દિગ્ગજ ફૂટબોલર લિયોનલ મેસ્સીના શાનદાર 2 ગોલની મદદથી ઇન્ટર મિયામીએ ઓર્લાન્ડો સિટીને 4-2થી હરાવ્યું. રવિવારે રાત્રે ઇન્ટર એન્ડ કંપની સ્ટેડિયમમાં રમાયેલી આ મેચમાં મિયામીએ 2 ગોલથી પાછળ રહ્યા બાદ જબરદસ્ત વાપસી કરી અને મેચ જીતી.

ખાસ વાત એ રહી કે ઇન્ટર મિયામીએ તેના ઇતિહાસમાં પહેલીવાર ઓર્લાન્ડોના ઘરઆંગણે જીત નોંધાવી, આ પહેલા રમાયેલી 9 મેચમાં ટીમને અહીં ક્યારેય જીત મળી ન હતી.

હાફ ટાઈમ સુધી ઓર્લાન્ડો 2-0થી આગળ હતું મેચની શરૂઆત ઇન્ટર મિયામી માટે કોઈ ખરાબ સપના જેવી રહી. ઓર્લાન્ડો સિટીએ હોમ કન્ડિશનનો ફાયદો ઉઠાવતા શરૂઆતની 25 મિનિટમાં જ મિયામીને બેકફૂટ પર ધકેલી દીધું હતું.

માર્ટિન ઓજેડાના ગોલે ઓર્લાન્ડોને 2-0થી આગળ કરી દીધું.

બીજા હાફમાં મેસ્સી અને સેગોવિયાની જોરદાર ગેમ બીજા હાફમાં વાર્તા સંપૂર્ણપણે બદલાઈ ગઈ. મિયામીના ખેલાડીઓએ એટેકિંગ ફૂટબોલ રમવાનું શરૂ કર્યું.

મેસ્સીના 55 મેચમાં 52 ગોલ વર્તમાન MVPલિયોનલ મેસ્સીએ આ સીઝનના પોતાના પહેલા 2 ગોલ કર્યા. મેસ્સીના હવે MLSની શરૂઆતની 55 મેચમાં 52 ગોલ થઈ ગયા છે.

લિયોનલ મેસ્સીના શાનદાર 2 ગોલે ઇન્ટર મિયામીને ઐતિહાસિક જીત અપાવી.

ટર્નિંગ પોઇન્ટ્સ

મિયામીની સીઝનની પ્રથમ જીત ઇન્ટર મિયામી છેલ્લી મેચમાં લોસ એન્જલસ સામે 3-0 થી હારી ગઈ હતી. આજની જીતે માત્ર ટીમનો આત્મવિશ્વાસ પાછો લાવ્યો જ નહીં, પરંતુ ઓર્લાન્ડો સામેના તેના ખરાબ રેકોર્ડને પણ સુધાર્યો. બંને વચ્ચે 19 મેચ રમાઈ હતી. 8 મેચ મિયામી અને 7 ઓર્લાન્ડોએ જીતી. બંનેએ 4 ડ્રો પણ રમ્યા.

ઇન્ટર મિયામીને નવી સીઝનમાં પહેલી જ જીત મળી.

સાતમા નંબર પર પહોંચી ઇન્ટર મિયામી આ શાનદાર જીત સાથે ઇન્ટર મિયામીએ મેજર લીગ સોકર (MLS)ના પોઇન્ટ્સ ટેબલમાં સાતમું સ્થાન હાંસલ કર્યું. ટીમ પાસે 1 હાર અને 1 જીતથી 3 પોઇન્ટ્સ છે. બીજી તરફ, સતત બીજી હારથી ઓર્લાન્ડો સિટી 15 ટીમમાં 11મા નંબર પર છે. જ્યારે NY રેડ બુલ્સ ટીમ ટોચ પર છે.

દિવ્ય ભાસ્કરને Google પર મનપસંદ સોર્સ બનાવો