અમેરિકા-ઈરાન યુદ્ધ વચ્ચે આજે સોના-ચાંદીના ભાવમાં ઘટાડો જોવા મળ્યો છે. ઈન્ડિયા બુલિયન એન્ડ જ્વેલર્સ એસોસિએશન (IBJA) અનુસાર, 10 ગ્રામ 24 કેરેટ સોનું 1,748 રૂપિયા ઘટીને 1.51 લાખ રૂપિયા પર આવી ગયું છે. આ પહેલા ગુરુવારે તે 1.53 લાખ પર હતું. જ્યારે, એક કિલો ચાંદી 3,362 રૂપિયા ઘટીને 2.48 લાખ રૂપિયા થઈ ગઈ, જે 16 એપ્રિલે 2.51 લાખ રૂપિયા પર હતી. અમેરિકા-ઈરાન યુદ્ધના કારણે સોનું 49 દિવસમાં 7,739 અને ચાંદી 18,770 સસ્તી થઈ છે. અલગ-અલગ શહેરોમાં સોનાના ભાવ અલગ હોવાના 4 કારણો સોનું ઓલ ટાઈમ હાઈથી ₹25 હજાર સસ્તું થયું વર્ષની શરૂઆતમાં સોનામાં તેજી હતી, પરંતુ તાજેતરના અઠવાડિયામાં નફાખોરી અને ઈરાન યુદ્ધને કારણે ઘટાડો જોવા મળ્યો છે. ચાંદીમાં કડાકો: ₹3.86 લાખથી ₹2.48 લાખ સુધી ચાંદીમાં સોના કરતાં વધુ ઉતાર-ચઢાવ રહ્યો અને તે ઓલ ટાઈમ હાઈથી ઝડપથી નીચે આવી છે. જ્વેલર્સ પાસેથી સોનું ખરીદતી વખતે આ 2 બાબતોનું ધ્યાન રાખો 1. પ્રમાણિત સોનું જ ખરીદો: હંમેશા બ્યુરો ઓફ ઇન્ડિયન સ્ટાન્ડર્ડ (BIS) નો હોલમાર્ક ધરાવતું પ્રમાણિત સોનું જ ખરીદો. આ નંબર આલ્ફાન્યુમેરિક એટલે કે આ રીતે હોઈ શકે છે- AZ4524. હોલમાર્કિંગથી ખબર પડે છે કે સોનું કેટલા કેરેટનું છે. 2. કિંમત ક્રોસ ચેક કરો: સોનાનું સાચું વજન અને ખરીદીના દિવસે તેની કિંમત ઘણા સ્રોતો (જેમ કે ઇન્ડિયા બુલિયન એન્ડ જ્વેલર્સ એસોસિએશનની વેબસાઇટ) પરથી ક્રોસ ચેક કરો. સોનાનો ભાવ 24 કેરેટ, 22 કેરેટ અને 18 કેરેટ પ્રમાણે અલગ-અલગ હોય છે. અસલી ચાંદીને ઓળખવાની 4 રીતો ————————————– આ સમાચાર પણ વાંચો… ભારતીય ઘરોમાં દેશની GDP કરતાં વધુ સોનું: 34,600 ટન સોનાની કિંમત ₹450 લાખ કરોડ, દેશની GDP ₹370 લાખ કરોડ ભારતીય પરિવારો પાસે રહેલા કુલ સોનાની કિંમત 5 ટ્રિલિયન ડોલર (₹450 લાખ કરોડ) ને પાર કરી ગઈ છે. આ આંકડો દેશની કુલ 4.1 ટ્રિલિયન ડોલર એટલે કે, 370 લાખ કરોડ રૂપિયાની GDP કરતાં પણ વધુ છે. સોનાની કિંમતો રેકોર્ડ ઊંચાઈએ પહોંચવાને કારણે આવું થયું છે. મોર્ગન સ્ટેનલીના એક રિપોર્ટ અનુસાર ભારતીય ઘરોમાં લગભગ 34,600 ટન સોનું જમા છે.