હોલ્ડરે કવર્સ પોઝિશન પર હાર્દિકનો કેચ છોડ્યો.

ભારતીય ઇનિંગ્સની 17મી ઓવરમાં જેસન હોલ્ડરે હાર્દિક પંડ્યાનો સરળ કેચ છોડી દીધો. રોમારિયો શેફર્ડની પહેલી બોલ પર હાર્દિકે એક્સ્ટ્રા કવર તરફ શોટ રમ્યો. ત્યાં ઉભેલા હોલ્ડરના હાથમાં બોલ પહેલા તેના કાંડા સાથે અથડાયો, પછી છાતી સાથે અથડાયો અને જમીન પર પડી ગયો.

ભારતે T20 વર્લ્ડ કપમાં પોતાનો સૌથી મોટો રનચેઝ કરતા સેમિફાઇનલમાં સ્થાન નિશ્ચિત કરી લીધું. છેલ્લી સુપર-8 મેચમાં ટીમ ઈન્ડિયાએ 196 રનના ટાર્ગેટને 19.2 ઓવરમાં ચેઝ કરીને વેસ્ટ ઇન્ડીઝને 5 વિકેટે હરાવ્યું.

ઈડન ગાર્ડન્સમાં જીતનો હીરો સંજુ સેમસન રહ્યો, જેણે અણનમ 97 રનની ઇનિંગ રમીને વિરાટ કોહલીનો રેકોર્ડ તોડી નાખ્યો. તે ટાર્ગેટને ચેઝ કરતા ભારત તરફથી સૌથી મોટી ઇનિંગ રમનાર ખેલાડી બન્યો.

હવે વાંચો IND vs WI મેચના ટૉપ રેકોર્ડ્સ…

1. ભારત છઠ્ઠી વાર સેમિફાઇનલમાં, પાકિસ્તાન-ઇંગ્લેન્ડની બરાબરી

ભારતે T20 વર્લ્ડ કપમાં છઠ્ઠી વાર સેમિફાઇનલમાં સ્થાન બનાવી લીધું. આ સિદ્ધિ સાથે ટીમે પાકિસ્તાન અને ઇંગ્લેન્ડની બરાબરી કરી લીધી છે. બંને ટીમ પણ 6-6 વાર અંતિમ-4માં પહોંચી ચૂકી છે.

2. ભારતનો સૌથી મોટો T20 વર્લ્ડ કપ રનચેઝ

વેસ્ટ ઇન્ડીઝ સામે 196 રનનો ટાર્ગેટ ચેઝ કરીને ભારતે T20 વર્લ્ડ કપમાં પોતાનો સૌથી મોટો રનચેઝ નોંધાવ્યો. આ પહેલા 2014માં ટીમે સાઉથ આફ્રિકા સામે 173 રન ચેઝ કર્યા હતા.

એકંદરે, આ ટુર્નામેન્ટના ઇતિહાસનો ત્રીજો સૌથી મોટો રનચેઝ હતો. આનાથી મોટો ચેઝ 2016માં વાનખેડે સ્ટેડિયમમાં ઇંગ્લેન્ડે સાઉથ આફ્રિકા સામે 230 રન બનાવીને કર્યો હતો.

3. રનચેઝમાં સંજુની સૌથી મોટી ઇનિંગ્સ, કોહલીનો રેકોર્ડ તૂટ્યો

સંજુ સેમસને 97 રનની ઇનિંગ્સ રમીને T20 વર્લ્ડ કપ રનચેઝમાં ભારત માટે સૌથી મોટી વ્યક્તિગત ઇનિંગ્સનો રેકોર્ડ પોતાના નામે કર્યો. આ પહેલા 2016માં વિરાટ કોહલીએ ઓસ્ટ્રેલિયા સામે અણનમ 82 રન બનાવ્યા હતા.

એકંદરે T20 વર્લ્ડ કપમાં ભારત તરફથી આ બીજી સૌથી મોટી ઇનિંગ્સ છે. 2010માં સુરેશ રૈનાએ 101 રનની સદીની ઇનિંગ્સ રમી હતી.

4. સૂર્યાની કેપ્ટન તરીકે 50મી T20, 81.25% જીત સાથે નંબર-1

સૂર્યકુમાર યાદવ ભારત માટે 50 T20 મેચમાં કેપ્ટનશીપ કરનાર ચોથો ખેલાડી બન્યો. તેણે 50માંથી 38 મેચ જીતીને 81.25 ટકાનો શાનદાર જીતનો રેકોર્ડ નોંધાવ્યો, જે આ યાદીમાં સૌથી શ્રેષ્ઠ છે. તેની પહેલા મહેન્દ્ર સિંહ ધોની (73 મેચ), રોહિત શર્મા (62 મેચ) અને વિરાટ કોહલી (50 મેચ) આ આંકડો પાર કરી ચૂક્યા છે.

5. બુમરાહે હેટમાયરને છઠ્ઠી વાર આઉટ કર્યો

જસપ્રીત બુમરાહે T20 ક્રિકેટમાં શિમરોન હેટમાયરને છઠ્ઠી વાર પોતાનો શિકાર બનાવ્યો. ખાસ વાત એ છે કે હેટમાયરે બુમરાહ સામે 10 ઇનિંગ્સમાં માત્ર 17 રન બનાવ્યા છે. તેની સરેરાશ 2.83 અને સ્ટ્રાઇક રેટ 73.91 રહ્યો છે.

6. એક એડિશનમાં 19 સિક્સ, હેટમાયર નંબર-1

શિમરોન હેટમાયરે આ T-20 વર્લ્ડ કપમાં 19 સિક્સર ફટકારીને એક સિઝનમાં સૌથી વધુ સિક્સર ફટકારવાનો રેકોર્ડ બનાવ્યો. તેણે આ મામલે સાહિબઝાદા ફરહાન અને નિકોલસ પૂરનને પાછળ છોડી દીધા.

7. 76 સિક્સર સાથે વેસ્ટ ઇન્ડીઝ બીજી ટીમ

વેસ્ટ ઇન્ડીઝે આ T-20 વર્લ્ડ કપમાં અત્યાર સુધીમાં 76 સિક્સર ફટકારી છે અને એક T-20 સિરીઝમાં સૌથી વધુ સિક્સર ફટકારનારી બીજી ટીમ બની ગઈ છે. આ યાદીમાં ટોચના સ્થાને 78 સિક્સર સાથે બલ્ગેરિયાની ટીમ છે.

8. 150 સિક્સર સાથે પોવેલ વેસ્ટ ઇન્ડીઝના નંબર-1 હીટર

રોવમેન પોવેલ T20 ક્રિકેટમાં વેસ્ટ ઇન્ડીઝ માટે 150 સિક્સર ફટકારનાર પ્રથમ બેટર બન્યો છે. તેણે આ મામલે નિકોલસ પૂરનને પાછળ છોડ્યો. આ યાદીમાં ક્રિસ ગેલ અને કિરોન પોલાર્ડ જેવા મોટા હિટર્સના નામ પણ સામેલ છે.

9. હાર્દિક 400+ રન અને 30+ વિકેટ લેનાર ત્રીજો ઓલરાઉન્ડર

હાર્દિક પંડ્યા T20 વર્લ્ડ કપમાં 400થી વધુ રન અને 30થી વધુ વિકેટ લેનાર ત્રીજો ઓલરાઉન્ડર બન્યો. તેના પહેલા આ સિદ્ધિ શાકિબ અલ હસન અને શાહિદ આફ્રિદી હાંસલ કરી ચૂક્યા છે.

દિવ્ય ભાસ્કરને Google પર મનપસંદ સોર્સ બનાવો