બોલિવૂડ એક્ટર ગોવિંદા, આ દિવસોમાં એક એક્ટ્રેસ સાથે નામ જોડાવાને કારણે ચર્ચામાં છે. પત્ની સુનીતાએ ઘણીવાર તેના પર એક્સ્ટ્રા મેરિટલ અફેર અને છેતરપિંડીનો આરોપ લગાવ્યો છે. અફેરની ચર્ચાઓ વચ્ચે ગોવિંદા એક્ટ્રેસ કોમલ રાણી સ્વર્ણકાર સાથે એરપોર્ટ પર જોવા મળ્યો હતો, જેનું નામ તેની પત્ની સુનીતા પણ લઈ ચૂકી છે. સુનીતાએ થોડા સમય પહેલા જ કહ્યું હતું કે, તેને કોમલ નામથી નફરત છે. શુક્રવારે ગોવિંદા ઝારખંડ એરપોર્ટ પર કોમલ સાથે જોવા મળ્યો હતો. બ્લેક જેકેટ અને કાળા ચશ્મા પહેરેલો ગોવિંદા કારમાંથી ઉતર્યો અને પાપારાઝીને પોઝ આપ્યા. થોડીવાર પછી એક્ટ્રેસ કોમલ રાણી સ્વર્ણકાર પણ તેની સાથે એરપોર્ટમાં જતી જોવા મળી. ગોવિંદા સાથે બોલિવૂડ ડેબ્યૂ કરવા જઈ રહી છે કોમલ ગોવિંદા 7 વર્ષ પછી બોલિવૂડમાં કમબેક કરી રહ્યો છે અને તેના પ્રોડક્શનની આ ફિલ્મથી કોમલને પણ લોન્ચ કરી રહ્યા છે. એટલું જ નહીં, કોમલ ગોવિંદાની બીજી ફિલ્મ ‘દુનિયાદારી’માં પણ હોવાના અહેવાલ છે. ગોવિંદાએ જુલાઈમાં અપકમિંગ ફિલ્મ ‘રૂપા’ સાથે જોડાયેલી એક પ્રેસ કોન્ફરન્સમાં કોમલનો મીડિયા સાથે પરિચય કરાવ્યો અને વખાણ કરતા કહ્યું કે ફિલ્મ જોયા પછી દર્શકો તેને એક સારી એક્ટ્રેસ માનશે. સુનીતાએ અફેરના આરોપ લગાવ્યા હતા થોડા સમય પહેલા જ ગોવિંદાની પત્ની સુનીતાએ ‘મિસ માલિની’ને આપેલા ઇન્ટરવ્યુમાં ગોવિંદાના અફેરની ચર્ચાઓ પર વાત કરતા કહ્યું કે, ‘યુવાનીમાં ભૂલો થાય છે, પરંતુ 63 વર્ષની ઉંમરે આ બધું સાંભળવું યોગ્ય નથી.’ જ્યારે ઇન્ટરવ્યુઅરે જણાવ્યું કે, તેનું નામ કોમલ છે, ત્યારે સુનીતાએ કહ્યું- સુનીતાએ કહ્યું- ‘નવી છોકરીઓને શુગર ડેડી જોઈએ છે, શકલ હોતી નથી’ આ જ ઇન્ટરવ્યુમાં સુનીતાએ કહ્યું હતું કે, ‘આજકાલની જે છોકરીઓ આવે છે ને સંઘર્ષ કરવા માટે, તેમને એક શુગર ડેડીની જરૂર હોય છે, જે તેમનો ખર્ચો ચલાવે. શકલ બે કોડીની હોય છે, પણ હિરોઈન બનવું હોય છે. પછી શું કરે છે, ફસાવી લે છે, બ્લેકમેલ કરે છે. આવી છોકરીઓ ઘણી આવે છે, પણ તમે (ગોવિંદા) થોડા મૂર્ખ છો, 63 વર્ષના છો, સુંદર પત્ની છે, બાળકો છે. તમે આ ઉંમરે આ બધું ન કરી શકો. યુવાનીમાં બધા ભૂલ કરે છે, પણ આ ઉંમરે નહીં.’