મંગોલિયાના ઉલાનબટોરમાં ચાલી રહેલી એશિયન બોક્સિંગ ચેમ્પિયનશિપ 2026માં ભારત માટે સોમવારનો દિવસ મિશ્ર રહ્યો. પ્રીતિ પવાર, પ્રિયા અને અરુંધતી ચૌધરીએ પોતપોતાની સેમિફાઇનલ મેચ જીતીને ફાઇનલમાં સ્થાન મેળવી લીધું છે. અત્યાર સુધીમાં ભારતની ચાર બોક્સરો ફાઇનલમાં પહોંચી ચૂકી છે.

પ્રીતિ પવારે પેરિસ ઓલિમ્પિકની બ્રોન્ઝ મેડલ વિજેતાને એકતરફી મુકાબલામાં હરાવીને ગોલ્ડ મેડલની આશા મજબૂત કરી દીધી છે. જ્યારે, નિખત ઝરીન અને લવલીના બોરગોહેનને સેમિફાઇનલમાં હારનો સામનો કરવો પડ્યો, જેના કારણે તેમને બ્રોન્ઝ મેડલથી જ સંતોષ માનવો પડ્યો.

પ્રીતિએ પેરિસ ઓલિમ્પિક મેડલ વિજેતાને હરાવી

54 KG વજન વર્ગમાં પ્રીતિ પવારે પેરિસ ઓલિમ્પિકની બ્રોન્ઝ મેડલ વિજેતા કોરિયાની એજી ઇમને 5-0થી હરાવી. વર્લ્ડ બોક્સિંગ કપની ગોલ્ડ મેડલ વિજેતા પ્રીતિએ ત્રણેય રાઉન્ડમાં પોતાનો નિયંત્રણ જાળવી રાખ્યો અને વિરોધી ખેલાડીને કોઈ તક આપી નહીં. હવે ફાઇનલમાં તેમનો મુકાબલો ચીની તાઈપેની હુઆંગ હ્સિયાઓ-વેન સાથે થશે, જે ત્રણ વખતની વર્લ્ડ ચેમ્પિયન અને ટોક્યો ઓલિમ્પિકની બ્રોન્ઝ મેડલ વિજેતા છે.

પ્રીતિ પવારે પેરિસ ઓલિમ્પિકની બ્રોન્ઝ મેડલ વિજેતાને હરાવીને એશિયન બોક્સિંગ ચેમ્પિયનશિપની ફાઇનલમાં પોતાનું સ્થાન નિશ્ચિત કર્યું.

પ્રિયા અને અરુંધતિ પણ ફાઇનલમાં: ગોલ્ડ માટે ટકરાશે

60 કિલોગ્રામ વજન વર્ગમાં પ્રિયાએ સ્થાનિક ખેલાડી મંગોલિયાની નામૂન મોંખોરને 5-0ના સર્વસંમત નિર્ણયથી હરાવી. હવે તે ફાઇનલમાં ઉત્તર કોરિયાની ઉન ગ્યોંગ વોન સામે ટકરાશે. જ્યારે, 70 કિલોગ્રામ વર્ગમાં અરુંધતિ ચૌધરીએ ઉઝબેકિસ્તાનની ઓયશા તોઇરોવાને 4-1થી હરાવી. ફાઇનલમાં તેનો મુકાબલો કઝાકિસ્તાનની બકિત સેદિશ સામે થશે.

60 કિલોગ્રામ વજન વર્ગમાં પ્રિયાએ નેમંગોલિયાની નામુન મોંખોરને 5-0થી હરાવીને એશિયન બોક્સિંગ ચેમ્પિયનશિપની ફાઇનલમાં પોતાનું સ્થાન નિશ્ચિત કર્યું.

નિખત અને લવલીનાને બ્રોન્ઝ મેડલ

નિખત ઝરીન અને લવલીના બોરગોહેનને બ્રોન્ઝ મેડલથી સંતોષ માનવો પડ્યો. તેમને સેમિફાઇનલમાં હારનો સામનો કરવો પડ્યો. 51 KG વજનમાં નિખત ઝરીનને વર્તમાન ઓલિમ્પિક ગોલ્ડ મેડલ વિજેતા ચીનની વુ યુએ 5-0થી હરાવી. વુ યુ આ સમયે દુનિયાની સૌથી આક્રમક મુક્કેબાજોમાંની એક માનવામાં આવે છે.

જ્યારે, 75 કિલોગ્રામ કેટેગરીમાં લવલીના બોરગોહેનને ઉઝબેકિસ્તાનની અઝીઝા જોકિરોવાએ 5-0થી હરાવી. આ ઉપરાંત 80 KG વજનમાં અનુભવી પૂજા રાણી પણ કઝાકિસ્તાનની નાદેઝ્ડા રયાબેટ્સ સામે હારીને બહાર થઈ ગઈ.

લાલ જર્સીમાં ભારતની નિખત ઝરીન એશિયન બોક્સિંગ ચેમ્પિયનશિપની સેમિફાઇનલ મેચ દરમિયાન.

વીજળી ગુલ થતાં અંકુશિતા બોરોને પોઈન્ટ્સના આધારે હાર મળી 65 કિલોગ્રામ વજન વર્ગમાં અંકુશિતા બોરો અને ચાઈનીઝ તાઈપેઈની નિયાન-ચિન ચેન વચ્ચેની મેચ દરમિયાન પહેલા રાઉન્ડ પછી વીજળી ગુલ થઈ ગઈ. લાંબા સમય સુધી અવરોધ રહેવાને કારણે મેચનો નિર્ણય પોઈન્ટ્સના આધારે કરવામાં આવ્યો, જેમાં અંકુશિતાને 0-3થી હારનો સામનો કરવો પડ્યો.

આજે બે કેટેગરીની સેમિફાઇનલ ચેમ્પિયનશિપના આગામી રાઉન્ડમાં 7 એપ્રિલે ભારતની વધુ બે બોક્સર (48kg અને 57kg કેટેગરી) તેમની સેમિફાઇનલ મેચ રમશે.

દિવ્ય ભાસ્કરને Google પર મનપસંદ સોર્સ બનાવો