રોયલ ચેલેન્જર્સ બેંગલુરુ (RCB)ના બેટ્સમેન ટિમ ડેવિડને મુંબઈ ઈન્ડિયન્સ (MI) સામેની મેચમાં IPL કોડ ઓફ કન્ડક્ટના ઉલ્લંઘનનો દોષી ઠેરવવામાં આવ્યો છે. મેચ રેફરીએ તેના પર મેચ ફીના 30% દંડ ફટકાર્યો. સાથે જ બે ડિમેરિટ પોઈન્ટ્સ પણ આપ્યા છે. IPL ના સત્તાવાર નિવેદન અનુસાર, ટિમ ડેવિડને લેવલ 1ના ગુનાનો દોષી ઠેરવવામાં આવ્યો છે. તેના પર ‘અશ્લીલ અથવા અપમાનજનક ઈશારો’ કરવાનો આરોપ છે. તેણે મુંબઈ ઈન્ડિયન્સના ડ્રેસિંગ રૂમ તરફ મિડલ ફિંગર ઉંચી કરીને ઈશારો કર્યો હતો. આ હાર સાથે મુંબઈ પ્લેઓફની રેસમાંથી બહાર થઈ ગઈ છે. ડેવિડનો ઈશારો તે જ તરફ માનવામાં આવી રહ્યો છે. ડેવિડે ભૂલ સ્વીકારી, કોચ એન્ડી ફ્લાવર પર પણ લાગ્યો દંડ ડેવિડે પોતાની ભૂલ સ્વીકારી લીધી છે અને મેચ રેફરી અમિત શર્માની સજા માની લીધી છે. લેવલ 1 ઉલ્લંઘનના કિસ્સાઓમાં મેચ રેફરીનો નિર્ણય અંતિમ અને સર્વમાન્ય હોય છે. ડેવિડ ઉપરાંત, RCBના હેડ કોચ એન્ડી ફ્લાવર પર પણ મેચ ફીના 15% દંડ ફટકારવામાં આવ્યો છે. ફ્લાવરને ‘અભદ્ર ભાષાનો ઉપયોગ કરવા બદલ’ દંડિત કરવામાં આવ્યા છે. તેમણે ફોર્થ અમ્પાયર સાથે આક્રમક લહેજામાં વાત કરી હતી. 3 ડિમેરિટ પોઈન્ટ્સ મળવા પર સસ્પેન્શન નિયમો અનુસાર, એક સિઝનમાં 3 ડિમેરિટ પોઈન્ટ્સ મળવા પર ખેલાડી સસ્પેન્ડ થઈ શકે છે. ડેવિડને હાલમાં બે પોઈન્ટ્સ મળ્યા છે. એક વધુ પોઈન્ટ જોડાવા પર તેને આગામી મેચમાંથી બહાર બેસવું પડી શકે છે. પંજાબ-દિલ્હી મેચ બાદ અક્ષર પર પણ દંડ લાગ્યો IPLની 55મી મેચ બાદ દિલ્હીના કેપ્ટન અક્ષર પટેલ પર સ્લો ઓવર રેટના કારણે દંડ ફટકારવામાં આવ્યો છે. તેમની IPL ગવર્નિંગ કાઉન્સિલે તેમના પર 12 લાખ રૂપિયાનો દંડ ફટકાર્યો છે. IPL દ્વારા જારી કરાયેલા એક સત્તાવાર નિવેદનમાં જણાવાયું છે કે આચારસંહિતા હેઠળ આ સિઝનમાં દિલ્હી કેપિટલ્સની આ પહેલી ભૂલ હતી, તેથી કેપ્ટન પર લઘુત્તમ દંડ ફટકારવામાં આવ્યો છે. આ મેચમાં દિલ્હીએ પંજાબને 3 વિકેટે હરાવ્યું.