ભારતના હેડ કોચ ગૌતમ ગંભીરે તાજેતરમાં T20 વર્લ્ડ કપ 2026 જીતીને પોતાનો બીજો ICC ખિતાબ મેળવ્યો.

આ પહેલાં તેમની કોચિંગ હેઠળ ટીમ ઈન્ડિયાએ 2025માં ચેમ્પિયન્સ ટ્રોફી પણ જીતી હતી. જોકે પૂર્વ કેપ્ટન સૌરવ ગાંગુલીનું કહેવું છે કે ગંભીરની અસલી પરીક્ષા 2027ના વન-ડે વર્લ્ડ કપમાં થશે.

સાઉથ આફ્રિકાની પરિસ્થિતિઓમાં થશે અસલી પરીક્ષા ગાંગુલીએ એક ઇન્ટરવ્યૂમાં કહ્યું કે 2027નો વર્લ્ડ કપ સાઉથ આફ્રિકામાં રમાશે અને ત્યાંની પરિસ્થિતિઓ ટીમ અને કોચ બંનેને પડકાર આપશે. તેમણે વિશ્વાસ વ્યક્ત કર્યો કે ગંભીર વર્તમાન ટીમ સાથે ત્યાં પણ સારું પ્રદર્શન કરી શકે છે.

2023ના વન-ડે વર્લ્ડ કપમાં ભારતે ફાઇનલ સુધી અજેય સફર ખેડ્યો હતો, પરંતુ ફાઇનલમાં ઓસ્ટ્રેલિયા સામે હારનો સામનો કરવો પડ્યો હતો. ગંભીરે 2011માં ખેલાડી તરીકે વર્લ્ડ કપ જીત્યો હતો, હવે તેમના પર કોચ તરીકે ભારતને વન-ડેનો વિશ્વ વિજેતા બનાવવાનું દબાણ છે.

રોહિત-વિરાટ માટે 2027 વર્લ્ડ કપ છેલ્લી તક હોઈ શકે છે 2027નો વન-ડે વર્લ્ડ કપ ભારતના બે દિગ્ગજ ખેલાડીઓ રોહિત શર્મા અને વિરાટ કોહલી માટે પણ ખૂબ જ મહત્વપૂર્ણ માનવામાં આવી રહ્યો છે. અટકળો લગાવવામાં આવી રહી છે કે આ બંને દિગ્ગજોના કરિયરનો છેલ્લો વર્લ્ડ કપ હોઈ શકે છે. આવી સ્થિતિમાં, ગંભીરના ખભા પર આ દિગ્ગજોને યાદગાર વિદાય આપવાની જવાબદારી પણ રહેશે.

ટેસ્ટ ક્રિકેટમાં પીચને લઈને ગાંગુલીની સલાહ ગાંગુલીએ રેડ બોલ એટલે કે ટેસ્ટ ક્રિકેટમાં પ્રદર્શન સુધારવા માટે ગંભીરને ખાસ સલાહ આપી છે. તેમણે કહ્યું કે ગંભીરને પીચ વિશે ઓછું વિચારવું પડશે. ગાંગુલીએ કહ્યું, ‘તેને વિકેટની ચિંતા પોતાના મગજમાંથી કાઢી નાખવી પડશે. ઇંગ્લેન્ડ સિરીઝને જ જોઈ લો, તે પીચ વિશે કંઈ કરી શક્યા નહીં અને પરિણામો બધાની સામે છે.’

ટર્નર્સની જરૂર નથી તેણે આગળ કહ્યું કે ભારતને ઘરેલું મેદાનો પર સ્પિનને મદદરૂપ (ટર્નર્સ) પીચ પર રમવાની જરૂર નથી. સારી પીચ જ સારા પરિણામો આપશે.

ગંભીરને થોડો સમય આપો, તે શ્રેષ્ઠ કોચ છે – ગાંગુલી સૌરવ ગાંગુલીએ ગંભીરનું સમર્થન કરતા કહ્યું કે તે એક ખૂબ સારા કોચ છે. તેમણે યાદ અપાવ્યું કે બોર્ડર-ગાવસ્કર ટ્રોફી પહેલા પણ તેમણે કહ્યું હતું કે ગંભીરને થોડો સમય આપવાની જરૂર છે. ગાંગુલીના મતે, ‘વ્હાઇટ બોલ કોચ તરીકે તે ખૂબ સારા છે, ખાસ કરીને ભારતીય પરિસ્થિતિઓમાં. તેમની પાસે એક શાનદાર ટીમ છે.’ IPL 2026ની સીઝન પછી ગંભીરનું સંપૂર્ણ ધ્યાન ટેસ્ટ અને વન-ડે ક્રિકેટ પર રહેશે.

દિવ્ય ભાસ્કરને Google પર મનપસંદ સોર્સ બનાવો