ઈરાની ફૂટબોલ પ્રેસિડેન્ટે કહ્યું હતું કે- અમારે વર્લ્ડ કપ રમવું મુશ્કેલ છે 9 દિવસ પહેલા ઈરાની ફૂટબોલ ફેડરેશનના પ્રેસિડેન્ટ મેહદી તાજે કહ્યું હતું કે વર્તમાન પરિસ્થિતિઓમાં નેશનલ ટીમનું અમેરિકા જઈને ફૂટબોલ રમવું અત્યંત મુશ્કેલ છે. તેમણે કહ્યું હતું કે- ‘આ હુમલા પછી અમારી પાસેથી એવી અપેક્ષા રાખી શકાય નહીં કે અમે આશા અને ઉત્સાહ સાથે વર્લ્ડ કપ તરફ જોઈએ.’ એટલું જ નહીં, ટ્રમ્પ સરકારે ઈરાની ચાહકોને દેશમાં પ્રવેશ આપવાનો ઇનકાર કરી દીધો હતો.

2022ના ફિફા વર્લ્ડ કપમાં ઈરાન અને અમેરિકા વચ્ચે મુકાબલો રમાયો હતો, જેને અમેરિકાએ 1-0થી જીત્યો હતો.

આ મામલે ફિફાએ કહ્યું છે કે ટુર્નામેન્ટને મુલતવી રાખવું શક્ય નથી. ફિફાના વર્લ્ડ કપ ચીફ ઓપરેટિંગ ઑફિસર હાઈમો શિર્ગીએ કહ્યું કે પરિસ્થિતિ પર સતત નજર રાખવામાં આવી રહી છે, પરંતુ વર્લ્ડ કપ નિર્ધારિત સમયે જ યોજાશે. આશા છે કે ક્વોલિફાય કરનારી તમામ ટીમો તેમાં ભાગ લેશે.

FIFAના નિયમો શું કહે છે?

ફિફાના નિયમો અનુસાર, જો યજમાન દેશ કોઈ ટીમને પ્રવેશ આપવાનો ઇનકાર કરે છે, તો તેની યજમાની પણ છીનવી શકાય છે. ત્રણ વર્ષ પહેલાં ઇન્ડોનેશિયાએ અંડર-20 વર્લ્ડ કપમાં ઇઝરાયલ ટીમને મંજૂરી આપવાનો ઇનકાર કર્યો હતો, ત્યારબાદ ફિફાએ ટુર્નામેન્ટ ઇન્ડોનેશિયા પાસેથી લઈને આર્જેન્ટિનાને આપી દીધી હતી.

પાંચ ઈરાની ફૂટબોલ ખેલાડીઓને ઓસ્ટ્રેલિયાએ શરણ આપી

ઓસ્ટ્રેલિયાના ગૃહમંત્રી ટોની બર્ક તે 5 મહિલા ખેલાડીઓ સાથે, જેમને માનવીય આધાર પર ઓસ્ટ્રેલિયાના વિઝા આપવામાં આવ્યા છે.

એશિયન કપમાંથી બહાર થયા બાદ ઈરાનની મહિલા ફૂટબોલ ટીમના પાંચ ખેલાડીઓને ઓસ્ટ્રેલિયાએ માનવીય વિઝા આપીને પોતાના દેશમાં રહેવાની મંજૂરી આપી છે. ઓસ્ટ્રેલિયાના હોમ અફેર્સ મિનિસ્ટર ટોની બર્કે જણાવ્યું કે આ ખેલાડીઓને પોલીસે સુરક્ષિત જગ્યાએ પહોંચાડી દીધા છે.

હકીકતમાં, ગયા અઠવાડિયે સાઉથ કોરિયા સામેની મેચ પહેલા ઈરાનની ટીમે પોતાનું રાષ્ટ્રગાન ગાયું ન હતું. આ પછી ઈરાનમાં કેટલાક લોકોએ ટીમની ટીકા કરી અને તેમને સખત સજા આપવાની માગ પણ કરી. આ જ કારણોસર ખેલાડીઓએ શરણ માગી હતી.

ટીમમાં કુલ 26 ખેલાડીઓ અને સ્ટાફ હાજર હતા, પરંતુ હાલમાં માત્ર પાંચ ખેલાડીઓએ જ શરણ માગી હતી. બાકીના ખેલાડીઓ હજુ તેમના નિર્ણય પર વિચાર કરી રહ્યા છે, કારણ કે તેમના પરિવારો ઈરાનમાં રહે છે અને તેમને તેમની વિરુદ્ધ કાર્યવાહીનો ડર છે.

એશિયન કપની પ્રથમ મેચ દરમિયાન 2 માર્ચે ઈરાનની ખેલાડીઓ રાષ્ટ્રગાન દરમિયાન લાઈનમાં ઊભી રહી, પરંતુ તેમણે ગીત ગાયું નહીં. આ પછી તેમને ગદ્દાર જાહેર કરવામાં આવ્યા.

દિવ્ય ભાસ્કરને Google પર મનપસંદ સોર્સ બનાવો