથી તારૌબામાં અને બીજી મેચ 2 ઓગસ્ટથી પોર્ટ ઓફ સ્પેનમાં રમાશે. આ પછી પાકિસ્તાની ટીમ ઇંગ્લેન્ડના પ્રવાસે જશે. મસૂદની કેપ્ટનશીપ ગઈ, ટીમમાં રહેશે કેપ્ટનશીપ પરથી હટાવ્યા બાદ શાન મસૂદ ટેસ્ટ ટીમનો હિસ્સો છે. આકિબ જાવેદે કહ્યું, ‘શાનનું વ્યક્તિગત પ્રદર્શન સારું રહ્યું, પરંતુ કેપ્ટન તરીકે તે ટીમને પરિણામો અપાવી શક્યો નહીં. કેપ્ટનની જવાબદારી માત્ર ટોસ સુધી સીમિત નથી હોતી, પરંતુ મેચ પૂરી કરવી, DRS લેવું અને ટીમને યોગ્ય દિશા આપવી પણ તેની જવાબદારી છે.’ જણાવી દઈએ કે કેપ્ટન બન્યા બાદ તેની બેટિંગ એવરેજ પહેલાં કરતા સારી થઈ. તેણે બે સદી અને સાત અડધી સદી ફટકારી. મસૂદને ખરાબ પ્રદર્શન બાદ હટાવાયો શાન મસૂદની કપ્તાની હેઠળ પાકિસ્તાન સતત તેની છેલ્લી સાત ટેસ્ટ મેચ પણ હારી ચૂક્યું છે. જે ટીમના ઇતિહાસમાં સંયુક્ત રીતે સૌથી લાંબી હારની શ્રેણી છે. લગભગ 3 વર્ષ પહેલાં ટેસ્ટ કેપ્ટન બનાવવામાં આવેલા શાન મસૂદે 16 મેચમાં કપ્તાની કરી, જેમાંથી ટીમને 12 હારનો સામનો કરવો પડ્યો. ટેસ્ટ ઇતિહાસમાં કોઈ પણ કેપ્ટન તેની શરૂઆતની 16 ટેસ્ટમાં 12 મેચ હાર્યો નથી. બાબર આઝમ બીજી વખત કપ્તાની કરશે બાબર આઝમ બીજી વખત પાકિસ્તાનની ટેસ્ટ ટીમની કપ્તાની સંભાળશે. આ પહેલાં તેમના નેતૃત્વમાં પાકિસ્તાને 20 ટેસ્ટમાં 10 જીત નોંધાવી હતી. તેમની કપ્તાનીમાં ટીમે દક્ષિણ આફ્રિકાને ઘરઆંગણેની શ્રેણીમાં 2-0 થી હરાવ્યું હતું, જ્યારે બાંગ્લાદેશ અને શ્રીલંકામાં પણ ટેસ્ટ શ્રેણી જીતી હતી. જોકે, તેમના કાર્યકાળમાં ઇંગ્લેન્ડ સામે ઘરઆંગણે 3-0 ની ઐતિહાસિક હાર પણ મળી હતી.