નાદિયા જિલ્લામાં ધરપકડ કરાયેલા ફિલિપ સંગમા પર આરોપીને ભારતમાં પ્રવેશવામાં મદદ કરવાનો આરોપ છે.

મુખ્ય આરોપીની ધરપકડ

ભારત અને બાંગ્લાદેશ વચ્ચેના સંબંધો ફરી એકવાર મજબૂત થતા દેખાય છે. આ સંદર્ભમાં, પશ્ચિમ બંગાળ પોલીસની સ્પેશિયલ ટાસ્ક ફોર્સે બાંગ્લાદેશી યુવા કાર્યકર્તા શરીફ ઉસ્માન હાદીની હત્યા કેસમાં મહત્ત્વની કાર્યવાહી કરી છે. જેમાં બાંગ્લાદેશી નાગરિકની ધરપકડ કરાઇ છે. આ ધરપકડને બાંગ્લાદેશની તપાસ એજન્સીઓને મોટી મદદ માનવામાં આવી રહી છે અને તે બંને દેશો વચ્ચે વિશ્વાસ પુનઃસ્થાપિત થવાનો સંકેત આપે છે.

ગેરકાયદે ભારતમાં કરાવ્યો પ્રવેશ

પોલીસે જણાવ્યુ છે કે, ગુપ્ત માહિતીના આધારે ધરપકડ કરાયેલા આરોપી ફિલિપ સંગમાને નાદિયા જિલ્લામાંથી ધરપકડ કરવામાં આવી હતી. 12 ડિસેમ્બરના રોજ ઢાકામાં થયેલી હત્યા બાદ સંગમા સરહદી દલાલ હતો અને તેણે મુખ્ય આરોપીઓ, ફૈઝલ કરીમ મસૂદ અને આલમગીર હુસૈનને ગેરકાયદેસર રીતે ભારતમાં પ્રવેશવામાં મદદ કરી હતી. બંને આરોપીઓની 8 માર્ચે બાંગ્લાદેશની સરહદે પશ્ચિમ બંગાળના બોનગાંવથી ધરપકડ કરવામાં આવી હતી.

ભારત અને બાંગ્લાદેશ વચ્ચે સહયોગ

આ ધરપકડ ભારત અને બાંગ્લાદેશ વચ્ચે સહયોગનું મહત્વપૂર્ણ ઉદાહરણ છે. છેલ્લા કેટલાક મહિનાઓથી વચગાળાની સરકારના વડા મોહમ્મદ યુનુસના કાર્યકાળ દરમિયાન બંને દેશો વચ્ચે તણાવ વધ્યો હતો. પરંતુ યુનુસના ગયા પછી નવી સરકાર સાથેના સંબંધોમાં ઝડપથી સુધારો થયો છે. બાંગ્લાદેશ લાંબા સમયથી માંગ કરી રહ્યું હતું કે હાદી હત્યા કેસના આરોપીઓને ભારતને સોંપાય અને તેઓ સરહદ પારથી થતી દાણચોરી અટકાવવામાં સહયોગ કરે. ભારતે આ માંગણીનું પાલન કર્યું છે. આરોપીઓને બાંગ્લાદેશને સોંપવાની પ્રક્રિયા ઝડપી બનાવી, અને સંગમાની ધરપકડથી બાંગ્લાદેશને નોંધપાત્ર રાહત મળી છે.

આ પણ વાંચોઃ નેપાળમાં ભારતીય યાત્રાળુઓની બસ ખીણમાં ખાબકી, 7ના મોત, 9 ઘાયલ