પૂર્વ ભારતીય ફાસ્ટ બોલર મુનાફ પટેલે ટીમ ઈન્ડિયાના હેડ કોચ ગૌતમ ગંભીરના સમર્થનમાં મોટું નિવેદન આપ્યું છે. તેમણે BCCIને ચેતવણી આપી કે જો ગંભીરને હટાવવામાં આવશે તો તેના ગંભીર પરિણામો આવી શકે છે.

ગૌતમ ગંભીરે 2024 T-20 વર્લ્ડ કપ પછી ટીમ ઈન્ડિયાના હેડ કોચનો પદભાર સંભાળ્યો હતો. તેમના કાર્યકાળમાં ટીમે ચેમ્પિયન્સ ટ્રોફી, એશિયા કપ અને T-20 વર્લ્ડ કપ જેવી મોટી ટુર્નામેન્ટ જીતી છે. જોકે ટેસ્ટ ક્રિકેટમાં ટીમનું પ્રદર્શન નબળું રહ્યું છે, જેના કારણે તેમને હટાવવાની માંગ ઉઠી રહી છે.

મુનાફ પટેલે કહ્યું-

ગંભીર જેવા કોચને હટાવવાથી ખેલાડીઓને સંભાળવા મુશ્કેલ થઈ જશે. તે સત્ય બોલે છે અને જરૂર પડ્યે મોટા ખેલાડીઓને બહાર કરવાનો સાહસ રાખે છે.