Vaibhav Suryavanshi; RR vs SRH IPL 2026 LIVE Score Updates Yashasvi Jaiswal Ravindra Jadeja
- Gujarati News
- Sports
- Cricket
- Vaibhav Suryavanshi; RR Vs SRH IPL 2026 LIVE Score Updates Yashasvi Jaiswal Ravindra Jadeja | Abhishek Sharma Ishan Kishan
સ્પોર્ટ્સ ડેસ્ક7 કલાક પેહલા
- કૉપી લિંક
IPL 2026માં આજે બે મેચ રમાશે. 36મી મેચમાં આજે રાજસ્થાન રોયલ્સ (RR)નો સામનો સનરાઇઝર્સ હૈદરાબાદ (SRH) સામે થશે. જયપુરના સવાઈ માનસિંહ સ્ટેડિયમમાં રમાનારી આ મેચ સાંજે 7:30 વાગ્યે શરૂ થશે.
બંને ટીમ આ સીઝનમાં બીજી વખત આમને-સામને થશે. આ પહેલા 13 એપ્રિલે રમાયેલી મેચમાં હૈદરાબાદે રાજસ્થાનને 57 રને હરાવ્યું હતું. આ સીઝનમાં બંને ટીમની આ આઠમી મેચ હશે. રાજસ્થાને 7માંથી 5 અને હૈદરાબાદે 4 મેચ જીતી છે. SRH તેની છેલ્લી ત્રણેય મેચ સતત જીત્યું છે.
હૈદરાબાદનું પલડું ભારે
રાજસ્થાન અને હૈદરાબાદ વચ્ચે અત્યાર સુધીમાં કુલ 22 મેચ રમાઈ છે. તેમાંથી સનરાઇઝર્સ હૈદરાબાદે 13 મેચમાં જીત મેળવી છે, જ્યારે રાજસ્થાન રોયલ્સ માત્ર 9 મેચ જીતવામાં સફળ રહી છે. જોકે, પોતાના હોમ ગ્રાઉન્ડ પર રાજસ્થાન આ રેકોર્ડ સુધારવાના ઈરાદા સાથે મેદાનમાં ઉતરશે.
સવાઈ માનસિંહ સ્ટેડિયમ RRનું બીજું હોમ ગ્રાઉન્ડ છે. અહીં બંને ટીમ વચ્ચે ચાર મેચ રમાઈ છે અને બંને ટીમે 2-2 મેચ જીતી છે.
વૈભવ અને આર્ચર રાજસ્થાનની તાકાત
રાજસ્થાન રોયલ્સ માટે આ સીઝનમાં યુવા બેટર વૈભવ સૂર્યવંશીએ સૌને પ્રભાવિત કર્યા છે. તેણે 7 મેચમાં 220.86ના તોફાની સ્ટ્રાઈક રેટથી 254 રન બનાવ્યા છે, જેમાં 2 ફિફ્ટી સામેલ છે. બોલિંગમાં જોફ્રા આર્ચર ટીમની મુખ્ય કડી છે. આર્ચરે 7 મેચમાં 11 વિકેટ ઝડપી છે અને તેનો ઇકોનોમી રેટ 7.96 રહ્યો છે.
અભિષેક-ઈશાન પર ટકેલી હૈદરાબાદની આશા
સનરાઇઝર્સ હૈદરાબાદ માટે અભિષેક શર્મા રન મશીન સાબિત થઈ રહ્યો છે. તેણે 7 મેચમાં 1 સદી અને 2 ફિફ્ટીની મદદથી 323 રન બનાવ્યા છે. તેનો સ્ટ્રાઈક રેટ 215.33 છે. બોલિંગ વિભાગમાં ઈશાન મલિંગા કહેર મચાવી રહ્યો છે. મલિંગાએ 7 મેચમાં 12 વિકેટ લઈને પર્પલ કેપની રેસમાં પોતાને જાળવી રાખ્યો છે. તેનું સર્વશ્રેષ્ઠ પ્રદર્શન 32 રન આપીને 4 વિકેટ રહ્યું છે.
પીચ અને કંડિશન
સવાઈ માનસિંહ સ્ટેડિયમની પીચ સામાન્ય રીતે બેટર અને બોલર બંનેને સમાન મદદ આપે છે. જોકે, મેચ સાંજે હોવાને કારણે બીજી ઇનિંગમાં ઝાકળ મહત્વની ભૂમિકા ભજવી શકે છે, જેના કારણે ટૉસ જીતનારી ટીમ પહેલા બોલિંગ કરવાનો નિર્ણય લઈ શકે છે.
આ મેદાન પર 64 IPL મેચ રમાઈ છે, જેમાંથી 36% મેચ પહેલા બેટિંગ કરનારી ટીમે અને 64% મેચ પહેલા બોલિંગ કરનારી ટીમે જીતી છે. અહીંનો સૌથી મોટો સ્કોર 219/5 છે, જે 2025માં હોમ ટીમ રાજસ્થાન રોયલ્સે બનાવ્યો હતો.
બન્ને ટીમની સંભવિત પ્લેઇંગ-12
સનરાઇઝર્સ હૈદરાબાદ (SRH): ટ્રેવિસ હેડ, અભિષેક શર્મા, ઈશાન કિશન (કેપ્ટન, વિકેટકીપર), હેનરિક ક્લાસેન, સલિલ અરોરા, અનિકેત વર્મા, નીતિશ કુમાર રેડ્ડી, હર્ષ દુબે, શિવાંગ કુમાર, ઈશાન મલિંગા, પ્રફુલ્લ હિંગે અને લિયામ લિવિંગસ્ટન.
રાજસ્થાન રોયલ્સ (RR): યશસ્વી જયસ્વાલ, વૈભવ સૂર્યવંશી, ધ્રુવ જુરેલ (વિકેટકીપર), રિયાન પરાગ (કેપ્ટન), શિમરોન હેટમાયર, ડોનોવન ફરેરા, રવીન્દ્ર જાડેજા, જોફ્રા આર્ચર, રવિ બિશ્નોઈ, નાન્દ્રે બર્ગર, બ્રિજેશ શર્મા, શુભમ દુબે.
latest video
news via inbox
Subscribe for the latest updates, promotions, and ads.
