IPL 2026માં આજે પંજાબ કિંગ્સ અને રાજસ્થાન રોયલ્સ સામસામે હશે. આ મેચ ન્યૂ ચંદીગઢના મહારાજા યાદવેન્દ્ર સિંહ સ્ટેડિયમમાં સાંજે 7:30 વાગ્યાથી રમાશે. આ સિઝનમાં વૈભવ સૂર્યવંશીએ અત્યાર સુધીમાં સૌથી વધુ 32 છગ્ગા ફટકાર્યા છે. પંજાબ કિંગ્સ ટેબલ ટોપર છે. ટીમે 7માંથી 6 મેચ જીતી છે, જ્યારે એક મેચ વરસાદને કારણે રદ થઈ હતી. બીજી તરફ રાજસ્થાન રોયલ્સે 8માંથી 5 મેચ જીતી છે અને 3માં હારનો સામનો કર્યો છે. રાજસ્થાનનું પલડું ભારે બંને ટીમો વચ્ચે અત્યાર સુધીમાં કુલ 30 મેચ રમાઈ છે. રાજસ્થાન રોયલ્સની ટીમ મજબૂત દેખાય છે, જેણે 17 મેચમાં જીત નોંધાવી છે. જ્યારે પંજાબ કિંગ્સને 12 મેચમાં સફળતા મળી છે, જ્યારે એક મેચ ટાઈ રહી હતી. બંને ટીમો વચ્ચે ન્યૂ ચંદીગઢમાં 2 મેચ રમાઈ હતી, બંને પંજાબે જીતી હતી. પ્રભસિમરન પંજાબના ટોપ સ્કોરર પંજાબ કિંગ્સ માટે આ સિઝનમાં પ્રભસિમરન સિંહ અને અર્શદીપ સિંહે શાનદાર પ્રદર્શન કર્યું છે. પ્રભસિમરને 7 મેચમાં 192.61ના તોફાની સ્ટ્રાઈક રેટથી 287 રન બનાવ્યા છે, જેમાં 3 અડધી સદી સામેલ છે. બોલિંગમાં અર્શદીપ સિંહે 7 મેચમાં 7 વિકેટ ઝડપી છે. વૈભવે છેલ્લી મેચમાં સદી ફટકારી રાજસ્થાન રોયલ્સ તરફથી વૈભવ સૂર્યવંશી આ સિઝનમાં ટીમના ટોપ સ્કોરર છે. તેણે છેલ્લી મેચમાં હૈદરાબાદ સામે સદી ફટકારી હતી. તેણે 8 મેચમાં 234.86ના સ્ટ્રાઈક રેટથી 357 રન બનાવ્યા છે, જેમાં એક સદી અને બે અડધી સદીનો સમાવેશ થાય છે. બોલિંગ ડિપાર્ટમેન્ટમાં જોફ્રા આર્ચર કહેર વર્તાવી રહ્યા છે, જેમણે 8 મેચમાં 13 વિકેટ લીધી છે. પિચ રિપોર્ટ મહારાજા યાદવેન્દ્ર સિંહ સ્ટેડિયમની પિચ સામાન્ય રીતે બેટરો અને ઝડપી બોલરો બંનેને મદદ કરે છે. મોહાલીના નવા મેદાનમાં 14 IPL મેચો રમાઈ છે. અહીંનો હાઈએસ્ટ IPL ટીમ સ્કોર 254/7 છે, જે આ સિઝનમાં પંજાબે લખનઉ સામે બનાવ્યો હતો. વેધર રિપોર્ટ મુલ્લાંપુરમાં મંગળવારે વાદળછાયું વાતાવરણ રહેશે. મેચના દિવસે અહીં ગરમી રહેશે. તાપમાન 38 થી 25 ડિગ્રી સેલ્સિયસની વચ્ચે રહેશે. વરસાદની કોઈ શક્યતા નથી. બંને ટીમોની સંભવિત પ્લેઇંગ-12 પંજાબ કિંગ્સ: પ્રભસિમરન સિંહ (વિકેટકીપર), પ્રિયાંશ આર્ય, કૂપર કોનોલી, શ્રેયસ ઐયર (કેપ્ટન), શશાંક સિંહ, માર્કસ સ્ટોઇનિસ, માર્કો યાનસન, ઝેવિયર બાર્ટલેટ, વિજયકુમાર વૈશાખ, અર્શદીપ સિંહ, યુઝવેન્દ્ર ચહલ, નેહલ વઢેરા. રાજસ્થાન રોયલ્સ: યશસ્વી જયસ્વાલ, ધ્રુવ જુરેલ (વિકેટકીપર), રિયાન પરાગ (કેપ્ટન), શિમરોન હેટમાયર, ડોનોવન ફરેરા, રવીન્દ્ર જાડેજા, જોફ્રા આર્ચર, તુષાર દેશપાંડે, નાન્દ્રે બર્ગર, બ્રિજેશ શર્મા, રવિ બિશ્નોઈ, વૈભવ સૂર્યવંશી.