ભારતીય રૂપિયો આજે એટલે કે 30 એપ્રિલે ડોલર સામે 95.20 ના રેકોર્ડ નીચલા સ્તરે પહોંચી ગયો છે. મિડલ ઈસ્ટ યુદ્ધ અને એનર્જી સપ્લાયમાં અવરોધોને કારણે આ ઘટાડો જોવા મળ્યો. વિદેશી બ્રોકરેજ ફર્મ બર્નસ્ટીન મુજબ, જો ઈરાન યુદ્ધ ચાલુ રહેશે તો રૂપિયો 98 સુધી જઈ શકે છે. વિદેશી રોકાણકારો (FPI) દ્વારા સતત વેચવાલી અને વૈશ્વિક સ્તરે વધતા વ્યાપારી તણાવને કારણે રૂપિયામાં આ ઘટાડો જોવા મળી રહ્યો છે. વર્ષ 2026ની શરૂઆતથી જ રૂપિયો દબાણમાં છે. ગયા વર્ષે ડિસેમ્બર 2025માં પહેલીવાર રૂપિયો 90ના સ્તરને પાર કરી ગયો હતો. ડોલર મોંઘો, ભારતમાં મોંઘવારી વધવાનું જોખમ મિડલ ઈસ્ટ સંઘર્ષને દાયકાઓનો સૌથી ગંભીર એનર્જી સંકટ માનવામાં આવી રહ્યો છે, જેની સીધી અસર ભારત પર પડી રહી છે. ચલણની કિંમત કેવી રીતે નક્કી થાય છે? ડોલરની સરખામણીમાં કોઈ ચલણની કિંમત ઘટે તો તેને ચલણનું ઘટવું કે નબળાઈ (કરન્સી ડેપ્રિસિયેશન) કહેવાય છે. દરેક દેશ પાસે ફોરેન કરન્સી રિઝર્વ હોય છે, જેનાથી ઈન્ટરનેશનલ ટ્રાન્જેક્શન થાય છે. તેના ઘટવા-વધવાની અસર ચલણ પર પડે છે. જો ભારતના ફોરેન રિઝર્વમાં ડોલર પુરતા હશે તો રૂપિયો સ્થિર રહેશે. ડોલર ઘટે તો રૂપિયો નબળો પડશે, વધે તો મજબૂત થશે.