ઝિમ્બાબ્વે ક્રિકેટએ ભારત સામેની 6 મેચની દ્વિપક્ષીય સિરીઝ માટે 15 સભ્યોની મહિલા ટીમ જાહેર કરી છે. જોસેફિન એનકોમો ટીમની કેપ્ટનશીપ કરશે. પસંદગીકારોએ તાજેતરમાં વેસ્ટ ઇન્ડીઝને હરાવીને પ્રથમ વખત ICC વુમન્સ ચેમ્પિયનશિપનો ખિતાબ જીતનાર તમામ 15 ખેલાડીઓને ટીમમાં જાળવી રાખ્યા છે. પ્રવાસની શરૂઆત 16 ઑક્ટોબરથી રાયપુરમાં 3 મેચની T20 સિરીઝથી થશે. ત્યારબાદ વડોદરામાં 3 વન-ડે રમાશે. વેસ્ટ ઇન્ડીઝને હરાવનાર ટીમ પર વિશ્વાસ ઝિમ્બાબ્વેએ 27 સપ્ટેમ્બરે હરારે સ્પોર્ટ્સ ક્લબમાં વેસ્ટ ઇન્ડીઝને 4 વિકેટે હરાવ્યું હતું. આ ICC વુમન્સ ચેમ્પિયનશીપમાં ટીમની પ્રથમ જીત હતી. પસંદગીકારોએ તે મુકાબલામાં રમેલી તમામ 15 ખેલાડીઓ પર વિશ્વાસ વ્યક્ત કર્યો છે. ટીમ ભારત સામે પણ આ જ પ્રદર્શનનું પુનરાવર્તન કરવાનો પ્રયાસ કરશે. ન્યાશા ગ્વાંજુરાએ વેસ્ટ ઇન્ડીઝ સામે 4 વિકેટ ઝડપી હતી વેસ્ટ ઇન્ડીઝ સામેની ઐતિહાસિક જીતમાં ન્યાશા ગ્વાંજુરાએ 33 રન આપીને 4 વિકેટ ઝડપી હતી. આ તેના કારકિર્દીનું સર્વશ્રેષ્ઠ બોલિંગ પ્રદર્શન હતું. તેને મિચેલ મવુન્ગા અને ફ્રાન્સિસ્કા ચિપારેનો સાથ મળશે. બેટિંગમાં મોડેસ્ટર મુપાચિક્વા, શાર્ન મયર્સ, ચિપોંગ મુગેરી-તિરીપાનો, કેલિસ એનધ્લોવુ અને બિલાવ્ડ બીઝા મહત્વની ભૂમિકા ભજવશે. કેપ્ટન જોસેફિન એનકોમો અને નોમવેલો સિબાંદા પણ ટીમને મજબૂતી આપશે. ઝિમ્બાબ્વેની 15 સભ્યોની ટીમ જોસેફિન એનકોમો (કેપ્ટન), બિલાવ્ડ બીઝા, ચિપો મુગેરી-તિરીપાનો, કેલિસ એનધલોવુ, મિચેલ મવુન્ગા, ફ્રાન્સિસ્કા ચિપારે, ઓલિન્ડર ચારે, કુડઝાઈ ચિગોરા, ન્યાશા ગ્વાંઝુરા, નોમવેલો સિબાંડા, લોરિન ફિરી, ચિયેડ્ઝા ધુરુરુ, મોડેસ્ટર મુપાચિક્વા, તેનદાઈ મકુશા અને શાર્ન મયર્સ.