યશ દયાલ હાલમાં બે અલગ-અલગ કેસોમાં જાતીય શોષણના આરોપોનો સામનો કરી રહ્યો છે. ગાઝિયાબાદની એક મહિલાએ આરોપ લગાવ્યો છે કે દયાલે લગ્નની લાલચ આપીને પાંચ વર્ષ સુધી તેનું ભાવનાત્મક અને શારીરિક શોષણ કર્યું. આ ફરિયાદ બાદ તેમની વિરુદ્ધ બળાત્કારનો કેસ નોંધવામાં આવ્યો.

આ ઉપરાંત, જયપુરમાં એક સગીરા સાથે દુષ્કર્મનો પણ આરોપ લગાવવામાં આવ્યો છે. આરોપ છે કે દયાલે ક્રિકેટમાં મદદ કરવાનું આશ્વાસન આપીને 17 વર્ષની છોકરી સાથે 2023માં દુષ્કર્મ કર્યું. આ મામલે જયપુરના સાંગાનેર સદર પોલીસ સ્ટેશનમાં FIR નોંધાયેલી છે.

રાજસ્થાન હાઈકોર્ટે જાન્યુઆરીમાં આ મામલે દયાલને વચગાળાની રાહત આપી હતી. ત્યારબાદ તેણે હાઈકોર્ટમાં અલગ અરજી દાખલ કરી.

શ્વેતાએ દયાલને જામીન મળવા પર ખુશી વ્યક્ત કરી હતી

જાન્યુઆરીમાં જ્યારે યશ દયાલને જામીન મળ્યા હતા, ત્યારે પણ શ્વેતાએ સોશિયલ મીડિયા પર ખુશી વ્યક્ત કરી હતી અને તેને જસ્ટિસ એટલે કે ન્યાય કહ્યો હતો.

યશ દયાલના સમર્થનમાં શ્વેતા પુંડીરે 23 જાન્યુઆરીએ પોસ્ટ કરી હતી.

RCBએ 5 કરોડમાં રિટેન કર્યો