IPLમાં આજે ગુજરાત ટાઇટન્સ (GT) અને રોયલ ચેલેન્જર્સ બેંગલુરુ (RCB)ની ટીમ સામસામે ટકરાશે. આ મેચ અમદાવાદના નરેન્દ્ર મોદી સ્ટેડિયમમાં સાંજે 7:30 વાગ્યાથી શરૂ થશે.

બંને ટીમ આ સીઝનમાં બીજી વખત ટકરાશે. અગાઉની મેચમાં બેંગલુરુએ ગુજરાતને 5 વિકેટે હરાવ્યું હતું. બંને ટીમની આ નવમી મેચ હશે. બેંગલુરુ 8માંથી 6 મેચ જીતીને પોઇન્ટ્સ ટેબલમાં બીજા નંબરે છે. ટીમ આજે જીતશે તો 14 પોઇન્ટ્સ સાથે ટૉપ પર આવવાની તક મળશે. બીજી તરફ, ગુજરાત 8માંથી 4 મેચ જીત્યું છે અને 4માં હારનો સામનો કરવો પડ્યો છે.

GTની નજર બરાબરી કરવા પર

IPLમાં બંને ટીમ વચ્ચે અત્યાર સુધીમાં કુલ 7 મેચ રમાઈ છે. જેમાંથી બેંગલુરુએ 4 મેચમાં જીત મેળવી છે, જ્યારે ગુજરાતની ટીમ 3 વખત જીતી છે. આજની મેચમાં ગુજરાતનો પ્રયાસ બરાબરી કરવાનો રહેશે. અમદાવાદમાં બંને ટીમ એકવાર સામસામે આવી છે, જેમાં બેંગલુરુને જીત મળી હતી.

ગિલ સંભાળી રહ્યો છે ગુજરાતની બેટિંગ

આ સીઝનમાં ગુજરાતનો કેપ્ટન શુભમન ગિલ શાનદાર ફોર્મમાં છે. તેણે અત્યાર સુધી રમાયેલી 7 મેચમાં 148.64ના સ્ટ્રાઈક રેટથી 330 રન બનાવ્યા છે, જેમાં 3 ફિફ્ટી સામેલ છે. ટીમની બેટિંગનો મોટો આધાર ગિલની શરૂઆત પર રહેશે. કાગિસી રબાડા આ સીઝનમાં ઘાતક સાબિત થઈ રહ્યો છે. તેણે 8 મેચમાં 13 વિકેટ ઝડપી છે. જોકે, તેનો 9.48નો ઇકોનોમી રેટ ટીમ માટે થોડો ચિંતાનો વિષય બની શકે છે.

કોહલી RCBનો ટૉપ સ્કોરર

બેંગલુરુ તરફથી વિરાટ કોહલી રનનો વરસાદ કરી રહ્યો છે. કોહલીએ 8 મેચમાં 162.50ના શાનદાર સ્ટ્રાઈક રેટ સાથે 351 રન બનાવ્યા છે. કોહલીએ પણ આ સીઝનમાં 3 ફિફ્ટી ફટકારી છે. ભુવનેશ્વર કુમારની સ્વિંગ અને સચોટ બોલિંગ સૌથી મોટું હથિયાર સાબિત થઈ રહી છે. તેણે 8 મેચમાં 14 વિકેટ લીધી છે.

પીચ રિપોર્ટ

અમદાવાદની પીચ બેટર્સ માટે મદદગાર સાબિત થાય છે. અહીં અત્યાર સુધી IPLની 47 મેચ રમાઈ છે. જેમાંથી 24 મેચમાં પહેલી ઇનિંગમાં બેટિંગ કરનાર ટીમ અને 23 મેચમાં ચેઝ કરનાર ટીમની જીત થઈ છે. અહીંનો હાઇએસ્ટ ટીમ સ્કોર 243/5 છે, જે પંજાબે ગત સીઝનમાં ગુજરાત સામે બનાવ્યો હતો.

વેધર રિપોર્ટ