પાંચ વખતની ચેમ્પિયન મુંબઈ ઈન્ડિયન્સ (MI) એ સોમવારથી IPL 2026 માટે તેની તાલીમ શરૂ કરી દીધી છે. મુંબઈમાં આયોજિત આ પ્રી-સીઝન કેમ્પના પહેલા દિવસે ખેલાડીઓએ ફિટનેસ અને કન્ડિશનિંગ પર ધ્યાન કેન્દ્રિત કર્યું. હેડ કોચ મહેલા જયવર્ધનેની દેખરેખ હેઠળ ખેલાડીઓએ મેદાન પર પરસેવો પાડ્યો. આ કેમ્પમાં બોલિંગ કોચ લસિથ મલિંગા અને પારસ મ્હામ્બ્રે પણ હાજર રહ્યા.

પહેલા ટ્રેનિંગ સેશનમાં શાર્દુલ ઠાકુર, મયંક માર્કંડે, અલ્લાહ ગઝનફર, નમન ધીર, રાજા અંગદ બાવા, રોબિન મિન્ઝ, રઘુ શર્મા, મયંક રાવત, દાનિશ મલેવાર, મોહમ્મદ ઇઝહાર અને અશ્વિની કુમારનો સમાવેશ થયો હતો.

સેશનની શરૂઆત ફિટનેસ અને કન્ડિશનિંગ ડ્રિલથી થઈ. ખેલાડીઓએ મૂવમેન્ટ ડ્રિલ, એજિલિટી એક્સરસાઇઝ અને ફિટનેસ ટેસ્ટમાં ભાગ લીધો.

કોચ જયવર્ધને બોલ્યા- પહેલા દિવસની એનર્જી સ્પેશિયલ હોય છે

ટ્રેનિંગ સેશનમાં બોલિંગ કોચ પારસ મ્હામ્બ્રે અને લસિથ મલિંગા, ફિલ્ડિંગ કોચ કાર્લ હોપકિન્સન સાથે સ્ટ્રેન્થ એન્ડ કન્ડિશનિંગ અને ફિઝિયો ટીમ પણ હાજર રહી.

હેડ કોચ મહેલા જયવર્ધનેએ કહ્યું કે પ્રી-સિઝનનો પહેલો દિવસ હંમેશા ખાસ હોય છે. ખેલાડીઓ મેદાન પર આવે છે ત્યારે ટીમમાં નવી ઉર્જા દેખાય છે અને અહીંથી જ આખા અભિયાનની દિશા નક્કી થાય છે. તેમણે કહ્યું કે ટીમમાં એવા ખેલાડીઓ છે જે ફ્રેન્ચાઇઝીને સારી રીતે જાણે છે, જ્યારે કેટલાક નવા ચહેરા પણ સામેલ થયા છે.

જયવર્ધનેના મતે પહેલો દિવસ આખી સિઝનની તૈયારીનો ટોન સેટ કરે છે. ટીમે પહેલા સેશનથી જ ટ્રેનિંગ અને તૈયારીમાં સંપૂર્ણ ધ્યાન કેન્દ્રિત કરવાનો લક્ષ્ય રાખ્યો છે.

મલિંગા અને મ્હામ્બ્રે બોલિંગની કમાન સંભાળી રહ્યા છે

મુંબઈ ઈન્ડિયન્સે આ વખતે પોતાના સપોર્ટ સ્ટાફને ઘણો મજબૂત કર્યો છે. મેદાન પર જયવર્ધને સાથે બોલિંગ કોચ તરીકે અનુભવી લસિથ મલિંગા અને ભારતના પૂર્વ બોલિંગ કોચ પારસ મ્હામ્બ્રે ખેલાડીઓને ટિપ્સ આપતા જોવા મળ્યા.

જ્યારે ફિલ્ડિંગ કોચ કાર્લ હોપકિન્સને ફિલ્ડિંગ ડ્રિલ્સનું નેતૃત્વ કર્યું. આગામી કેટલાક દિવસોમાં કેપ્ટન હાર્દિક પંડ્યા, રોહિત શર્મા, સૂર્યકુમાર યાદવ અને જસપ્રીત બુમરાહ જેવા વરિષ્ઠ ખેલાડીઓ પણ કેમ્પમાં જોડાશે તેવી અપેક્ષા છે.

હરાજી પછી ટીમ બદલાયેલી દેખાઈ રહી છે

IPL 2026 માટે મુંબઈ ઈન્ડિયન્સે પોતાની ટીમમાં અનુભવ અને યુવાનોનો સારો તાલમેલ બેસાડ્યો છે. ટીમમાં ટ્રેન્ટ બોલ્ટની વાપસી થઈ છે, જ્યારે ક્વિન્ટન ડી કોક, મિશેલ સેન્ટનર અને વિલ જેક્સ જેવા વિદેશી ખેલાડીઓ ટીમને મજબૂતી આપી રહ્યા છે. દીપક ચાહર અને શાર્દુલ ઠાકુરના આવવાથી ટીમની ઝડપી બોલિંગ યુનિટ ઘણી સંતુલિત દેખાઈ રહી છે.

———————————-

સ્પોર્ટ્સના આ સમાચાર પણ વાંચો…

બાંગ્લાદેશે પાકિસ્તાનને 2-1થી વનડે સિરીઝ હરાવી:ત્રીજી વનડે 11 રનથી જીતી; તંઝીદની સદી, સલમાન આગાની સદી એળે ગઈ

બાંગ્લાદેશે પાકિસ્તાનને ત્રીજી વન-ડેમાં 11 રનથી હરાવીને ત્રણ મેચની સિરીઝ 2-1થી પોતાના નામે કરી લીધી. ઢાકાના શેરે બાંગ્લા નેશનલ સ્ટેડિયમમાં રમાયેલી મેચમાં તંઝીદ હસન તમીમે શાનદાર સદી ફટકારીને ટીમને 50 ઓવરમાં 5 વિકેટે 290 રન સુધી પહોંચાડી. વાંચો સંપૂર્ણ સમાચાર

દિવ્ય ભાસ્કરને Google પર મનપસંદ સોર્સ બનાવો